Vahebraina 12:27 - KITABU KITAKATIFU

²⁷ Kandi likuva yili, Inyinga yindi kandi, li lang'aminya lisundwa lyevindu vi degeridzwa, kuli vindu vya lombwa, vindu yivyo vi vuli kudegeridzwa vi menye.

Vahebraina 12:27 ပူးပေါင်းရင်းမြစ်များ

Isaya 34:4

Na lihe lyosi lyomigulu li la livuluka, ne ligulu li la lingwa halala kuli lilingwa lyetsikaratasi; na lihe lyavo lyosi li la niala, kuli litu li nialanga kutwula ku muzabibu, na kuli litu li nialanga ku mukuyu

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Isaya 65:17

Kigira, henza, nombanga ligulu lihya nelirova lihya; nevindu vya kale vi la vula kwidzulitswa, kandi si vi lingira mu myoyo mba.

Isaya 66:22

Kigira kuli ligulu lihya nelirova Iihya, lya nda lomba, vi menya imbiri wange, Yahova a vola, ni ndiyo kisukululwi kyenyu ki la menya, ni lieta lyenyu.

Ezekieli 21:27

Inze nda tung'aminya, tung'ami nya, tung'aminya kya zana: yiki si ki la va ho mba, kuduka a luhe yadze uyu wa ki veye kikye; na nda ha uyu.

Haggai 2:21

Volera Zerubabeli, govuna wa Buyuda, kuvola, Inze nda dege ridza ligulu nelirova;

Matayo 24:35

Ligulu nelirova li la vita, navutswa amakuva gange si ga li vita mba.

Varumi 8:19

Kigira lihenzerera lyevilombe li linda lila ng'aminywa lya avana va Nyasaye.

Varumi 8:21

kigira vilombe vyene vi la kolwa viboholole kutwula mu butugwa bwobwoneku, vi duke mu libohololwa lyobukumi bwa avana va Nyasaye.

1 Vakorintho 7:31

navo ava tumekira lirova va ve kuli ava ta li tumekira ligali: kigira vindu vyelirova yili vi vitanga.

Vahebraina 1:10

Kandi, Ive, Mwami, mu litanga wa tema muse gwelirova, Kandi ligulu li veye miyinzi gyamakono gogo:

Vahebraina 13:14

Kigira hano si ku veye nelidala li menya, navutswa kwenyanga lidzanga.

Vahebraina 9:11

Navutswa Kristo uudzi musalisi munene wevindu vilahi vi lidza, ku lihema li veye linene kuvita, kandi li veye nobudukiru kuvita, li ta lombwa namakono, ga veye kuvola, si li veye lyelilombwa yili,

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 21:1

Kandi nda lola ligulu lihya nelirova lihya: kigira ligulu lyokutanga nelirova lyokutanga li mali kuvita; kandi inyanza si i veye ho kandi.

Likunula 21:4

kandi a leya vosi sa mulala amaliga mu tsimoni tsyavo; nelikudza si li la va ho kandi; kandi lisyoma, nelilira, nobusaliri, si vi la va ho kandi: vindu vyokutanga vi mali kuvita.

Likunula 21:5

Kandi uyu wikaye ku intebe ya vola, Henza, inze nkola vindu vyosi vi ve vihya. Kandi ya mbolera, Ng'oda: kigira amakuva yaga ga veye agobusuuvirifu nageligali.