Vahebraina 11:6 - KITABU KITAKATIFU

⁶ kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.

Vahebraina 11:6 ပူးပေါင်းရင်းမြစ်များ

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

Ayubu 21:14

Va volera Nyasaye, Twula ku kwinye; Kigira si kwenya limanya lyetsinzira tsitsyo.

Zaburi 106:24

Yee, va lega kivala kilahi, Si va suuvira likuva lilye,

Zaburi 119:10

Nkwenyi nomwoyo gwange gwosi: U ta ndeka ngendagende ihale ku malago gogo.

Zaburi 58:11

Na avandu va la vola, Ligali ga veye ho madanvi gavalungi: Ligali a veye ho Nyasaye, a kalaganga mu lirova.

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Zaburi 78:22

Kigira si va suuvira Nyasaye mba Kandi si va suuvira ubuhonnyi bwibwe

Zaburi 78:32

Ku yaga gosi, va hongera kukola ubwoni, Na va vula kusuuvira makuva gevikolwa vivye vyokugenya.

Tsing'ano 11:18

Mudamano yenyolera madanyi gobugadi Navutswa uyu u midzanga bulungi a veye namadanyi geligali.

Tsing'ano 8:17

Nyanzanga yavo ava yanza inze; Navo avenyanga budinyu va la nyola inze.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 7:9

na mutwe gwa Efiraim ni Samaria, na mutwe gwa Samaria, ni uyu mwana wa Remalia. Ni mu va ni mu sula kusuuvira, ligali si mu la dinyeridzwa.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Livalidza 14:11

Na Yahova ya teva Musa, Avandu yava va la ndega kuduka inyinga ki? Na va la vula kusuuvira inze kuduka inyinga ki, kali ni nkoli vilolekidzu vyosi hagati havo?

Livalidza 20:12

Na Yahova ya volera Musa na Haruni, Kigira si mwa suuvira ku inze, kuntakass imbiri wetsimoni tsya avana va Israeli, kigira yaga si mu la leta livugana yili nokulivika mu kivala kya nda va ha.

Matayo 11:26

yee, Dada, kigira ndiyo ga yanzeka ku ive.

Matayo 5:12

Mu yanze, mu sangale ligali: kigira madanyi genyu ga veye manene migulu: kigira ni ndiyo va kupidza kivi avaprofeti ava li imbiri wenyu.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Marko 16:17

Vilolekidzu yivi vi la loleka halala na va suuvira: va la twulidza amademone ne lyeta lyange; va la vola netsinimi tsimpya;

Luka 12:31

Navutswa mwenye ubwami bwi bwe, nevindu yivi vyosi mu la medwa.

Luka 6:35

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Yohana 14:6

Yesu ya mu volera, Inze niyo inzira, nageligali, nelivamwoyo: si ha veye nomundu u duka ku Dada na a leki inze.

Yohana 8:24

Yiki ni kigira nda mu volera, Mu la kudzera mu bwoni bwenyu: ni i va mu vula kusuuvira inze niye, mu la kudzera mu bwoni bwenyu.

Varumi 10:14

Kunangwa va lanira ndi ku uyu wa va vula kusuuvira? Nandi va la suuvira ndi ku uyu wa va vula kuhulira? Kandi va la hulira ndi bugira mwilwadzi?

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Vahebraina 11:26

a vola linyegwa lya Kristo li veye ubutugi ubunene kuvita ubutugi bwa Egepeti: kigira ya henzerera madanyi.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vahebraina 4:2

Kigira kwinye kwilwadzwa ivangeli kuli yavo, navutswa likuva lya va hulira si lya va konya, kigira va vula ku tsuganya lisuuvira halala nelihulira.

Vahebraina 4:6

Kunangwa kigira ku litigala avalala va lingira, kandi kigira yava ava tanga kwilwadzirwa amakuva malahi si vingira kigira livula kuhulira lyavo,

Vahebraina 7:19

(kigira lilaga si lya dukidza kindu ku vyosi), kandi liletwa kulyo lisuuviridza li veye lilahi kuvita lyagira kwisunda himbi ku Nyasaye.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

2 Petro 1:10

Kigira yaga, avamitu, mu kole ubugulu kuvita mu duke kukola lilangwa lyenyu nelitovolwa lyenyu li ve netsingulu ligali: kigira ni mu kola yaga mu la vula kwikigitala hosi:

2 Petro 1:5

Yee, kandi kigira yaga mu mede ku luvega lwenyu ubugulu bwosi, mu lisuuvira lyenyu mu tese mu buluviriri, nomu buluviriri bwenyu mu tese mu limanya;

2 Petro 3:14

Kunangwa, avayanze, kigira mu lindirira vindu yivi, mu kole ubugulu mu duke kunyolerwa mu mirembe, bugira kuva netsimbala kandi bugira kindu ku mwinye imbiri wewe.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Ruth 2:12

Ku miyinzi gyigyo Yahova a ku he madanyi madukanu, Nyasaye wa Israeli wa wadzira mu tsimbaha tsitsye u duke kunyola lisuuvira.