Vahebraina 12:2 - KITABU KITAKATIFU

² ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 12:2 ပူးပေါင်းရင်းမြစ်များ

Zaburi 110:1

Yahova a volera Mwami wange, Wikale ha mukono gwange mulungi, Kuduka lwa mbika avasigu vovo kuva intebe yevirenge vivyo.

Zaburi 138:8

Yahova a la ndukidzira aga veye agange; O Yahova, tsimbabasi tsitsyo tsi reye ho mihiga nemihiga; U ta leka miyinzi gyamakono gogo.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Isaya 8:17

Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera.

Mika 7:7

Navutswa mu makuva gange, nda henza Yahova; nda lindirira Nyasaye wobuhonhyi bwange: Nyasaye wange a la mbulira.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Livalidza 21:9

Na Musa ya lomba inzoka yomugasa, na a gi vika ku musala: na ga duka, inzoka ni i va ni i luma mundu ku vosi, lwa henza ku inzoka yomugasa zana, ma a va mwoyo.

Matayo 16:21

Kutwula inyinga yeyo Yesu ya tanga kumannya avegidzwi veve ga mu dukira kutsia Yerusalemi, kandi avakulundu, navasalisi vanene, navang'odi va la mu kupidza kivi nokumwiita, kandi ku lidiku li kola gavaka a la simugukidzwa.

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Marko 14:36

Kandi ya vola, Abba, Dada, ive u nyala vindu vyosi; u twulidze kikombe yiki ku inze: navutswa ga ta va kuli wa inze ndalira, navutswa ga ve kuli wa ive u lalira.

Marko 15:28

Kandi ling'oda lya dukidzwa, li vola, Ya validzwa halala na avoni.

Marko 16:19

Ni ndiyo Mwami Yesu, lwa ya mala kuvolerana navo, yingiridzwa migulu ni yikala ha mukono mulungi gwa Nyasaye.

Marko 9:12

Na a va volera, Ligali, Elija a tanga kuudza a lombe vindu vyosi: kandi ga ng'odeywi ndi ku Mwana wa Adamu, a la kupidzwi kivi vindu vinyingi nokulegwa?

Marko 9:24

Nonoho ise womwana va gamba na a vola, Mwami, nsuuvira; u konye livula kusuuvira lyange.

Luka 17:5

Avatumwa va volera Mwami, U ku mede lisuuvira lyetu.

Luka 23:11

Herodi navasikari veve va mu lega ni va mu kolera kihenyahenye ni va mu vika t singubo tsindahi ni va mwirannya wa Pilatu.

Luka 24:26

Si bu li bulahi Kristo a saliridzwe vindu yivi vyosi nokwingira mu bukumi bwibwe?

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 12:24

Ligali, ligali, mmu volera, inzoli yengano ni i vula kugwa mu marova ni i kudza i la tigala yeng'ine; navutswa ni i kudza i lama lyama linyingi.

Yohana 12:32

Kandi inze, ni ngingwa igulu welirova, nda ng'usa avandu vosi vadze ku inze.

Yohana 13:3

Yesu ya li na a manya Dada wewe u mali kumuha vindu vyosi mu makono gege, kandi ya twula ku Nyasaye kandi a tsia ku Nyasaye,

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 8:56

Guga wenyu Abrahamu ya sangala kulola lidiku lyange; ya li lola na a yanza.

Vikolwa 2:36

Kigira yaga avenyumba yosi ya Israeli va manye ligali, Nyasaye u mali kukola Yesu uyu wa mwa bamba, a ve Mwami kandi a ve Kristo.

Vikolwa 3:15

kandi mwiita Munene welivamwoyo; wa Nyasaye ya simugukidza mu vakudzi; kwinye ku veye avaloli ku yaga.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

1 Vakorintho 1:18

Kigira likuva lyomusalaba li veye ubusiru ku yavo ava divanga: navutswa ku kwinye ava honnyangwa nalyo li veye tsingulu tsya Nyasaye.

1 Vakorintho 1:23

navutswa kwinye kwilwadza Kristo wa bambwa, ku Vayuda a veye kyokwikigitalidza, na ku Tsihiri a veye ubusiru;

Vafeso 2:16

kandi a duke kuvahambannya na Nyasaye yava vaviri mu mubiri mulala kigira musalaba, na a mali kwiita ubusigu zana nagwo.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Vafilipi 1:6

nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo:

Vafilipi 3:20

Kigira uluhya lwetu lu veye migulu: ha ku henzerera ho Muhonnyi, naye nu Mwami Yesu Kristo:

2 Timoteo 4:8

Lwenyima mbikeywi itaji yobulungi, yo Mwami mukalagi wobulungi, a li mpa mu lidiku yilyo; navutswa si a li inze tsyeng'ine navutswa yava vosi ava yanza lilang'ama lilye.

Vahebraina 1:13

Navutswa ni bwaha ku tsingelosi wa ya volera tsinyinga tsyosi likuva yili, Wikala ha mukono mulungi gwange Kuduka mbike avasigu vovo kuva kisako kyevirenge vivyo?

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 10:14

Kigira ku kisyuviriru kilala ya va kola avadukiru mihiga nemihiga yavo ava takaswa.

Vahebraina 10:33

yiyi, mwa kolwa kiloleru ku manyego nekivi; kandi yiyi, mwa gwa avasangi halala na yavo ava kolwa ndiyo.

Vahebraina 11:36

Navandi va li neligeridzwa lyetsiseko nelyelikuywa, yee, nelyelibofwa nelyelivikwa munyumba yavahambe:

Vahebraina 12:3

Kigira yaga mu ganagane uyu wekudzira ku lihing'ana naye kuli yili lyavobwoni, mu vule kuluha, mu ta kudza myoyo gyenyu.

Vahebraina 13:13

Kunang va kalunu ku twule ku duke ha a veye kyova wamahema, ni ku gingi linyegwa lilye.

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

Vahebraina 7:19

(kigira lilaga si lya dukidza kindu ku vyosi), kandi liletwa kulyo lisuuviridza li veye lilahi kuvita lyagira kwisunda himbi ku Nyasaye.

Vahebraina 8:1

Kalunu mu yaga aga ku volanga likuva linene ni yili: Ku veye nomusalisi munene lugano yilu, uyu wikalanga ha mukono mulungi gwekisako kyo Munene migulu,

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

Yakobo 2:1

Avamitu, mu ta va nelisuuvira lyo Mwami wetu Yesu Kristo uyu niye Mwami wobukumi, nelyeridza ku vandu.

1 Petro 1:11

venya i veye inyinga ki, kandi i veye inyinga yolugano ki ya Roho wa Kristo wa li muvo ya mannya, inyinga ya tanga kulang'aminya ubusaliri bwa Kristo, nobukumi bu li va ho inyima.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Petro 3:22

u veye ha mukono mulungi gwa Nyasaye, kigira u viti kutsia kuduka migulu; vi mali kukolwa vikekeke kuye, tsingelosi, navobunene, navetsingulu.

Yudasi 1:21

mwelinde mu buyanzi bwa Nyasaye, nokuhenzerera tsimbabasi tsyo Mwami Yesu Kristo kuduka ku livamwoyolyemihiganemihiga.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 2:8

Kandi u ng'odere ingelosi welivugana li veye mu Simurina. Yivi nivyo vya uyu u veye litanga nekiheri, wa gwa mukudzu, na a va mwoyo kandi a volanga: