Vahebraina 2:18 - KITABU KITAKATIFU

¹⁸ Kigira mwene u saliye mu ligeridzwa, a veye netsingulu kukonya yava nva geridzwa.

Vahebraina 2:18 ပူးပေါင်းရင်းမြစ်များ

Luka 22:28

Navutswa mwinye nivo ava hongera ninze nuligeridzwalyange;

Luka 22:53

Lwa nda li halala nemwinye kazozo mu litempeli, si mwa nyira amakono genyu kungumira: navutswa yiyi ni isaa yenyu, neyetsingulu tsyekisundi.

Yohana 10:29

Dada wange wa mpa, a veye munene kuvita vosi; kandi si ha veye nomundu u nyala kuganyaga mu mkono gwa Dada.

1 Vakorintho 10:13

Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

Vafilipi 3:21

u li girunkannya mubiri gwobudamano bwetu, gu fwanane nomubiri gwobukumi bwibwe, kuli ikola lilye lya a nyalanga kugehidza vindu vyosi vi ve vike kuye.

2 Timoteo 1:12

Kigira yaga nyolanga vindu yivi: navutswa si mbeye isoni; kigira mmanya uyu wa nsuuviranga, kandi mmanya ligali a nyala kulinda kya nda vika kuye kuduka ku lidiku yilyo.

Vahebraina 5:2

A nyala kwikudzira nobuhooma yava ava vula kumanya nava gota, kigira mwene u kumbiridzeywi nobudedekere.

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;

Yudasi 1:24

Kalunu ku uyu u nyala kulinda mwinye mu vule kwikigitala, nokumusingeridza imbiri wobukumi bwibwe bugira imbala mu buyanzi ubunene,

Likunula 3:10

Kigira wa linda likuva lyobwikudziri bwange inze kandi nda ku linda u twule ku isaa yokugeridzwa, isaa i li duka ku lirova lyosi, kugeridza ava menyanga ku lirova.