Vahebraina 11:25 - KITABU KITAKATIFU

²⁵ ya tovola kusanga mu likupidzwa kivi lyavandu va Nyasaye, kuvita kuva nobuyanzi bwobwoni ku inyinga

Vahebraina 11:25 ပူးပေါင်းရင်းမြစ်များ

Ayubu 20:5

Ubusangali bwavadamano bu heranga bwangu, Ubuyanzi bwa va ta tia Nyasaye bu veye bwedagika indala vutswa?

Ayubu 36:21

Welinde, u vule kuhenza ubudamano: Kigira u tovoye yibu kuvita kutovola kivi.

Zaburi 47:9

Avanene va avandu va vungidzwa halala Avandu va Nyasaye wa Abrahamu; Kigira tsingavo tsyelirova tsi veye tsya Nyasaye: A nenehidzevwi ligali. Ulwimbu;

Zaburi 84:10

Kigira lidiku lilala mu mahema gogo li veye lilahi kuvita elfu. Nyanza kuva mulindi wekiliango kyenyumba ya Nyasaye wange, Kuvita limenya mu mahema gobudamano.

Isaya 21:4

Mwoyo gwange gu herananga, litihidza li mbiki mu butii: inyinga ya bwiranga ya nyenyanga i girunkanyeywi kuva lidegera ku inze.

Danyeli 3:18

Navutswa ni ga vula kuva ndiyo, ga manyekane ku ive, O mwami, si ku li tumekira vanyasaye vovo, kinga kusigamira kifwananyi kyethahabu kya wa singeridza.

Matayo 13:21

navutswa si a li nemiri muye, ma a dinya hakekeke; navutswa kivi kinga lidambidzwa lwa li duka kigira likuva, nonoho yikigitala.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.

Vikolwa 7:34

Lilola nda lola ubusaliri bwavandu vange ava veye mu Egepeti, kandi mmali kuhulira ubukenyi bwavo, na inze mmali kwika nduke kuvahonnya. Kalunu hamba, nda ku tuma kutsia Egepeti.

Varumi 5:3

Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

2 Timoteo 1:8

U ta va netsisoni ku lilolekidza lyo Mwami wetu, kandi u ta va netsisoni ku inze muhambe wewe: navutswa wikudzire mu kivi halala nevangeli kuli tsingulu tsya Nyasaye,

Vahebraina 10:32

Navutswa mwidzulire madiku ga vita, ga mwa kolerwa mu ubulavu, mwikudzira ku mahangali manene gobusaliri;

Vahebraina 11:37

va laswa magina, va kalwa nomusameno, va geridzwa, viitwa nekivavi: va vodonkana viviki tsingubo tsyamagondi netsyetsimbuli: va li avadaka, va li mu kivi, va kolwa ubudamano

Vahebraina 4:9

Kunangwa ubwelemeridzi bwelisabato bu tigaye ku vandu va Nyasaye.

Yakobo 1:20

kigira ubutima bwomundu si bu kolanga ubulungi bwa Nyasaye.

Yakobo 5:5

Mu menyi nobwelemeridzi mu lirova, nokumenya noluyai; mu komeridzi myoyo gyenyu mu lidiku lyokuyaywa.

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.

Likunula 18:7

Ku liidzominya lyalyo, noku limenya lyalyo bugira kwilinda, mu li he ubusaliri neliverera kule ng'ana na yaga: kigira livola mu mwoyo gwalyo, Inze mmenya mu bwami, kandi si mbeye mukunzakali, kandi si nda va neliverera kali hakuzu.