Kunangwa tsingelosi vaviri va duka Sodoma inyinga ya mgolova; na Loti yikala ha kiribwa kya Sodoma: na Loti ya va lola, na a singira kutsia kwagana navo; naye yeyinaminya na tsimoni tsitsye tsi henza hasi;
Na ga duka lidiku lilala, Elisha ya tsia Shunem, ya li ho mukali munene; naye ya mu goonya yadze kulagira ubukima. Na ga duka kuva ndiyo, lwa ya vitanga ku inzira yeyo, yingiranga kulagira ubukima.
Si ga veye kugavulira vyokulia vivyo ku yavo ava veye nenzala, nokuleta mu inyumba yoyo avadaka ava kungwa kyova? Lwa u lola mundu u veye kyahonyo, u mu vike ingubo; kandi u tevisa ive mwene ku yava ava veye avovo?
Umgeni u menyanga halala na mwinye a la va ku mwinye kuli wivulwa iwenyu, na u la mu yanza kuli weyanza; kigira mwa li avamenya mu kivala kya Egepeti: inze mbeye Yahova Nyasaye wenyu.
Kandi lwa ya batidzwa, halala navenyumba yeye, ya ku saala na a vola, Ni mu lola inze mbeye musuuviri ku Mwami, mwingiri mu inyumba yange mu menye. Kandi ya ku niga.
Kunangwa ga dukira muhenzi a vule kuva nekindu kuye, a ve musatsa womukali mulala, u ta li mubitiriru, mwelindi, mulohidzi, mwingiridzi wavageni, wetsingulu tsyokwegidza;
wa lolekidzwa kuva nemiyinzi milahi; na a va ni ya leranga avana, na a va ni yingiridzanga avageni, na a va ni ya savidzanga virenge vyavatakatifu, na a va ni ya konyanga ava kupa kiva, na a va ni ya londanga miyinzi gyosi milahi nobugulu.