Vahebraina 2:9 - KITABU KITAKATIFU

⁹ Navutswa ku lola Yesu, uyu w a kolwa mugeheru inyinga inkekeke ku tsingelosi, kigira ubusaliri bwelikudza, u vikeywi itaji yobukumi neyelidzominywa, ku tsimbabasi tsya Nyasaye a duke kutsatsama likudza kigira avandu vosi.

Vahebraina 2:9 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Isaya 11:1

Na ki la sibuka kisibu ku kitinya kya Jesse, no lusya lu twula ku imiri gyakyo lu laama makuyu.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Matayo 16:28

Ligali mmu volera, Avalala kuvo avasingira hano si va li lola likudza ligali, va kikiri kulola Mwana wa Adamu ni yadza mu bwami bwibwe.

Matayo 6:28

Kigira ki mu henda mwoyo ku tsingubo? Mu ganagane amadanya gemilimi, kuli ga viruka; si ga kola miyinzi, kandi si ga sita:

Marko 9:1

Vatakatifu. Kandi ya va volera, Ligali, mmu volera, avalala ku va singiye hano si va la tsatsama ku likudza, ni va ta lola ubwami bwa Nyasaye buudza netsingulu.

Luka 9:27

Navutswa mmu volera ligali, Ku yava ava singiye hano avalala si va li lola likudza bugira kutanga kulola ubwami bwa Nyasaye.

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 10:17

Yiki ni kigira Dada a nyanza, kigira inze mbaana livamwoyo lyange nduke kuligumira kandi.

Yohana 12:32

Kandi inze, ni ngingwa igulu welirova, nda ng'usa avandu vosi vadze ku inze.

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Yohana 8:51

Ligali, ligali mmu volera, mundu na a gumira likuva lyange, si a li lola likudza mihiga nemihiga.

Yohana 8:52

Avayuda va mu volera, Kalunu ku manya u veye nelidemone. Abrahamu ya kudza, kandi avaprofeti; nive u vola, Mundu na a gumira likuva lyange si a li tsatsama likudza mihiga nemihiga.

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

Varumi 5:18

Kunangwa kuli likalagirwa lya duka ku vandu vosi li twula ku lihyola lilala ukuduka ku likalagirwa kivi; kandi ndiyo ku likola lilala lyobulungi kihaanwa kya duka ku vandu vosi kya luha kya duka kuleta ubulungi bwelivamwoyo.

Varumi 5:8

Navutswa Nya saye a lang'aminya ubuyanzi bwibwe ku kwinye, kigira lwa kwa li avoni, Kristo ya ku kudzera.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

Varumi 8:32

Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye?

2 Vakorintho 5:15

uyu ya kudzira vosi, ava veye mwoyo va tekolera vyavo avene, navutswa va kolere uyu wa va kudzira na a simuguka kandi.

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vagalatia 4:4

navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga,

1 Timoteo 2:6

wehaana a ve mutungu gwa vosi; lilolekidza li letangwa mu tsinyinga tsyalyo;

Vahebraina 1:9

U yanzi ubulungi, kandi u vihireywi ubwebaali; Kigira yaga Nyasaye, Nyasaye wowo, u ku vaki Maguta gobusangali kuvita avakyo.

Vahebraina 10:5

Kigira yaga inyinga yingira mu lirova, a vola, Visyuviriru nevihaanwa si wenya, Navutswa wa nombera mubiri;

Vahebraina 11:5

Ku lisuuvira Enoka yadikidzwa a vule kulola likudza; kandi si ya loleka, kigira Nyasaye ya mwadikidza: kigira imbiri welyadikidzwa lilye ya li na a lolekidzeywi ya yanzeka ku Nyasaye:

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 2:7

Wa mu kola mugeheru inyinga inkekeke ku tsingelosi; Wa mu vika itaji yobukumi nevelidzominywa, Nokumwamehidza ku mivinzi gyamakono gogo:

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Vahebraina 8:3

Kigira musalisi munene sa mulala a vikangwa a twulidze vihaanwa halala nevisyuviriru: kunangwa ga dukiranga musalisi munene uyu kandi a ve nekindu kya a twulidza.

1 Petro 1:21

ava mu vereye kuye, avasuuviri Nyasaye, wa mu simugukidza kutwula mu vakudzu, nokumuha ubukumi; lisuuvira lyenyu nelihenzerera vi duke kuva ku Nyasaye.

1 Yohana 2:2

a veve kyowisayasayira ku bwoni bwetu; kandi si a veye ku bwoni bwetu bweng'ine, navutswa kandi ku bwoni bwavomkivala vosi.

Likunula 19:12

Kandi tsimoni tsitsye tsi veye kuli lumemo lwomuliru kandi ku mutwe gwigwe tsi veye ku tsitaji tsinyingi; kandi a veye nelieta li ng'odeywi li ta veye ho nomundu u li manya, na a ta li uyu mwene.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,