Vahebraina 11:3 - KITABU KITAKATIFU

³ Ku lisuuvira ku manya vindu vyosi vya lombwa nelikuva lya Nyasaye, kuduka vindu vi loleka si vya lombwa nevindu vi loleka.

Vahebraina 11:3 ပူးပေါင်းရင်းမြစ်များ

Litanga 1:1

Mu litanga Nyasaye ya lomba migulu nelirova.

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Zaburi 33:9

Kigira ya vola, ma ga kolwa; Ya laga, na lya singiridzwa.

Isaya 40:26

Mu ginge tsimoni tsyenyu mu henze igulu, mu lole ni bwaha wa vi lomba, uyu u letanga lihe lyavo nelivalidza; a langanga lyosi ameta gavo; nobunene bwobunyali bwibwe, kandi kigira a veye wanyala mu tsingulu, si ha veye nekilala ki vula kuva ho.

Jeremia 10:11

Mu la va volera yaga, Avanyasaye ava vula kulomba ligulu na lirova, yava va la diva va twule mu kivala, va twule isi weligulu.

Jeremia 10:16

Kidieli kya Yakobo si ki veye kuli yivi: kigira a veye mulombi wevindu vyosi na Israeli a veye ihiri yemiyandu gyigye: Yahova wa mahe ni lieta lilye.

Yohana 1:3

Vindu vyosi vya lombeka ku uyu; kandi bugira uyu si vya lombeka kali kilala ku vyosi vya lombeka.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 17:24

Nyasaye uyu wa lomba lirova nevindu vyosi vi veye mu, uyu, kigira a veye Mwami weligulu nelirova, si a menya mu matempeli gombakwa namakono;

Varumi 4:17

(kuli ga ng'odwa, Mmali kukola ive ise wetsihiri tsinyingi) imbiri wa uyu wa ya suuvira, naye ni Nyasaye, u hedza avakudzu livamwoyo, kandi u talanga vindu vi ta li ho, kuli vi veye ho.

1 Vakorintho 2:7

Navutswa kwinye ku vola ubugeeri bwa Nyasaye mu gaviswa, ubugeeri bwa viswa, bwa Nyasaye ya singeridza imbiri wetsinyinga yitsi ku lidzominywa lyetu.

1 Timoteo 4:5

kigira ki koleywi kitakatifu ku likuva lya Nvasaye nelisaala.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Vahebraina 6:5

nokutsatsama likuva lilahi lya Nyasaye, netsingulu tsyetsinyinga tsidzanga,

2 Petro 3:5

Kigira likuva yili lya va gotera ku litovola lyavo avene ligulu lya li yo kutwula kale, nelirova lya hambana li singira kyova wamadzi kandi mu madzi, kigira likuva lya Nyasaye;

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.