Munene wange si wa volerwa ga nda kola lwa Jezebeli yiita vaprofeti va Yahova, kuli nda visa mia avalala ku vaprofeti va Yahova makumi gatano, gatano mu tsimbangaywa, nokuvaha vyokulia nokuvaha amadzi?
kigira ga li ndiyo, lwa Jezebeli yiita vaprofeti va Ya hova, na Obadia ya vugula vaprofeti mia, na a va visa makumi gatano, gatano mu tsimbagaywa, na a va ha vyo kulia, nokuvaha madzi.)
Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.
Ma ubogo yibwo ubwa Ishmaeli ya ta mu mibiri mikudzu gyosi gyavandu va yiita, himbi na Gedalia (bu veye ubwa Asa mwami ya yava kigira ya tia Baasha mwami wa Israeli), Ishmaeli mwana wa Nethania ya bwizulitsa na yavo aviitwa.
Kunangwa Daudi ya twula ha zana, ni yirukira mu luhangaywa lwa Adulam: navamwavo veve, navenyumba yosi ya dada wewe, lwa va hulira va tsia kuye ha zana.
Ma Vazifu vanegira ku Saulo ha Gibea, ni va vola, Daudi si yivisa ku kwinye mu lyevisa lyomulitu, mu kigulu kya Hakila, ki veye ku luvega lwa kusini kye kyangalangwi?
Kunangwa, mu henze, mu manye ligali makuva ga ha zana hosi ha yivisa ma mwidze ku inze kandi nageligali na nda tsia na mwinye: na ga la duka, na a va na a veye mu kivala, nda mwenya mu tsielfu tsyosi tsya Yuda.