Vahebraina 13:15 - KITABU KITAKATIFU

¹⁵ Kunangwa ku hilire Nyasaye ku uyu, kisyuviriru kyelidzominya kazozo, livola li veye makuyu geminwa gyeyamanga lieta lilye.

Vahebraina 13:15 ပူးပေါင်းရင်းမြစ်များ

2 Kyetsinyinga 29:31

Hene yaho Hezekia ya va volera, Kalunu kuli mwivika ku Yahova; ku miyinzi mitakatifu, mwisunde ahimbi mu lete kihaanwa nekihaa nwa kyokusantidza mu inyumba ya Yahova. Ma livugana lya leta kihaanwa, nevihaanwa vyokusantidza; na vosi ava li nomwoyo gwokuyanza ua leta vihaanwa vyokusambwa.

2 Kyetsinyinga 33:16

Na ya digu lula bwali bwa Yahova, na ya haana kubwo vihaanwa vyemirembe, na vyokusantidza, na ya laga Yuda va tumekire Yahova, Nyasaye wa Israeli.

2 Kyetsinyinga 7:6

Na vasalisi va singira, sa mulala kuli bulindi bwibwe, na Valevi kandi va ve neviju vyokwimba ku Yahova, vyomwami Daudi ya lomba kusantidzira Yahova (kigira tsimbabasi tsitsye tsi veye tsyemihiga nemihiga), lwa Daudi yidzominyira ku butumiki bwavyo: na vasalisi va kupa visiliva imbiri wavo; na Israeli vosi va singira.

Ezara 3:11

Na vembirana avene na avene mu lidzominya nelisantidza Yahova, ni va vola, Kigira a veye mulahi, kigira tsimbabasi tsitsye tsi veye ku Israeli netsyemihiga nemihiga. Navandu vosi va ginga myoyo gyavo ni va hanzuka, lwa vidzominya Yahova, kigira muse gwenyumba ya Yahova gu mali kutemwa.

Nehemia 12:40

Na ndiyo mavugano yaga gombi ga singira agokusantidza mu inyumba ya Nyasaye, na inze na inusu yavanene halala ninze;

Nehemia 12:43

Navo va haana vihaanwa vinene lidiku yili, na va sangala; kigira Nyasaye ya va sangalidza nobusa ngali bunene; kandi avakali navana va sangala ligali: kuduka busangali bwa Yerusalemi bwa hulirwa ihale ligali.

Zaburi 118:19

U nzigulire viribwa vyobulungi: Na ndingira mu, nda santidza Yahova.

Zaburi 119:108

O Yahova, nku goonya u vugule vihaanwa vyomunwa gwange, Na u nzegidze lilagana lilye.

Zaburi 18:49

Kigira yaga nda santidza ive, O Yahova, hagati hetsihiri, Na ndimba tsinyimbu tsyokwidzominya lieta lilyo.

Zaburi 50:14

Haana ku Nyasaye kihaanwa kyelisantidza; Nokutunga ga u lagi ku U Veye Igulu Ku Vyosi

Zaburi 50:23

Kuvo vosi u haana kihaanwa kyelisantidza u nkuminyanga; Na ku uyu u lohidzanga inzira yeye Nda mu mannya ubuhonnyi bwa Nyasaye.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:18

kandi avasalisi Avalevi si va la gehera mundu wokuhaana vihaanwa vyokusambwa, nokusamba visyuviriru, nokuleta vihaanwa imbiri wange kazozo.

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.

Kyavalevi 7:12

Na a va na a ki haana ku lisantidza, hene yaho a la haana halala nekihaanwa kyelisantidza ubukima bu ta li na mamera, bu tsukanywa namaguta, na kyapati ki ta li na mamera kya vakwa na maguta, na ubukima bwobusie bunyuki na bu tsyukanywa namaguta bwa kalangwa.

Livalidza 7:62

nekijiko kilala kyethahabu kyeligerwa lyetsishekeli likumi, kizula kimuli:

Matayo 11:25

Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:

Luka 10:21

Inyinga zana ya yanza ligala mu Roho Mutakatifu, na a vola, Nkwidzominya ligali, Dada, Mwami weligulu nelirova, kigira wa visa ivindu yivi ku vageeri navahuliri, navutswa u vuuliye avana vadoto: yee, Dada; kigira u yanza ndiyo.

Yohana 10:9

Inze ni kiliango; mu ndu ni yingira ku inze, a la honnywa, naye a lingira mugati kandi a twula kyova, kandi a la lola kyayo.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

Varumi 6:19

Mbola kuli mundu, kigira ubudedekere bwemibiri gyenyu. Kigira kuli mwa hila vivero vyenyu kugwa avatugwa vobudamano navekirage kuduka kirage kindi, ndiyo kandi kalunu mu hile vivero vyenyu vi gwe avatugwa vobulungi kuduka mu butakatifu.

Vafeso 2:18

kigira kuye kwinye kwosi ku veye nobwiyangu kuduka ku Dada mu Roho mulala.

Vakolosai 1:12

nokusantidza Dada, wa ku kola ava dukana kunyola kidieli kyemiyandu gyavatakatifu mu bu lavu.

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Petro 4:11

Mundu na a va na a vola, a role kuli livola lya Nyasaye; mundu na a va na a tumeka a fumeke kuli mu tsingulu tsya Nyasaye a mu leteye: kuduka mu vindu vyosi Nyasaye yidzominyirwe ku Yesu Kristo, wobukumi bu veye bwibwe halala netsingulu mihiga nemihiga. Amini.