Vahebraina 4:1 - KITABU KITAKATIFU

¹ Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

Vahebraina 4:1 ပူးပေါင်းရင်းမြစ်များ

Tsing'ano 14:16

Wobugeeri a tidzanga, na a leka ubudamano; Navutswa musiru a kolanga kirage na yesuuviridzanga.

Tsing'ano 28:14

Mundu u tidzanga madiku gosi a veye nobusangali; Navutswa uyu wedinyeridza mwoyo gwigwe a la gwa mu kivi.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Livalidza 14:34

Kuli livalidza lyamadiku ga va luta kivala, kali madiku makumi gane, lidiku lilala li volangwa kuva muhiga, mu la ginga ubudamano bwenyu, mihiga makumi gane, na mu la manya lyononya lyelilagana lyange.

Matayo 24:48

Navutswa mutugwa uyu mudamano na a va na a la vola mu mwoyo gwigwe, Mwami wange a ki lindagira;

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Varumi 11:20

Bulahi; tsyavu nanywa kigira livula kusuuvira lyavo nive u singira kigira lisuuvira lilyo. U tigingira, navutswa u tie:

Varumi 3:23

Kigira vosi va kola ubwoni, va vula kuduka ku ubukumi bwa Nyasaye;

1 Vakorintho 10:12

Kigira yaga, uyu u ganagana a singiye, a henze bulahi gase a la gwa.

2 Vakorintho 6:1

Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa.

Vagalatia 5:4

Mwinye avenyanga kuvolwa kuva nobulungi kigira lilaga mwavukannyeywi na Kristo: mu gwiye kutwula mu tsimbabasi.

2 Timoteo 2:13

ni ku vula kusuuvira mwene a la menya musuuvirifu, kigira si a nyala kweyambakana mwene.

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Vahebraina 13:7

Mwidzulitse yavo ava mwimiranga, ava mu volera likuva lya Nyasaye; nokuluta lihera lyeligenda lyavo, mwege ku lisuuvira lyavo.

Vahebraina 3:11

Kuli wa ndisuha mu livihirirwa lyange Si va lingira mu bwelemeridzi bwange.

Vahebraina 4:11

Kunangwa kwidinnye kwingira mu bwelemeridzi zana, mundu ku vosi a ta gwa ku lugano lwelifwana zana.

Vahebraina 4:9

Kunangwa ubwelemeridzi bwelisabato bu tigaye ku vandu va Nyasaye.

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.