Vahebraina 12:23 - KITABU KITAKATIFU

²³ noku livugana linene lyavandu vosi, navo v a veye livugana lyavatanga kwivulwa, avameta gavo ga ng'odwa migulu, noku Nyasaye Mukalagi wa vosi, noku myoyo gyavandu valungi gya kolwa midukanu,

Vahebraina 12:23 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Zaburi 111:1

Mwidzominye Yahova. Inze nda santidza Yahova nomwoyo gwange gwosi Mu kyina kya valungi, na mu livugana.

Zaburi 69:28

Veywe kutwulidzwa mu kitabu kyelivamwoyo, Va vule kwng'odwa halala na ayalungi.

Zaburi 89:27

Kandi nda mu kola kuva wokutanga kwivulwa wange, Na munene ku avami velirova.

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Zaburi 94:2

Wekumuminye ive, mukalagi welirova: U he avoluya; ki dukana navo.

Zaburi 96:13

Imbiri wa Yahova; kigira yadzanga, Kigira yadzanga kukalagira lirova. A la kalagira avelirova nobulungi, Na avetsihiri na ageligali gege.

Zaburi 98:9

Imbiri wa Yahova; kigira yadzanga kukalagira lirova: A la kalagira lirova nobulungi, Na avetsihiri nelikalaga lilahi.

Kutwula 13:2

Mu ntakasire vosi avatanga kwivulwa, ku vyosi ki tanga kukunula inda, hagati ha vana va Israeli, ku vandu noku mitugu; vi veye vyange.

Kutwula 32:32

Navutswa kalunu nu u va nu u nyala kusameha ubwoni bwavo naho ni ga ta li ndiyo, nku saala, mwadza weye inze kutwula mu kitabu kikyo kya u ng'odi.

Kutwula 4:22

Na ive u la volera Farao, Yahova a volanga ndi, Israeli a veye mwana wange, munene wange.

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Jeremia 31:9

Va ladza nelilira; na nda vimirira nelisaala: nda va gendidza himbi nemigera gyamadzi, ku inzira inungi ya va la vula kwikigitala ku; kigira inze mbeye dada wa Israeli, na Efiraim a veye wokutanga kwivulwa wange.

Luka 10:20

Navutswa mu ta yanza kigira roho gyegehidza ku mwinye, navutswa mu yanze kigira ameta genyu ga ng'odeywi migulu.

Yohana 5:27

kandi ya mu ha tsingulu kukola likalaga, kigira a veye Mwana wa Adamu.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

1 Vakorintho 13:12

Kigira kalunu ku lolera kuli mu kyeloleru, amatsengeri; navutswa inyinga yindi ku la ka lole moni na moni: kalunu mmanya luvega lulala, navutswa inyinga yindi nda ka manye ligali kuli nda manyekana ligali.

1 Vakorintho 15:49

Kandi kuli kwa vugula ligondo lya uyu wamarova, na ndiyo kwinye ku la vugula ligondo lya uyu womigulu.

1 Vakorintho 15:54

Navutswa ubwoneku yibu lwa bu li mala kuvikwa livula kwoneka, ka ndi lihambana nelikudza lwa li la mala kuvikwa li vula kukudza, hene yaho li la duka livola lya ng'odwa yili, Likudza li mireywi mu liguutwa

2 Vakorintho 5:8

mbola ku veye nekilema mwoyo, kandi ku yanza ligali ku vuli kuva mu mubiri, ku ve hango halala no Mwami.

Vafeso 1:22

Kandi ya vika vindu vyosi isi wevirenge vivye, kandi ya mu haana kuva mutwe ku vindu vyosi ku livugana,

Kwidzulitsa 21:17

navutswa a bugirire wa tanga kwivulwa, umwana wa u ta yanzangwa, kumuha vidieli viviri ku vyosi vya a veye navyo; kigira niye litanga lyetsingulu tsitsye; tsingulu tsyo wa tanga kwivulwa tsi veye tsitsye.

Vafilipi 4:3

Nyee, nyenya ive kandi, musangi wange weligali, u konye avakali yava, kigira va linda ivangeli halala na inze, kandi Kilementi, kandi avandi ava kola miyinzi halala na inze, avameta gavo ga veye mu kitabu kyelivamwoyo.

Vakolosai 1:12

nokusantidza Dada, wa ku kola ava dukana kunyola kidieli kyemiyandu gyavatakatifu mu bu lavu.

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

1 Timoteo 3:5

(navutswa mundu na a ta manya kusingirira inyumba yeye mwene, a linda ndi livugana lya Nyasaye?)

Vahebraina 11:4

Ku lisuuvira Habili ya letera Nyasaye kisyuviriru kilahi kuvita kya Kaini, kya ya lolekidzirwa ku, ya li mulungi, Nyasaye ya lolekidza ku vihaanwa vivye: kulyo kali ni ya kudza, a ki vola.

Vahebraina 11:40

kigira Nyasaye ya vikira kwinye kindu ki veye kilahi kuvita, yava bugira kwinye va ta duka kukolwa avadukanu.

Vahebraina 2:12

a vola, Ndilwadzira avamitu lieta lilyo, Mu livugana nda kwimbira lidzominya lilyo.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;

Yakobo 1:18

Ku liyanza lilye mwene u kwivuye nelikuva lyeligali, ku duke kuva kuli ubuhya bwevilombe vivye.

1 Petro 2:23

inyinga ya nyegwa si yirannya linyega; inyinga ya saliridzwa ya vula kwihalavannya; navutswa yihaana ku uyu u kala ganga bulungi.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 14:4

Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.

Likunula 6:11

Navo va hebwa sa mulala kuvo ingubo indavu; kandi va volerwa, va sose i tigaye inyinga inkekeke, kuduka avakye vavo navamwavo vavo, ava liitwa kuli yavo viitwa, va duke kumala inyinga yavo.

Likunula 6:9

Kandi inyinga ya boholola muhuri gwegyitano, nda lola isi wobwali myoyo gya yavo aviitwa kigira likuva lya Nyasaye, kandi kigira lilolekidza lya va li nalyo: