Vahebraina 2:17 - KITABU KITAKATIFU

¹⁷ Kunangwa ga mu dukira kufwananywa navamwavo veve mu vindu vyosi, a duke kuva musalisi munene wetsimbabasi, musuuvirifu mu vindu vya Nyasaye, a lombe kyokwisayasayira kyobwoni bwavandu.

Vahebraina 2:17 ပူးပေါင်းရင်းမြစ်များ

2 Kyetsinyinga 29:24

na vasalisi va tsiita, ni va haana kihaanwa kyobwoni ku bwali na masahi gatsyo, kulomba kyokukunikira Israeli vosi ubwoni; kigira mwami ya laga, kihaanwa kyokusambwa, nekihaanwa kyobwoni ki lomberwe Israeli vosi.

Isaya 11:5

Musipi gwomulwena lwilwe gu la va ubulungi, nomusipi gwekikenge kikye gu la va ubusuuvirifu.

Ezekieli 45:15

kandi kimeme kyekyayo, kyomu tsimia tsiviri ki twula ku vyayiru vya Israeli vi samangwa bu lahi namadzi; ki ve kihaanwa kyobusie, na kihaanwa kyokusambwa, na vihaanwa vyemirembe, kuva kyokuvakunikira ubwoni, Mwami Yahova a vola.

Ezekieli 45:17

Na ki la va kidieli kyomunene kuhaana vihaanwa vyokusambwa, nevihaanwa vyobusie, nevihaanwa vyokunwa, mu masavo genyu, noku lilonda myeli miliva, nomu madiku gamasabato, mu masavo gosi aga lagwa agenyumba ya Israeli: a la lomba kihaanwa kyobwoni, nekihaanwa kyobusie, nekihaanwa kyokusambwa, ne vihaanwa vyemirembe, kukolera inyumba ya Israeli, kyokukunika ubwoni.

Ezekieli 45:20

Na u la kola ndiyo ku lidiku lya gatano na gaviri lyomweli kuvo sa mulala u hyolanga, neku uyu musiru: ni ndiyo mu li kolera inyumba kyokukunika ubwoni.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Kyavalevi 14:18

na maguta ga tigala mu mukono gwomusalisi a la vika ku mutwe gwa uyu wa li kutakaswa: na musalisi a la lombera uyu kyokukunika ubwoni imbiri wa Yahova.

Kyavalevi 16:16

na a la lombera hatakatifu kyokukunika ubwoni, kigira ubudamano bwa avana va Israeli, na kigira mahyolo gavo, kali ubwoni bwavo bwosi: kandi a la kolera ndiyo lihema lyokuvuganira mu, li menyanga halala navo hagati hobudamano bwavo.

Kyavalevi 6:30

Kihaanwa kyobwoni, ku vihaanwa vyobwoni vyosi kya masahi gakyo ga letwa mu lihema lyokuvuganira mu, kulomba kyokukunika ubwoni mu hatakatifu, si ki nyala kulibwa mba: ki la sambwa nomuliru.

Kyavalevi 8:15

Na ya giita; na Musa ya vugula masahi, na a ga vika ku tsinziga tsyobwali tsimbega tsyosi nekidete kikye na a takasa ubwali, na a tsuka masahi isi wobwali kubutakasa, a duke kubulombera kyokukunika ubwoni.

Livalidza 15:25

Na musalisi a la lomba kyokukunika ubwoni bwelivugana lyosi lya avana va Israeli, na va la samefwa; kigira lya li lihyolo, navo va leti kihaanwa kyavo, kihaanwa ki lombwa nomuliru ku Yahova, na kihaanwa kyavo kyobwoni imbiri wa Yahova, kigira lihyolo lyavo:

Varumi 15:17

Kunangwa mbeye neliidzominya mu Kristo Yesu mu vindu vya Nyasaye.

Varumi 5:10

Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

Vafeso 2:16

kandi a duke kuvahambannya na Nyasaye yava vaviri mu mubiri mulala kigira musalaba, na a mali kwiita ubusigu zana nagwo.

Vakolosai 1:21

Na mwi nye, ku matsyambiri mwa li avaluhya hlndi, kandi mwa ii avasigu ku myoyo gyenyu mu miyinzi gyenyu midamano,

Vahebraina 10:21

kandi kigira ku oeye nomusalisi munene ku inyumba ya Nyasaye;

Vahebraina 2:11

Kigira uyu u takasanga kandi yava ava takasangwa va twula mu mulala: kigira yaga si a la v a isoni kuvalanga avamitu,

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

Vahebraina 2:16

Kigira ligali si yehaana kuva ubukonyi ku tsingelosi, navutswa yehaana ku visukululwi vya Abrahamu.

Vahebraina 3:1

Kunangwa, avamitu avatakatifu, avasangi mu lilangwa lyomigulu, mu ganagane uyu Mutumwa, Musalisi Munene welyeyama lyetu, naye ni Yesu;

Vahebraina 3:2

wa li musuuvirifu ku uvu w a mu tovola, kuli kandi wa Musa ya li mu inyumba yeye yosi.

Vahebraina 3:5

Kandi Musa ligali ya li musuuvirifu mu inyumba yeye yosi kuli mutumwa, a ve kilolekidzu kyevindu vi li volwa inyima;

Vahebraina 4:14

Kunangwa kigira ku veye nomusalisi munene wetsingulu wingira na a vita mu ligulu, Yesu Mwana wa Nyasaye, ku gumire ligali lyeyama lyetu.

Vahebraina 4:15

Kigira si ku veye nomusalisi munene u ta nyala kuverera ku budedekere bwetu; navutswa uyu wa geridzwa mu vindu vyosi kuli kwinye, navutswa bugira ubwoni.

Vahebraina 5:1

Kigira musalisi munene sa mulala u vugulwa ku vandu, u vikeywi kigira avandu, mu vindu vi yeka ku Nyasaye, a duke kuhaana vihaanwa netsisadaka kigira ubwoni.

Vahebraina 5:10

wa Nyasaye ya gulika musalisi munene ku lugano lwa Melikizedeki.

Vahebraina 5:2

A nyala kwikudzira nobuhooma yava ava vula kumanya nava gota, kigira mwene u kumbiridzeywi nobudedekere.

Vahebraina 5:5

Kandi ndiyo Kristo si yiidzominya mwene a kolwe musalisi munene, navutswa uyu wa mu volera, Ive u veye Mwana wange, Lero nkwivuye;

Vahebraina 6:20

ha Yesu yingiye kigira kwinye, kuli mwimiriri wetu, u mali kugwa musalisi munene wemihiga nemihiga ku lugano lwa Melikizedeki.

Vahebraina 7:26

Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

Vahebraina 7:28

Kigira lilaga li viki avandu ava veye nobudedekere va ve avasalisi avanene: navutswa likuva lyelyesuha lya duka inyima welilaga, li tovola Mwana u veye mudukiru mihiga nemihiga.

Vahebraina 8:1

Kalunu mu yaga aga ku volanga likuva linene ni yili: Ku veye nomusalisi munene lugano yilu, uyu wikalanga ha mukono mulungi gwekisako kyo Munene migulu,

Vahebraina 8:3

Kigira musalisi munene sa mulala a vikangwa a twulidze vihaanwa halala nevisyuviriru: kunangwa ga dukiranga musalisi munene uyu kandi a ve nekindu kya a twulidza.

Vahebraina 9:11

Navutswa Kristo uudzi musalisi munene wevindu vilahi vi lidza, ku lihema li veye linene kuvita, kandi li veye nobudukiru kuvita, li ta lombwa namakono, ga veye kuvola, si li veye lyelilombwa yili,