Vahebraina 11:1 - KITABU KITAKATIFU

¹ Kunangwa lisuuvira li veye ki dinnyanga vindu vi henzererangwa, kindu ki lungikidza vindu vi ta lolekanga.

Vahebraina 11:1 ပူးပေါင်းရင်းမြစ်များ

Zaburi 27:13

Nda kudza mwoyo, ni mba ni mbula kusuuvira kulola ubulahi bwa Yahova Mu kivala kyavelivamwoyo.

Zaburi 42:11

Kigira ki winamanga, O mwoyo gwange? Na kigira ki u hendanga mu inze? U suuvire Nyasaye; kigira nda duka kumwidzominya, Uyu u veye ubuhonyi bwommoni mwange, na Nyasaye wange.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

1 Vakorintho 13:13

Navutswa kalunu lisuuvira li menyanga, kandi lisuuviridzwa, nobuyanzi, yivi vivaka; navutswa kinene kuvyo nu buyanzi.

2 Vakorintho 11:17

Aga mbolanga si mbolanga kuli ga twulanga ku Mwami, navutswa kuli ga veye mu busiru, mu kilema mwoyo kyokwiidzominya.

2 Vakorintho 4:18

inyinga kwinye ku vula kuhenza vindu vi lolekanga, navutswa ku henzanga vi ta lolekanga: kigira yivi vi lolekanga vi veye vyenyinga inkekeke; navutswa vindu vi ta lolekanga vi veye vyemihiga nemihiga.

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

2 Vakorintho 5:7

(kigira ku genda nelisuuvira, si ku genda nelilola);

2 Vakorintho 9:4

ki ta vaho kindu kali kilala avandu va Makedonia ni vadza halala na inze va mu nyole ni mu tetegeki, kwinye (ku vule kuvola mwinye) ku la va isoni ku liidzominya yilyo.

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Tito 1:1

Paulo, mutugwa wa Nyasaye, nomutumwa wa Yesu Kristo, kuli lisuuvira lya vatovole va Nyasaye, ka ndi kuli limanya lyageligali li veye kuli litibwa lya Nyasaye,

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

Vahebraina 10:39

Navutswa kwinye si ku veye mu yavo avirana inyima kuduka mu budivi; navutswa ku veye mu yavo ava veye nelisuuvira kuduka mu buhonnyi bwomwoyo.

Vahebraina 11:13

Yava vosi va kudza mu lisuuvira, va vula kunyola lisuuviridzwa, navutswa va li ni va li loleye hale, nokulkhelidza, nokweyama va li ava menya navagehdi mu lirova.

Vahebraina 11:27

Ku lisuuvira ya twula Egepeti, ya vula kutia ubutima bwomwami; kigira yikudzira kuli a lola uyu u ta loleka.

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vahebraina 3:14

Kigira ku gwiye avasangi ku Kristo, ni ku va ni ku gumira ligali li tanga lyobuluviriri bwetu kuduka ku kiheri.

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Vahebraina 6:12

mu ta va avagata, navutswa mu ue avegi ku yavo ava lia miyandu gyelisuuviridzwa kigira lisuuvira nobwikudziri.

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo: