Vahebraina 13:17 - KITABU KITAKATIFU

¹⁷ Mu hulire ava mwimiriranga, mwegehidze kuvo; kigira va henzanga ku myoyo gyenyu, kuli ava li haana livalidza; va duke kuhaana nobuyanzi, si ga li nelihuguma: kigira yaga si ga li nobukonyi ku mwinye.

Vahebraina 13:17 ပူးပေါင်းရင်းမြစ်များ

Litanga 16:9

Na ingelosi wa Yahova ya mu volera, Yirana ku munene wowo, wegehidze mmakono gege.

Kutwula 32:31

Kunangwa Musa yirana ku Yahova, na a vola, O, avandu yava va koli ubwoni bunene, na velombeye avanyasaye vethahabu.

Tsing'ano 5:13

Kandi si nda hulira mwoyo gwa avegidzi vange, Kandi si nda tegidza ugutu gwa nge ku yavo ava nyimirira

Isaya 62:6

Mbiki avahenzi ku madigi golugaga lulwo, O Yerusalemi; si va la kiring'ana mba mbasu kinga budiku: mwinye ava mu veye avokwidzulitsa Yahova, mu ta sosa mba,

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Ezekieli 33:2

Ive mwana womundu, volera avana vavandu vovo, u va volere, Lwa ndeta kivavi ku kivala, navandu vekivala zana ni va vugula mundu mulala hagati havo, nokumuvika a ve umulindi wavo;

Luka 16:2

Ya mu langa na a mu volera, Amakuva ki ga mbulira ku ive? Tivula hesabu yobulindi bubwo; kigira ive si u nyala kandi kuva mulindi.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Varumi 14:12

Kunangwa kwinye kwosi sa mulala alevolera amakuva gege mwene imbiri wa Nyasaye.

1 Vakorintho 16:16

mwinye kandi mwegehidze ku va veye ndi, kandi ku vosi avakonyanga mu miyinzi nokudidikana.

Vafeso 5:21

mwegehidzirane avene navene mu butii bwa Kristo.

Vafilipi 1:4

mu lisaala lyange kazozo kigira mwinye mwosi nsaalanga nobusa ngali,

Vafilipi 2:12

Kunangwa, avayanze vange mu dukidze ubuhonnyi bwenyu avene nobutii nelidegera, kuli mwa hulira madiku gosi, si ya li inyinga ya nda li ho, navutswa kalunu kuvita ligali inyinga ya nta li ho.

Vafilipi 2:16

ni mu lang'aminya likuva lyelivamwoyo; inze nduke kunyola kya nzidzominyira mu lidiku lya Kristo, kigira si nda nyagula vutswa kandi si nda yinzira vutswa.

Vafilipi 2:29

Mu mbugirire mu Mwami nobusangali bwosi; kandi mu validze ava veye kuli uyu mu vidzominye:

Vafilipi 3:18

Kigira vanyingi va genda ava nda mu volera amakuva gavo hali kanyingi, kandi kalunu mmu volera nelilira, va veye avasigu vomusalaba gwa Kristo:

Vafilipi 4:1

Kigira yaga, avamitu avayanze vange avenyangwa, ubusangali bwange, itaji yange, mwedinyiridze nu Mwami, avayanze vange.

2 Vatesalonike 3:14

Niva mundu kali mulala na a sula kuhulira likuva lyetu mu ibaruwa yiyi, mu vike kuye kiloleru, mu ta va nelihambana naye, a duke kuva isoni.

1 Timoteo 5:17

Avakulundu avamehanga bulahi va volwe va dukani nelidzominywa lya kaviri, ligali yava ava nyankana ku mivinzi gyelivola nomu lyegidza.

Vahebraina 13:24

Mu chelidze yavo vosi ava mwimiriranga, navatakatifu vosi. Yavo ava Italia va mu chelidza.

Vahebraina 13:7

Mwidzulitse yavo ava mwimiranga, ava mu volera likuva lya Nyasaye; nokuluta lihera lyeligenda lyavo, mwege ku lisuuvira lyavo.

Yakobo 4:7

Kunangwa mwegehidzire Nyasaye; navutswa mu hingire Setani, naye a la mwiruka.

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.

1 Samweli 8:19

Navutswa avandu yavo va sula kuhulira mwoyo gwa Samweli; ni va vola, Auwa; navutswa kwenyanga kuva nomwami ku kwinye,