Vahebraina 12:3 - KITABU KITAKATIFU

³ Kigira yaga mu ganagane uyu wekudzira ku lihing'ana naye kuli yili lyavobwoni, mu vule kuluha, mu ta kudza myoyo gyenyu.

Vahebraina 12:3 ပူးပေါင်းရင်းမြစ်များ

Tsing'ano 24:10

Nu u va nu u kudza mwoyo mu lidiku lyekivi, Tsingulu tsitsyo tsi gehi.

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Matayo 11:19

Mwana wa Adamu yadza na a lagira na a nwa, ni va vola, Henza, muhuvali nohongera kunwa iwaini mulina wavasolola ubushutu navonil Kandi ubugeeri bu hebwa ubulungi nemiyinzi gyabwo.

Matayo 12:24

Navutswa Vafarisayo lwa va hulira, va vola, Mundu uyu si a kunga mademone navutswa netsingulu tsya Beelzebuli, munene wamademone.

Matayo 15:2

Kigira ki avegidzwi vovo vononnya miima gyavakulundu? Kigira si visaavanga makono gavo lwa venya kulia.

Matayo 21:23

Lwa ya mala kuduka mu litempeli, avasalisi vanene navakulundu vavandu vadza kuye lwa yegidzanga, ni va vola, Ive u kola vindu yivi netsingulu ki? Kandi ibwaha wa ku ha tsingulu yitsi?

Matayo 21:46

Kandi lwa venya kumgumira, va tia viduma, kigira va vola a veye muprofeti.

Matayo 22:15

Hene yaho Vafarisayo va tsia, ni va volerana amakuva gokumutega ku makuva gege.

Luka 14:1

Lwa yingira mu inyumba yo mulala munene ku Vafarisayo ku lisabato kulagira ubukima, va mu henzeridza.

Luka 15:2

Vafarisayo navang'odi vosi va monya, ni va vola, Mundu uyu a yanza avoni, kandi a lia halala navo.

Luka 16:14

Kandi Avafarisayo ava veye avayanza ubutugi, va hulira vindu yivi vyosi; ni va mu kolera kihenyahenye.

Luka 2:34

kandi Simeoni ya va saavira ubu lahi, na a volera Maria mama wewe, Henza, mwana uyu u vikeywi, ava nyingi ku Israeli va gwe kandi va vuke; kandi a ve kiloleru ki li hangalidzwa;

Luka 5:21

Avang'odi na Vafarisayo va volerana avene, ni va vola, Ibwaha uyu u vola manyego? Ibwaha u nyala kusameha ubwoni navutswa Nyasaye yeng'ine?

Yohana 10:20

Kandi avanyingi kuvo va vola, A veye nelidemone, kandi a laluka; kigira ki mwinye mu mu hulira?

Yohana 18:22

Lwa ya vola yaga, mulala ku vanyampara ya singira himbi yala Yesu uluhi, na a mu teva Ni ndiyo u tivulira musalisi munenei

Yohana 5:16

Kigira yaga Vayuda va dambidza Yesu, kigira ya kola vindu yivi ku lisabato.

Yohana 7:12

Kandi limonya linyingi lya duka mu viduma kuye. Avalala va vola, A veye mundu mulahi; avandi va vola, Auwa, navutswa a gada kiduma.

Yohana 8:13

Kigira yaga Vafarisayo va mu volera Ive welolekidza; lilolekidza lilyo si li veye lyeligali.

Yohana 8:52

Avayuda va mu volera, Kalunu ku manya u veye nelidemone. Abrahamu ya kudza, kandi avaprofeti; nive u vola, Mundu na a gumira likuva lyange si a li tsatsama likudza mihiga nemihiga.

Yohana 8:59

Kigira yaga va dola magina ni venya kumulasa: navutswa Yesu yivisa na a twula mu litempeli.

Yohana 9:40

Avalala ku Vafarisayo ava li halala naye va hulira amakuva yaga, ni va mu volera, Kwinye kandi ku veye avaboku?

1 Vakorintho 15:58

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

2 Vakorintho 4:1

Kunangu a kigira ku veye nobutumwa yibu, kuli kwa verwa tsimbabasi, si ku kudza mwoyo:

2 Vakorintho 4:16

Kigira yaga si ku twulidza ku mwoyo, navutswa kali mundu wetu wokwigodo ni yoneka, mundu wetu womugati a kolangwa muhya kazozo.

Vagalatia 6:9

Kwinye ku ta kudza mwoyo ku likola bulahi: kigira ku la gesa ku tsinyinga tsyalyo, ni ku vula kukudza mwoyo.

Kwidzulitsa 20:3

a va volere, Mu hulire, O Israeli lero mwisundanga ku bulwani ku vasigu venyu: myoyo genyu gyi ta kudza mba; mu ta tia mba, mu ta degera mba, kandi mu ta timuka inkolo kigira yavo mba;

2 Vatesalonike 3:13

Navutswa mwinye avamitu, mu ta kudza myoyo mu likola bulahi.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 12:5

kandi mwiviriye limannywa li volerana nemwinye kuli navana, Mwana wange, u ta ganagana liha amageli lyo Mwami ni likekeke, Kinga u ta kudza mwoyo lwa a ku gondekera;

Vahebraina 3:1

Kunangwa, avamitu avatakatifu, avasangi mu lilangwa lyomigulu, mu ganagane uyu Mutumwa, Musalisi Munene welyeyama lyetu, naye ni Yesu;

1 Petro 2:23

inyinga ya nyegwa si yirannya linyega; inyinga ya saliridzwa ya vula kwihalavannya; navutswa yihaana ku uyu u kala ganga bulungi.

Likunula 2:3

kandi wa li nobwikudziri nokwikudzira ku lieta lyange, kandi si wa luha.

1 Samweli 12:24

Mu tie Yahova, yaga geng'ine nokumutumekira ligali nomwoyo gwenyu gwosi; kigira mwidzulitse vindu vinene ndi vya ya mu kolera.