Vahebraina 3:8 - KITABU KITAKATIFU

⁸ Mu ta dinnya myoyo gyenyu, kuli wa ga li mu lidiku lyelivihiridza, Kuli mu lidiku yilyo lyeligeridzwa mu kyangalangwi,

Vahebraina 3:8 ပူးပေါင်းရင်းမြစ်များ

2 Avami 17:14

Navutswa va sula kuhulira, ni va kola magoti gavo madinyu, kuli magoti ga vadada vavo, va vula kusuuvira Yahova Nyasaye wavo.

2 Kyetsinyinga 30:8

Ku nangwa mu ta kola magoti genyu madinyu, kuli vaguga venyu mba; navutswa mwivike ku Yahova, mwi ngire hatakatifu hehe, ha ya ta kasa mihiga nemihiga, mu tumekire Yahova Nyasaye wenyu, ubutima bwibwe bululu bu twule ku mwinye.

2 Kyetsinyinga 36:13

Ya sula amalago go mwami Nebukadinezaru, niye wa mwisuhidza ku Nyasaye: navutswa ya kola ligoti lilye lidinyu, na ya dinye ridza mwoyo gwigwe a vule kwirana ku Yahova, Nyasaye wa Israeli.

Nehemia 9:16

Navutswa yavo na vaguga vetu va kola noluyai, na va kola amagoti gavo kuva madinyu, na va vula kuhulira amalago gogo,

Ayubu 9:4

A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

Zaburi 106:14

Navutswa va li ni va kayirangwa ligali mwigendanyama, Na va geridza Nyasaye lwa va mu kyangalangwi.

Zaburi 78:18

Na va geridza Nyasaye mu myoyo gyavo Ku lisaala vyokulia kuli likayirwa lyavo.

Zaburi 78:56

Navutswa va geridza nokuhing'ana na Nyasaye Weigulu Ligali, Kandi si va gumira lilolekidza lilye;

Zaburi 95:8

Mu ta dinnya myoyo gyenyu kuli mwa kola ha Meriba, Kuli mu lidiku lya Massa mwigendanyama;

Kutwula 17:7

Naye ya gulika ha zana Masa, na Meriba, kigira lihing'ana lya avana va Israeli, kandi kigira va geridza Yahova, ni va teva, Yahova a veye hagati hetu, naho mba?

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Tsing'ano 28:14

Mundu u tidzanga madiku gosi a veye nobusangali; Navutswa uyu wedinyeridza mwoyo gwigwe a la gwa mu kivi.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Jeremia 7:26

navutswa si va mbulira mba, kandi si va tegidza amatu, navutswa va kola magoti gavo kuva madinyu: va kola vidamano kuvita vaguga vavo.

Danyeli 5:20

Navutswainyingamwoyo gwigwe gwigingira, na roho gwigwe gwa gwa mudinyu kuduka ya kola ubwigingiri, ya twulidzwa ku intebe yeye yobwami, na va nyaga ubukumi bwibwe:

Livalidza 14:11

Na Yahova ya teva Musa, Avandu yava va la ndega kuduka inyinga ki? Na va la vula kusuuvira inze kuduka inyinga ki, kali ni nkoli vilolekidzu vyosi hagati havo?

Matayo 13:15

Kigira mwoyo gwavandu yava gu gwiye mudamano, Kandi amatu gavo si ga hulira bulahi Va hannyi tsimoni tsyavo; Gase va la lola netsimoni tsyavo, Nokuhulira namatu gavo Nokumanya mmwoyo gwavo, Nokweganira, Na inze mba honnye.

Vikolwa 19:9

Navutswa avalala lwa va duka kwidinyiridza ni va sula kusuuvira, ni va vola ubudamano ku Inzira yiyi imbiri wekiduma, ya twula na a va leka, ni yahula avegidzwi, na a vola amakuva kazozo mu lisomero lya Turano.

Vikolwa 7:36

Mundu uyu ya vimirira kutwula, inyima wa ya kola vyokugenya nevilolekidzu mu Egepeti, nomu Inyanza Inzakanyu, kandi mu kyangalangwi imihiga amakumi gane.

1 Vakorintho 10:9

Kandi ku ta geridza Mwami kuli avalala kuvo va mu geridza, ni viitwa netsinzoka.

Kwidzulitsa 6:16

Mu ta geridza Yahova Nyasaye wenyu, kuli mwa mu geridzira ha Massa.

1 Samweli 6:6

Kunangwa kigira ki mu kolanga myoyo gyenyu miliduhu, kuli Vaegepeti na Farao va kola myoyo gyavo miliduhu? Lwa ya kola vindu vyokugenya hagati havo, si va leka avandu kutwula, nokutsia?