Vahebraina 12:25 - KITABU KITAKATIFU

²⁵ Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Vahebraina 12:25 ပူးပေါင်းရင်းမြစ်များ

1 Avami 12:16

Na lwa Israeli vosi va lola mwami u vuli kuvahulira avandu va tivulira mwami, ni va voia, Ku veye nekidieli ki mu Daudi? Kandi si ku veye nemiyandu mu mwana wa Jesse: Israeli, mu tsie mmahema genyu, kalunu u henze inyumba yoyo ive mwene Daudi. Ma Israeli va tsia mmahema gavo.

2 Kyetsinyinga 7:19

Navutswa ni mu girunkana, nokuleka lilagana lyange na malago gange aga mbiki imbiri wenyu, ni mu tsia kutumekira avanyasaye ava ndi, nokuvasigamira;

Kutwula 16:29

Henza, kigira Yahova a mu heye lisabato, kigira yaga a mu hedzanga ku lidiku lya gatano na lilala, vyokulia vya madiku gaviri; mu honge sa mulala hango hehe, ku vosi mundu a ta twula hango hehe ku lidiku lya gatano na gaviri.

Kutwula 20:22

Kandi Yahova ya volera Musa, U volere avana va Israeli likuva yili, Mwinye avene mu loli kuli inze mbolerani nemwinye kutwula migulu.

Tsing'ano 1:24

Kigira nangi, na mwinye mu suye, Nyiye mukono gwange, na si ha veye nomundu wa vika mu mwoyo gwigwe;

Tsing'ano 1:32

Kigira lirana inyima lyavasiru li la viita, Na ligadahala lyavasiru li la va dividza.

Tsing'ano 13:18

Ubudaka na tsisoni vi la va kidieli kya uyu u sulanga lihebwa amageli; Navutswa uyu u huliranga lyegidzwa a lidzominywa.

Tsing'ano 15:32

Uyu u sula lyegidzwa a leganga mwoyo gwigwe mwene; Navutswa uyu u hulira lihebwa amageli yenyolira limanya.

Tsing'ano 8:33

Mu hulire lyegidzwa, na mu ve nobugeeri, Mu ta li sula mba.

Isaya 48:6

Ive u huliye likuva yili: henza vindu yivi vyosi; na mwinye, si mu la li lang'aminya? Inze nku vuuliye vindu vihya kutwula inyinga ya kalunu, kali vindu vya viswa, vya ive wa vula kumanya.

Isaya 64:9

U ta vihirirwa ligali mba, O Ya hova, kandi u tidzulitsa ubwoni madiku gosi: henza, u lole, ku ku saala, kwinye kwosi ku veye avandu vovo.

Jeremia 11:10

Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Ezekieli 5:6

Naye yebaali ku likalaga lyange ku likola budamano kuvita tsihiri, noku amalago gange kuvita vivala vya li kumbiridza; kigira va sula likalaga lyange, noku makuva gamalago gange, si va genda mugo mba.

Zekaria 7:11

Navutswa va sula ku hulira, na vegirunkannya haluvega, va hannya amatu gavo, va vule ku hulira.

Livalidza 32:15

Kigira ni i va mu girunkana kuvula kumulonda, naye a la va leka kandi mu kyagalangwi; na mwinye mu la dividza avandu yava vosi.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 8:4

Yesu ya mbolera, U henze bulahi, u ta volera mundu kali mulala; navutswa u tsie, wimannye ku musalisi, u twulidze kihaanwa kya Musa ya laga, ki ve kilolekidza ku avandu.

Vikolwa 7:35

Musa uyu wa va sula, va vola, Ibwaha ya ku vika u ve munene nomukalagi? Niye wa Nyasaye ya tuma a ve munene nomubohololi, nomukono gwengelosi wa loleka kuye mu kasala.

Kwidzulitsa 18:19

Kandi ga la va, ku vosi u sula kuhulira amakuva gange aga uyu u vola ku lieta lyange, ndadza kuvanza kuye.

Kwidzulitsa 30:17

Navutswa mwoyo gugwo ni gu girunkana kuyeka haluvega, nokusula kuhulira, kandi u kweswa ha luvega, kusigamira avanyasaye vandi, nokuvatumekira;

Kwidzulitsa 4:36

Ya ku kola u hulire mwoyo gwigwe kutwula migulu, a duke kukwegidza: kandi ya ku kola u lole umuliru gwigwe munene ku lirova; nive wa hulira makuva gege ga twula hagati homuliru.

1 Vatesalonike 5:15

Mu henze mundu kali mulala a ta tunga wundi kali mulala ubudamano ku budamano; navutswa mu londe kazozo ki veye kilahi mwinye avene navene, kandi ku vosi.

2 Timoteo 4:4

kandi va la girunkannya amatu gavo kutwula ku ageliga li, nokuyeka haluvega lwetsing'ano tsyobubehi.

Vahebraina 1:1

Nyasaye, wa volera avaguga, tsinyinga tsya kale, ku tsinzira tsing'ano netsing'ano, ne minwa gyavaprofeti;

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

Vahebraina 12:19

noku mwoyo gwekisiliva, noku mwoyo gwamakuva ogwa yava va hulira va goonya likuva lindi li ta volwa kuvo;

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vahebraina 3:17

Kandi ni bwaha ava ya vihirirwa mihiga makumi gane? Si va li yavo ava kola ubwoni, avemibiri gyavo gya gwa mu kyangalangwi?

Vahebraina 8:5

yavo ava tumekiranga kifwananyi nekiriri kyevindu vyomigulu, kuli Nyasaye ya mannya Musa inyinga yenya kulomba lihema: kigira a vola, Henza, u lombe vindu vyosi kuli ku lugano lwa wa mannywa mu kigulu.

Joshua 22:15

Na va duka ku avana va Rubeni, noku avana va Gadi, noku inusu yehiri ya Manase, mu kivala kya Gileadi, na va volerana navo, ni va vola,

Joshua 22:16

Livugana lyosi lya Yahova li volanga, Ni lihyolo ki lya mu hyoye ku Nyasaye wa Israeli mu luhe mu girunkani lero nokuleka kulonda Yahova, mu lyeyombakira ubwali, nokutinguha lero ku Yahova?

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.

Likunula 22:9

Kandi ya mbolera, Henza u ta kola ndi mba: Inze mbeye wakyo kandi wavamwavo vovo avaprofeti, nowa yavo ava gumiranga amakuva gekitabu yiki: sigamira Nyasaye.