Vahebraina 2:4 - KITABU KITAKATIFU

⁴ Nyasaye kandi ya lolekidza halala navo, ku vilolekidzu, noku vyokugenya, noku tsingulu tsinyingi, noku vihaanwa vya Roho Mutakatifu kuli ubulaliri bwibwe.

Vahebraina 2:4 ပူးပေါင်းရင်းမြစ်များ

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Marko 16:20

Kandi va twula ni vilwadza mu vivala vyosi, Mwami yinzira navo, na a nenehidza amakuva ne vilolekidzu vya va hereka. Ameni.

Marko 6:14

Herodi mwami ya ga hulira, kigira lieta lilye lidzominywa mu kivala; na a vola, Yohana Mbatidzi u simuguki, yiki ni kigira tsingulu yitsi tsinene tsi veye kuye.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 4:48

Yesu ya mu volera, Mwinye ni mu ta lola vyokulolekidza nevyokugenya si mu li suuvira mba.

Vikolwa 14:3

Ku, va menya yo tsinyinga tsinyingi, ni vilwadza ku Mwami nobuluviriri, naye ya lolekidza tsimbabasi tsitsye na a haana vilolekidzu nevyokugennya vi kolwe namakono gavo.

Vikolwa 4:10

ga manyekane ku mwinye mwosi, kandi ku vandu vosi va Israeli, ga veye ku lieta lya Yesu Kristo wa Nazareti, wa mwinye mwa bamba, kandi wa Nyasaye ya simugukidza mu vakudzi, ku lieta lilye mundu uyu a singira hano imbiri wenyu mulamu.

Vikolwa 5:32

Kandi kwinye ku veye avaloli vamakuva yaga; kandi ndiyo Roho Mutakatifu, wa Nyasaye a mali kuha ava mu hulira.

Vafeso 1:5

Kigira ya tanga kukutovola ku bugirirwe kuva avana kuye kigira Yesu Kri sto, kuli liyanza lyobulaliri bwibwe,

Vafeso 1:9

Na a ku mannya agaviswa gobulaliri bwibwe, kuli liyanza lilye lilahi lya ya saavira muye,

Vafeso 4:7

Navutswa kwa hebwa sa mulala tsimbabasi kuli kigero kyekihaanwa kya Kristo.

Vahebraina 6:4

Kigira ku yavo ava lavidzeywi lulala, nokutsatsama kihaanwa kyomigulu, nokukolwa avasangi ku Roho Mutakatifu,