Vahebraina 12:22 - KITABU KITAKATIFU

²² Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,

Vahebraina 12:22 ပူးပေါင်းရင်းမြစ်များ

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 42:2

Mwoyo gwange gu veye nobuluhu ku Nyasaye, ku Nyasaye u veye mwoyo: Nda duka kuloleka imbiri wa Nyasaye inyinga ki?

Zaburi 48:2

Li veye lilahi lyekidiguluku, ubuyanzi bwelirova lyosi, Kigulu kya zioni, ku tsimbega tsya kasikasini Lidala lya Mwam; munene.

Zaburi 68:17

Magari ga Nyasaye ga veye tsielfu makumi gaviri, kali tsielfu netsielfu: Nyasaye a veye hagati hago, kuli mu Sinai, mu hatakatifu.

Zaburi 84:2

Mwoyo gwange gu kayirwa, yee, kali gu kudza ku lyenya lihema lya Yahova; Mwoyo gwange na mubiri gwange gu liranga ku Nyasaye weli vamwoyo.

Zaburi 87:3

Vindu vyobukumi vi volangwa ku ive, O lidala lya Nyasaye. [Selaha

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 14:32

Kunangwa mundu a la tivulira ndi avatumwa vehiri? A la vola, Yahova u temi muse gwa Zioni, na yavo va dambidzwa mu avandu veve va lirukira yo.

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 28:16

kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Isaya 51:16

Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

Isaya 59:20

Na Mutungi a Iadza ku Zioni, nokuduka ku yavo ava girunkana nokuleka mahyolo mu Yakobo, Yahova a vola.

Isaya 60:14

Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 17:25

hene yaho va lingira ku viribwa vyelidala yili avami navandu vanene avikala ku intebe yobwami ya Daudi, avokunina ku magari gobwami, noku tsiparasi, navo, navanene vavo, avandu va Yuda, na yavo ava menyanga Yerusalemi; nelidala yili li la menya madiku gosi.

Danyeli 6:26

Inze mbaana munwa, mu bwami bwange bwosi, avandu va degere nokutia imbiri wa Nyasaye wa Danyeli; kigira a veye Nyasaye u veye mwoyo, na a hindi ranga mihiga nemihiga, na ubwami bwibwe nibwo bu li vula kudividzwa; na ubwami bu la menya kuduka ku kiheri:

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Joeli 2:32

Na ga la va, ku vosi u lyanira ku lieta lya Yahova a la honnywa: kigira mu kigulu kya Zioni, na mu Yerusalemi, va la va ho yavo avalala ava hona, kuli Ya hova ya vola, na mu yava ava tigaye va la va ho ava Yahova a langa.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Matayo 5:35

kali ku lirova, kigira na ha a vika virenge vivye; kali ku Yerusalemi ki gira ni lidala lyo Mwami munene.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

Varumi 9:26

Kandi ga la va, ha va volerwa, Si mu veye avandu vange Va la langirwa ho avana avikula va Nyasaye welivamwoyo.

Vagalatia 4:26

Navutswa Yerusalemi li veye igulu i veye imboholole nayo iyo mama wetu.

Vafeso 2:19

Kunangwa mwinye si mu veye avageni navavitanga kandi, navutswa mu veye avehiri indala navatakatifu, kandi avenyumba ya Nyasaye,

Kwidzulitsa 33:2

Na a vola, Yahova ya twula Sinai, Ya va vukira kutwula Seiru; Ya ng'ereng'ana mkigulu kya Paran Yadza halala navatakatifu tsielfu likumi: Ku mukono mulungi gwigwe ha veye nelilaga lyomuliru kuvo.

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

Vafilipi 3:20

Kigira uluhya lwetu lu veye migulu: ha ku henzerera ho Muhonnyi, naye nu Mwami Yesu Kristo:

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

2 Timoteo 4:18

Mwami ya mbonnya mu miyinzi gyosi midamano, nokuninda kuduka mu bwami bwibwe bwomigulu: wo bukumi bu veye kuye mihiga nemihiga. Amini.

Vahebraina 10:31

Li veye likuva lyokutihidza kugwa mu makono ga Nyasaye welivamwoyo.

Vahebraina 11:10

kigira ya henzerera lidala li veye nomuse, lya Nyasaye a veye mwombaki nomulombi.

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Vahebraina 13:14

Kigira hano si ku veye nelidala li menya, navutswa kwenyanga lidzanga.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Joshua 3:10

Na Joshua ya vola, Ku yaga mu la manya Nyasaye a veye mwoyo a veye hagati henyu, kandi uyu si a li vula kukunga nokutwulidza imbiri wenyu Vakanan, na Vahiti, na Vahivi, na Vaperizi, na Vagirigashi, na Vaamori, na Vajebusi.

Yudasi 1:14

Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

Likunula 14:1

Kandi nda lola, henza, Mwana Weligondi na a singiye ku kigulu kya Zioni, kandi halala naye avandu tsielfu mia na makumi gane na tsine, ava li nelieta lilye kandi lieta lya Dada wewe li ng'odeywi mu bweni bwavo.

Likunula 21:10

Kandi ya ngingira mu Roho kumbila mu kigulu kinene kandi kitambi, kandi ya mmannya lidala yilyo litakatifu Yerusalemi, liika kutwula migulu wa Nyasaye:

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.

Likunula 22:19

kandi ku vosi mundu na a va na a twulidza ku makuva gekitabu kyobuprofeti yibu, Nyasaye a la twulidza lisanga lilye ku musala gwelivamwoyo, nomu lidala litakatifu, vi ng'odeywi mu kitabu yiki.

Likunula 3:12

Uyu u guutanga nda mu kola itiru mu litempeli lya Nyasaye wange, kandi si a la tsia kyova kandi mba: kandi nda ng'oda kuye lieta lya Nyasaye wange, nelieta lyelidala lya Nyasaye wange, Yerusalemi lihya, liikanga kutwula migulu ku Nyasaye wange, kandi nda ng'oda kuye lieta lyange, inze mwene, lihya.

Likunula 7:2

Kandi nda lola ingelosi wundi yanegira kutwula ivugwe, ya li nomuhuri gwa Nyasaye u veye mwoyo: ya hanzukira tsingelosi vane nomwoyo munene ava hebwa tsingulu kwononnya lirova nenyanza,