Vahebraina 12:15 - KITABU KITAKATIFU

¹⁵ mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Vahebraina 12:15 ပူးပေါင်းရင်းမြစ်များ

1 Avami 14:16

Naye a la leka Israeli kulwang'amira kigira ubwoni bwa Jeroboam ya kola, kigira yibu u koli Israeli a avoni.

Kutwula 32:21

Na Musa ya teva Haruni, Avandu yava va kola ndi ku ive, u duke kuleta kuvo ubwoni bunene?

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Isaya 5:4

Ha veye na miyinzi ki n gyindi gya li kunyala kukolwa mu kizabibu kyange, gya nda vula kukola? Kunangwa, kigira ki lwa nda henzerera kyame mazabibu, navutswa kyama mazabibu gomulitu?

Isaya 5:7

Kigira kizabibu kya Yahova wa mahe ki veye inyumba ya Israeli, navasatsa va Yuda va veye muzabibu mulahi; naye ya henzerera likalaga lilungi, navutswa ya lola lidambidzwa; na ya henzerera ubulungi, navutswa ya hulira lilira.

Jeremia 2:21

Navutswa nda li ni nda simika ive muzabibu mula hi, bugutsa ubulahi bwere: kunangwa ga li ndi ive u girunkani kuva visibu vi ta konya kindu, kyomuzabibu mu geni ku inze?

Luka 22:32

navutswa inze mmali kukusaalira, lisuuvira lilyo li ta geha; kandi ive lwa u li mala kwirana, u luviridze avamwavo vovo.

1 Vakorintho 10:12

Kigira yaga, uyu u ganagana a singiye, a henze bulahi gase a la gwa.

1 Vakorintho 13:8

Ubuyanzi si bu veye ne kiheri mihiga nemihiga, navutswa ubuprofeti ni bu veye ho, bu la heridzwa, tsinimi ni tsi veye ho, tsi la hera; limanya ni li veye ho, li la heridzwa.

1 Vakorintho 15:33

M u ta gadwa mba: Ubu hambani ubudamano bwononnyanga miima milahi.

1 Vakorintho 5:6

Liidzominya lyenyu si li veye lilahi. Si mu manya mamera makekeke ga kolanga lihumbe lyosi li ve namamera?

2 Vakorintho 13:5

Mwehenze mwinye avene, ni mu va ni mu veye mu lisuuvira; mwegeridze mwinye avene. Naho si mu manya amakuva genyu avene, Yesu Kristo a veye mu mwi nve? Ni ga ta li mwa sulwa.

2 Vakorintho 6:1

Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa.

Vagalatia 2:13

Kandi yavo Avayuda avandi va girunkanywa halala naye; kuduka Baranaba kandi bugadi bwavo bwa mu gotidza.

Vagalatia 5:4

Mwinye avenyanga kuvolwa kuva nobulungi kigira lilaga mwavukannyeywi na Kristo: mu gwiye kutwula mu tsimbabasi.

Vafeso 5:3

Navutswa kutsia mbakana, nobudamano bwosi, kinga likayirwa, vi ta talwa mu mwinye mba, kuli aga dukira avatakatifu;

Kwidzulitsa 29:18

gase ha la va nomundu hagati henyu musatsa, kinga mukali, kinga venyumba, kinga ihiri, womwoyo gwigwe gu girunkana lero kutwula ku Yahova Nyasaye wetu, kutsia kutumekira avanyasaye vetsihiri yitsyo; gase ki la va hagati henyu kitinya kivulanga ubululu nabisintho,

Kwidzulitsa 32:32

Kigira muzabibu gwavo gu veye muzabibu gwa Sodoma Nogwemilimi gya Gomora: Mazabibu gavo ga veye mazabibu gobusungu Nevisaganyi vyavo vi veye vilulu:

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Vakolosai 3:5

Kunangwa mwiite vivero vyenyu vi veye vya hasi: navyo nokutsia mbakana, nekifwabwi, nelikayirwa lidamano, nelyegomba lidamano, nelikayirwa vyavene, li veye kusigamira misambwa.

Tito 1:15

Ku avanifu vindu vyosi vi veye vinifu: navutswa ku avadamano nava vula kusuuvira si ha li nekindu kinifu kuvo; navutswa ubugeeri bwavo nomwoyo gwavo gu gwiye mudamano.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vahebraina 4:1

Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

Vahebraina 4:11

Kunangwa kwidinnye kwingira mu bwelemeridzi zana, mundu ku vosi a ta gwa ku lugano lwelifwana zana.

Vahebraina 6:11

Kandi kwenya mwinye sa mulala a lang'aminye ubugulu zana kuduka ku budukiru bwelisuuvira kuduka ku kiheri:

Joshua 6:18

Na mwinye, ligali mu legaya avene ku kindu ki gimiywi, gase mu lelaama avene lwa mu vugula kindu kya gimwa: na ku inkuva yiyi mu kole hokusosa ha Israeli ha laamwe nokuhadambidza.

2 Petro 1:10

Kigira yaga, avamitu, mu kole ubugulu kuvita mu duke kukola lilangwa lyenyu nelitovolwa lyenyu li ve netsingulu ligali: kigira ni mu kola yaga mu la vula kwikigitala hosi:

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;

2 Petro 3:11

Kunangwa kigira vindu yivi vyosi vi lati mbululwa ndiyo, ga mu dukira kuva avandu aveliva ki mu ligenda lyosi litakatifu nomu litibwa lya Nyasaye,

2 Petro 3:14

Kunangwa, avayanze, kigira mu lindirira vindu yivi, mu kole ubugulu mu duke kunyolerwa mu mirembe, bugira kuva netsimbala kandi bugira kindu ku mwinye imbiri wewe.

2 Yohana 1:8

Mwehenze mwinye avene, mu vule kugotidza vindu yivyo vya kwa kola, navutswa mu duke kunyola madanyi madukiru.