Vahebraina 12:28 - KITABU KITAKATIFU

²⁸ Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

Vahebraina 12:28 ပူးပေါင်းရင်းမြစ်များ

Zaburi 19:14

Makuva gomunwa gwange na tsiganagani tsyomwoyo gwange Tsi bugirirwe imbiri wowo, O Yahova, ulwanda lwange, na muhonnyi wange. Ku Munene

Zaburi 2:11

Mu tumekire Yahova nobutii Mu sangale nelidegera.

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Tsing'ano 28:24

Ku vosi uyu u nuula dada wewe kinga mama wewe, na a vola, Yaga si ga veye lihyolo, Wa zana a veye wakye womwononnyi.

Isaya 56:7

avandu yavo nda va leta vadze kuduka mu kigulu kyange kitakatifu, nokuvasangalidza mu inyumba yange yokusaala; na vihaanwa vyavo vyo kusambwa ni visyuviriru vyavo vi la bugirirwa ku bwali bwange; kigira inyumba yange i la langwa inyumba yokusaala ku tsihiri tsyosi.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Kyavalevi 10:3

Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Luka 1:33

a lameha ku avenyumba ya Yakobo imihiga nemi higa; ubwami bwibwe si bu li va nekiheri mba.

Varumi 11:20

Bulahi; tsyavu nanywa kigira livula kusuuvira lyavo nive u singira kigira lisuuvira lilyo. U tigingira, navutswa u tie:

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Vafeso 5:10

mu lungikidza ndiyo ki yanzekanga ku Mwami.

Vafilipi 4:18

Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye.

Vahebraina 10:19

Kunangwa, avamitu, kigira ku veye nobuluviriri bwokwingira hatakatifu ku masahi ga Yesu,

Vahebraina 13:15

Kunangwa ku hilire Nyasaye ku uyu, kisyuviriru kyelidzominya kazozo, livola li veye makuyu geminwa gyeyamanga lieta lilye.

Vahebraina 13:21

a mu kole mu ve ava dukiru mu vindu vyosi vilahi kukola ubulaliri bwibwe, nokukola mu mwinye ki yanzekanga imbiri wewe, ku Yesu Kristo; wobukumi bu ve kuye mihiga nemihiga. Amini.

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Vahebraina 4:16

Kunangwa kwisunde himbi ku intebe yetsimbabasi nobuluviriri, ku duke kuvugula liverererwa nokunyola tsimbabasi tsyokukukonya mu inyinga i li duka.

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii:

1 Petro 2:20

Kigira inyinga mu kola ubwoni, ni mu va ni mu kuywa ni mwikudzira, mu la nyola lidzominywa ki? Navutswa inyinga mu kola bulahi ni mu va ni mu nyola ubusaliri, ni mwikudzira, yaga ga veye malahi ku Nyasaye.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

Likunula 1:6

na a ku kola ubwami navasalisi va Nyasaye wewe, Dada wewe; ubukumi bu ve kuye na lyameha kuduka imihiga nemihiga. Amini.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 5:10

nokuvakola ubwami navasalisi ku Nyasaye wetu; kandi va lameha ku lirova.