Vahebraina 2:10 - KITABU KITAKATIFU

¹⁰ Kigira bwa li bulahi kuye, wa lomberwa vindu vyosi kandi wevindu vyosi vyadzira kuye mu lileta avana vanyingi va duke mu bukumi, ma a mu kole mudukiru kigira ubusaliri, uyu munene wobuhonnyi bwavo.

Vahebraina 2:10 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Tsing'ano 16:4

Yahova u koli vindu vyosi ku bulaliri bwibwe Yee, kali avadamano ku lidiku lyobudamano.

Isaya 43:21

avandu va ndelombera inze mwe ne, va duke kulandidza lidzominywa lyange.

Isaya 55:4

Henza, mali kumuhaana a ve muloli imbiri wavandu, mwimiriri nomunene wavandu.

Hosea 8:10

Yee, kali na a tunganga mu tsihiri, kalunu nda va vungidza halala; navo va tangi kugeha kigira umusigo gwomwami wavanene.

Mika 2:13

Wononnya wanegiye imbiri wavo: va sambuye ni va viti ha kiribwa, na va twuli ha kiribwa; mwami wavo wimiye imbiri wavo, na Yahova wimiye kuva mu mutwe gwavo. Na nda vola, Mwadza, mu hulire.

Livalidza 7:15

nekimoli kilala kigiriki, neligondi lilala likole, nomwana weligondi mulala mukole womuhiga mulala, kuva kihaanwa kyokusambwa;

Luka 13:32

Ya va volera, Mu tsie kuvolera kinywere yikyo, Henza, ntwulidza amademone nokukola ubuhonnyi lero na mugamba, nogundi mugamba nda malilidzwa.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Luka 24:46

ka ndi ya va volera, Ga ng'odwa ndiyo, Kristo a la saliridzwa, nokusimuguka mu vakudzi ku lidiku lya kavaka;

Yohana 11:52

kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

Yohana 19:30

Ma Yesu lwa ya mala kuvugula isiki, ya vola, Ga fweye ni yinaminya mutwe gwigwe na Iakula mwoyo.

Vikolwa 3:15

kandi mwiita Munene welivamwoyo; wa Nyasaye ya simugukidza mu vakudzi; kwinye ku veye avaloli ku yaga.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Varumi 11:36

Kigira vindu vyosi vya twula muye, ni vidzira kuye; kandi virana kuye. A ve nobukum; mihiga nemi higa. Amini.

Varumi 9:23

kandi a duke kumannya ubutugi bwetsimbabasi tsitsye ku viju vyetsimbabasi, vya ya tanga kulomba kuduka mu bukumi,

1 Vakorintho 2:7

Navutswa kwinye ku vola ubugeeri bwa Nyasaye mu gaviswa, ubugeeri bwa viswa, bwa Nyasaye ya singeridza imbiri wetsinyinga yitsi ku lidzominywa lyetu.

1 Vakorintho 8:6

navutswa ku kwinye a veye ho Nyasaye mulala, Dada, wevindu vyosi vi twula kuye, kandi kwinye ku veye aveve; kandi Mwami a veye mulala yeng'ine, Yesu Kristo, wevindu vyosi vi twula kuye, halala nekuinye.

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

2 Vakorintho 4:17

Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;

2 Vakorintho 5:18

Navutswa vindu vyosi vi twula ku Nyasaye, wa ku hambannya kuye mwene kigira Kristo kandi ya ku ha ubutumwa yibu bwokuhambannya;

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

Vagalatia 3:26

Kigira mwinye mwosi mu veye avana va Nyasaye, kigira lisuuvira mu Kristo Yesu.

Vafeso 2:7

mu tsinyinga tsidzanga a duke kulang'aminya ubutugi ubunene bwetsimbabasi tsitsye mu bulahi ku kwinye mu Kristo Yesu.

Vafeso 3:10

ubugeeri bwa Nyasaye obu veye tsing'ano tsinyingi, bu vuulwe kalunu ku ubunene no ku tsingulu tsyomigulu, nelivugana.

Vakolosai 3:4

Kristo a veye livamwoyo lyetu, lwa a li lang'aminywa hene yaho na mwinye mu la lang'aminywa mu bukumi halala naye.

2 Timoteo 2:10

Kigira yaga nzikudziranga ku vyosi kigira avatovole, navo kandi va duke kunyola ubuhonnyi bu veye mu Kristo Yesu halala nobukumi bu ta hera mba.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 6:20

ha Yesu yingiye kigira kwinye, kuli mwimiriri wetu, u mali kugwa musalisi munene wemihiga nemihiga ku lugano lwa Melikizedeki.

Vahebraina 7:26

Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

Vahebraina 7:28

Kigira lilaga li viki avandu ava veye nobudedekere va ve avasalisi avanene: navutswa likuva lyelyesuha lya duka inyima welilaga, li tovola Mwana u veye mudukiru mihiga nemihiga.

1 Petro 1:12

Aga lang'aminywa kuvo, si ga li kuvo avene, navutswa ku mwinye va tumekiranga mu vindu yivi vilwadzeywi kalunu na yavo ku mwinye, avilwadza ivangeli mu Roho Mutakatifu wa tumwa kutwula migulu; amakuva getsingelosi venyanga kuteveridza.

1 Petro 5:1

Kigira yaga nzeganehidza avakulundu velivugana ava veye ku mwinye, inze u veye mukulundu wakye wavo, nomuloli wobusaliri bwa Kristo, kandi u veye musangi wobukumi bu li lang'aminywa.

1 Petro 5:10

Kandi Nyasaye wetsimbabasi tsyosi wa langa mwinye mu duke kunyola ubukumi bwibwe bwemihiga nemihiga mu Kristo, lwa mu mali kusaliridzwa inyinga inkekeke, mwene a la mu kola avadukanu, nokumusingeridza, nokumuvika tsingulu.

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;