Vahebraina 13:8 - KITABU KITAKATIFU

⁸ Yesu Kristo a veye lero nolwave, yee, kuduka mihiga nemihiga, mulala mwere.

Vahebraina 13:8 ပူးပေါင်းရင်းမြစ်များ

Litanga 21:33

Na Abrahamu ya simika muvinde mu Beer-sheba, na yanira lieta lya Yahova, Nyasaye Wemihiga nemihiga.

Zaburi 103:17

Na ha zana si ha li ki manya kandi mba. Navutswa tsimbabasi tsya Yahova kutwula mihiga nemihiga kuduka mihiga nemihiga tsi veye ku yavo ava mu tidzanga, Na ubulungi bwibwe bu veye ku avana va avana vavo;

Zaburi 90:2

Lwa vigulu vi kikiri kulombwa, Kinga lwa u kikiri kulomba lirova na vyomulirova Kutwula mihiga nemihiga, kuduka mihiga nemihiga, ive u veye Nyasaye.

Zaburi 90:4

Kigira mu tsimoni tsitsyo mihiga elfu Gyi veye kuli lidiku lyomgolova lwa li viti, Na kuli lilinda lyobudiku.

Kutwula 3:14

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

2 Vakorintho 1:19

Kigira Mwana wa Nyasaye, Yesu Kristo, w a kwilwadza ku mwinye, inze na Silvano na Timoteo, si ya li yee na auwa, navutswa muye ga veye yee.

2 Vakorintho 1:20

Kigira ligera lyelisuuviridza lya Nyasaye ni li veye linyingi mu uyu li veye yee: kigira yaga Amini li veye mu uyu kandi, ku ubukumi bwa Nyasaye bu twula ku kwinye.

Vahebraina 1:12

Kandi kuli ingubo yokwigulu u la vi linga, Kuli ingubo kandi vi la girunkanywa: Navutswa ive u veye kuli u veye, Nemihiga gyigyo si gyi la hera mba.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yudasi 1:25

ku uyu a veye Nyasaye yeng'ine Muhonnyi wetu, kigira Yesu Kristo Mwami wetu, vi ve kuye ubukumi nobunyali netsingulu nelinyala imbiri wetsinyinga tsyosi, kandi kalunu, kandi kuduka imihiga nemihiga. Amini.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.