Vahebraina 12:29 - KITABU KITAKATIFU

²⁹ kigira Nyasaye wetu a veye muliru gu sambanga.

Vahebraina 12:29 ပူးပေါင်းရင်းမြစ်များ

2 Samweli 22:9

Mwoki gwa vuya kutwula mmolu gege, Nomuliru gwa twula mmunwa gwigwe ni gu lia: Amanda gaakidzwa nagwo.

Zaburi 50:3

Nyasaye wetu yadzanga, na si a kiring'ana mba: Muliru gu sambanga imbiri wewe Na ku tsimbega tsitsye ki la va kuli kihi kinene.

Zaburi 97:3

Muliru gu mwimiriranga, Na gu sambanga avasigu veve hosi.

Kutwula 15:7

Kandi mu bunene bwobulahi bubwo wagululanga ava singira kuvukira ive: U letanga ubutima bubwo, nabwo bu va sambanga kuli uluvuva.

Kutwula 24:17

Na liloleka lyobukumi bwa Yahova lya fwanana nomuliru gwadukanga ku kigulu imbiri wetsimoni tsya avana va Israeli.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 25:37

Na vigo vyemirembe vi kiring'anyeywi kigira ubutima bwomuliru bwa Yahova.

Ezekieli 38:19

Kigira mu likendeka lyange nomu muliru gwo butima bwange mboye, Ligali mu lidiku yilyo ha la va nelidegera linene mu kivala kya Israeli;

Danyeli 7:9

Na inze nda henza kuduka inyinga tsintebe tsyobwami tsya vikwa, na mulala wa li Muhindira wa madiku, yikala ku: tsingubo tsitsye tsya li tsindavu kuli likonza na lisu lyoku mutwe gwigwe lya li kuli bwoya bweligondi bwere; intebe yeye ya li kuli ulumemo lwomuliru, na tsingida tsyayo tsya li muliru gwaakanga.

Livalidza 11:1

Na avandu va li kuli avamonyi, ni va vola ubudamano mu amatu ga Yahova: na lwa Yahova ya bu hulira, ubutima bwibwe bwaaka na muliru gwa Yahova gwaaka hagati havo, na gwa samba mu tsinzako tsyetsindulu tsya hokusosa.

Livalidza 16:35

Kandi muliru gwa twula ku Yahova, na gwa samba avandu tsimia tsiviri na makumi gatano ava vuvidza kimuli.

2 Vakorintho 5:11

Kunangwa kigira ku manya litibwa lyo Mwami, ku girunkannya myoyo gyavandu, navutswa ku lang'aminyeywi ku Nyasaye; na inze nsuuvira ku lang'aminyeywi mu myoyo gyenyu kandi.

Kwidzulitsa 4:24

Kigira Yahova Nyasaye wowo a veye muliru gu litsanga, a veye Nyasaye welikendeka.

Kwidzulitsa 9:3

Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

2 Vatesalonike 1:7

navutswa mwinye ava kupidzwa kivi li la va lyelemereridza halala nekwinye, mu lilang'aminywa lyo Mwami Yesu kutwula migulu halala netsingelosi avetsingulu tsitsye mu muliru gwetsimemo,

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Vahebraina 10:27

navutswa li veye ho lihenzerera likalagirwa lyobutii nelyobululu bwomuliru gu li lia avahingi.

Vahebraina 10:31

Li veye likuva lyokutihidza kugwa mu makono ga Nyasaye welivamwoyo.

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.