Vahebraina 11:12 - KITABU KITAKATIFU

¹² kigira yaga, vivulwa ku mulala wa li kuli mukudzu, vanyingi va leng'ana netsing'ereng'ani tsyomigulu, kandi kuli muyeke gu veye ku luginga lwenyanza, gu ta valika.

Vahebraina 11:12 ပူးပေါင်းရင်းမြစ်များ

Litanga 15:5

Na ya mu hila kyova, na a mbolera Henza kalunu migulu, u validze tsing'ereng'ani, nu u va nu nyala kutsivalidza: na ya mbolera, Lwivulu lulwo lu la va ndi.

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 32:12

Kandi ive wa vola, Ligali nda ku kolera malahi, kandi nda kola kisukululwi kikyo kuva kuli umuyeke gwenyanza, gu ta validzwa kigira gu veye munyingi.

2 Samweli 17:11

Navu tswa inze nku hedzanga livola lyange, Israeli vosi va vungidzwe halala ku ive, kutwula Dan kuduka Beersheba, kuli muyeke gu veye ku luginga lwenyanza ku bunyingi bwagwo; kandi ive mwene u tsie mbulwani.

1 Avami 4:20

Yuda na Israeli va veye ava nyingi ligali kuli muyeke gu veye ku luginga lwenyanza ku bunyingi bwavo, va lia ni va nwa na va sangala.

1 Kyetsinyinga 27:23

Navutswa Daudi si ya vika mu livalidzwa lyavo yava ava li na va kikiri kuduka mi higa makumi gaviri, kigira Yahova ya li na a mali kuvola a la meda Israeli kuli tsin'ering'ani tsyomigulu.

Nehemia 9:23

Avana vavo wa va meda livalidzwa lyavo kuli tsing'ering'ana tsyomigulu, na wa va leta nokuvavika mu kivala yikyo, kya wa volera avaguga wavo amakuva gakyo, va lingira nokukyameha.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 48:19

lwivulu lulwo nkano lwa ka va kuli muyeke, na vivulwa vyomunda mumwo nkano va ka va kuli tsinzalo tsyomuyeke: lieta lilye nkano si lya twulidzwa imbiri wange.

Jeremia 33:22

Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Habakuk 1:9

Yavo vosi vadza nekirage; mmoni mwavo mu henza imbiri kuli imbuudza yevugwe; na va vungidzanga vahambe kuli mu yeke.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Kwidzulitsa 1:10

Yahova Nyasaye wenyu a mu kola kuva avanyingi, na, henzi, lero mu veye avanyingi kuli tsing'ereng'ani tsyomigulu.

Kwidzulitsa 28:62

Na mu la tigala vakekeke ku livalidzwa, kali ni mwa li kuli tsing'ereng'ani tsyomigulu ku bunyingi; kigira wa vula kuhulira mwoyo gwa Yahova Nyasaye wowo.

Joshua 11:4

Navo va tsia, avene na amahe gavo gosi halala navo, avandu vanyingi, kuli muyeke gwoku luginga lwenyanza, ku bunyingi bwavo, halala na tsiparasi na magari amanyingi ligali.

Likunula 20:8

nokutsia kyova kugada avetsihiri tsi veye mu tsikorna tsine tsyelirova, Goga na Magoga, a va vungidze ku lihe yilyo; livalidzwa lyavo li veye kuli muyeke gwenyanza.

Vakalagi 7:12

Ma Vamidiani na Vaamaleki navana vesi vevugwi ava gona mwivona kuli tsisigi tsinyingi; netsing'amia tsyavo tsya vula kuvalika, kuli umuyeke gu veye ku luginga lwenyanza tsinyingi.

1 Samweli 12:5

Naye ya va volera, Uyu Yahova a veye muloli ku mwinye, na uyu mbake wewe a veye muloli lero, mwinye mwa vula kunyola kindu kali kilala mmukono gwange. Ni va vola, A veye muloli.