Vahebraina 11:34 - KITABU KITAKATIFU

³⁴ va guuta tsingulu tsyomuliru, va hona ku bwogi bwekivavi, kutwula mu budedekere va hebwa tsingulu, va gwa avagulu mu lihe, va kunga amahe gavageni.

Vahebraina 11:34 ပူးပေါင်းရင်းမြစ်များ

1 Avami 19:1

Ahabu ya volera Jezebeli vindu vyosi vya Elija ya kola, na kuli yiita vaprofeti vosi nekivavi.

1 Avami 19:3

Na lwa ya lola yaga, ya singira, na a tsia kwehonnya mwoyo gwigwe, na ya duka Beersheba, li veye lidala lya Yuda, na ya leka yo mutumekiri wewe.

2 Avami 6:1

Na avana vavaprofeti va volera Elisha, Henza kalunu, hango ha ku menyi hano imbiri wowo si ha duki kwinye mba.

2 Avami 6:32

Navutswa Elisha yikala mu inyumba yeye, navakulundu vikala halala naye; nomwami ya tuma mundu kutwula imbiri wewe: navutswa lwa mutumwa a kikiri kuduka kuye, ya volera vakulundu, Mu lola kuli mwana womulumindi uyu a tumi mutumwa kutwulidza mutwe gwange? Henzi, lwa mutumwa yadza, mu hane muliango, nokumwigalira nagwo ligali: muliviti gwevirenge vyomunene wewe si gu mu londa inyima?

Ayubu 42:10

Na Yahova ya girunkanya ubuhambe bwa Ayubu, lwa ya saalira avalina veve: Yahova ya ha Ayubu hali kaviri kuvita vya ya li navyo ku matsyambiri.

Ayubu 5:20

Inyinga y enzala a la ku tungira u twule ku likudza; Noku bulwani a la ku tungira u twule ku tsingulu tsyekivavi.

Zaburi 124:7

Mwoyo gwetu gu honi kuli linyonyi li twuli mbuginga bwava hidzi: Mutego gu vuniki, na kwinye ku honi.

Zaburi 144:10

Ni ive u haananga avami ku ubuhonnyi; Na u honnya Daudi mutumekiri wewe ku kivavi kyobudamano.

Zaburi 6:8

Twuli ku inze, mwinye vosi ava kola ubudamano; Kigira Yahova u huliye mwoyo gwelilira lyange.

Zaburi 66:12

Wa gendidza ava nina ku tsiparasi, igulu ku mitwe gyetu; Kwa vita mu muliru na mu amadzi; Navutswa ive wa ku twulidza mu nokukuvika hobuhindahalu.

Kutwula 18:4

na lieta lya wundi lya gulikwa, Eliezeru; kigira ya vola Nyasaye wa dada wange, ya li mukonyi wange, na a nkonya ku kivavi kya Farao:

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Jeremia 26:24

Navutswa mukono gwa Ahikam mwana wa Shafan gwa li halala na Jeremia, va vule kumbika mmakono gavandu kumwiita.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

1 Petro 4:12

Avayanze, mu ta genya ku ligeridza lyomuliru li mu geridza li veye hagati henyu kumugeridza, kuli kindu kigeni kya mu gwira:

Vakalagi 15:8

Naye ya va kuya litango nevadzwa, nobwiiti bunene Jigali: naye ya sulunguta na a menya mu lubwa lwolwanda lwa Etam.

1 Samweli 18:11

ma Saulo ya sikisa litimu; kigira ya vola, Nda tumita Daudi uyu kuduka ku lidigi. Na Daudi yehonnya ku litwula imbiri wewe hali kaviri.

1 Samweli 19:10

Na Saulo yenya kutumita Daudi kuduka ku lidigi nelitimu; navutswa yevala kutwula imbiri wa Saulo, naye ya tumita lidigi nelitimu: na Daudi yiruka, na a tsia ubudiku zana.

1 Samweli 20:1

Na Daudi yiruka kutwula ha Naiothu mu Rama, na a tsia kuvola imbiri wa Jonathan, Inze nkoli ki? Ubudamano bwange bu veye ki? Nobwoni bwange bu veye ki imbiri wa dada wowo, kuduka yenyanga livamwoyo lyange?