Vahebraina 13:5 - KITABU KITAKATIFU

⁵ Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.

Vahebraina 13:5 ပူးပေါင်းရင်းမြစ်များ

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 30:31

Naye ya teva, nda kuha ikindu ki? Na Yakobo ya vola, U ta mpa kindu: nu u va nu u nkolera inkuva yiyi, nda kwayira mitugu gyigyo kandi nokugyilinda.

Litanga 31:5

na a va volera, Ndoli mumon; mwa dada wenyu si mu yeki ku inze kuli matsyambiri; navutswa Nyasaye wa dada wange a veye halala ninze.

1 Avami 6:13

Na nda menya hagati ha avana va Israeli, na si nda leka avandu vange Israeli mba.

1 Avami 8:57

Yahova Nyasaye wetu a ve halala na kwinye, kuli ya li halala navaguga vetu: a ta ku leka mba, kandi a ta ku syuva mba;

1 Kyetsinyinga 28:20

Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

Zaburi 10:3

Kigira mudamano yiidzominya ku likayirwa lyomwoyo gwigwe, Nokugasidza wemoni yokukayirwa, yee, a legannya Yahova.

Zaburi 119:36

U yekidze mwoyo gwange ku lilo lekidza lilyo, Gu ta yeka ku likayirwa.

Zaburi 37:25

Nda li musoleli, na kalunu ngwiye musakulu; Navutswa nkikiri kulola mulungi kulekwa vutswa, Kinga visukululwi vivye kusava vyokulia.

Zaburi 37:28

Kigira Yahova a yanza likalaga lilungi, Na si a lekanga avatakatifu veve; Va lindangwa mihiga nemihiga: Navutswa visukululwi vyavadamano vi la temagwa.

Kutwula 2:21

Na Musa ya manya, na a menya halala na mundu uyu: na ya ha Musa Zipora mukana wewe.

Kutwula 20:17

U ta kayirwa inyumba yowakyo mba, u ta kayirwa mukali wowakyo mba, kinga mutugwa muyai wewe, kinga mutugwa mukana wewe, kinga ing'ombe yeye, kinga isukiri yeye, kinga kilala ku vyosi vya a veye navyo.

Tsing'ano 23:4

U teluhidza mu lyenya ubutugi; U leke ubugeeri bubwo mwene.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 41:17

Avadaka navadambi venyanga madzi, na fii ga veye ho, na tsinimi tsyavo tsyumanga kigira buluhu; Inze, Yahova, nda va tivulira, inze Nyasaye wa Israeli, si nda va leka mba.

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Matayo 6:19

Mu tivikira tsikiba mu lirova, he tsisere netsisisinia tsyononnya kandi ha avivi vigulira ni viba:

Matayo 6:25

Yiki ni kigira mmu volera, Mu ta henda mwoyo ku liva mwoyo lyenyu, vya mu li lia kinga vya mu li nwa; kinga ku mubiri, vya mu li vika. Liva mwoyo si li vita vyokulia, nomubiri si gu vita tsingubo?

Matayo 6:34

Kunangwa mu ta henda mwoyo ku mugamba gundi: kigira mugamba gu la henda mwoyo namakuva gagwo. Ubudamano bwelidiku bu dukana nelidiku lyene.

Marko 7:22

nokukayirwa vyavene, nekirage, nobugadi, nobuhuuvali, nemoni indamano, nokunyega, nokwigingira, nokusiruhala.

Luka 3:14

Navasikari kandi va mu teva, ni va vola, Na kwinye ku kola ndi? Naye ya va volera, Mu ta nuula mundu kindu, kandi mu ta gina mundu; kandi mu bugirire madanyi genyu.

Luka 8:14

Nabwo bwa gwa mu mafwa, nava ava hulira, navutswa lwa va genda ku inzira yavo, amadidikano, nobutugi, nelikayirwa lye liva mwoyo lya ka lunu, vi va miga si va komelidza kindu.

Varumi 1:29

Ni vizula kirage kyosi, nobudamano, nokukayirwa vindu vyavandi, nobwoneku; avizula imbodoka, nobwiiti, netsimbemba, nobugadi, namanyego; avamonyi,

1 Vakorintho 5:11

navutswa kalunu mmu ng'odeye mu ta hambana nomundu u langwa amwavo, na a veye muheyi, kinga u kayirwa ubu damano, kinga u londa misambwa, kinga munyegi, kinga muhambiki, kinga munuuli; mundu u veye ndi mu ta hambana naye mba, auwa, kali kulia naye.

1 Vakorintho 6:10

kinga avivi, kinga avakayirwa vyavene, kinga avahambiki, kinga avanyegi, kinga avanuuli, si va nyala kunyola ubwami bwa Nyasaye.

2 Vakorintho 4:9

ku dambidzangwa, navutswa si ku lekangwa; ku tsomangwa hasi, navutswa si ku dividzangwa;

Vafeso 5:3

Navutswa kutsia mbakana, nobudamano bwosi, kinga likayirwa, vi ta talwa mu mwinye mba, kuli aga dukira avatakatifu;

Vafeso 5:5

Kigira mu manya ligali yaga, muheyi, kinga mudamano, kinga mukayirwi, u veye wemisambwa, si a veye nemiyandu kali mulala mu bwami bwa Kristo na Nyasaye.

Kwidzulitsa 31:6

Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Kwidzulitsa 4:31

kigira Yahova Nyasaye wowo a veye Nyasaye wetsimbabasi; si u la daka kuye kindu, si a la kwononya, kandi si a livirira lilagana lyavaguga vovo lya ya visuhira.

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.

1 Timoteo 3:3

a ta va muhambiki, a ta va wekizalo; navutswa a ve muhooma, a ta va mutindi, u ta yanza ifetha;

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 7:21

lwa ndoli mu vilanye ijoho indahi ya Babuloni, netsishekeli tsimia tsiviri tsyefetha, nekilezero kyethahabu yetsishekeli makumi gatano buliduhu bwakyo, hene vaho nda vi kayirwa, nokuvivugula; na henza, vi viseywi mu lirova hagati helihema lyange, na ifetha i veye isi wavyo.

2 Petro 2:14

ava veye netsimoni tsyobuheyi ava ta nyala kwigaya ku bwoni; ava goonyanga myoyo gyiyagika; ava veye nomwoyo gwa nalidzwa mu likayirwa; avana vekikyeno;

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.

Yudasi 1:11

O bayaye bu ve kuvo kigira va londa inzira ya Kaini, nokunyagulira ligali lihyolo lya Balaam kigira madanyi, nokudiva mu bwebaali bwa Kora.

1 Samweli 10:7

Na ga la va, vilolekidzu yivi lwa vi duka ku ive, u kole kuli u lola bulahi kukola; kigira Nyasaye a veye halala nive.

1 Samweli 12:22

Kigira Yahova si a la leka avandu veye kigira lieta lilye linene, kigira ya yanzidza Yahova kukola mwinye mu ve avandu veve mwene.