Vahebraina 10:5 - KITABU KITAKATIFU

⁵ Kigira yaga inyinga yingira mu lirova, a vola, Visyuviriru nevihaanwa si wenya, Navutswa wa nombera mubiri;

Vahebraina 10:5 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Isaya 1:11

Ubunyingi bwevihaanwa vyenyu ni kindu ki ku inze? Yahova a vola: nzizuye vihaanwa vyokusambwa vyamagondi makole, namaguta getsinyama tsinkomeru ligali; si nda yanza masahi getsigiriki, kinga gavana vamagondi, kinga age tsikole.

Isaya 40:16

Na Lebanon si gu veye nobudukiru ku muliru, netsinyama tsyagwo tsyosi si tsi duki kuva kihaanwa kyokusambwa.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 31:22

U la voyavoya kuduka inyinga ki, O mukana wirana inyima? Kigira Yahova u lombi inkuva impya mu lirova: Mukali a kinga musatsa.

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Matayo 11:3

na a mu volera, Ive nive udzanga naho ku linde wundi?

Luka 1:35

Ingelosi ya tivula, na a mu volera, Roho Muta katifu a ladza ku ive, netsingulu tsya Uveye Igulu Ligali tsi la ku kinga kigira yaga Kitakatifu yikyo ki livulwa ku ive ki la langwa Mwana wa Nyasaye.

Luka 7:19

Na Yohana ya langa avegidzwi veve vaviri, na a va tuma ku Mwami, na a vola, Ive niye udzanga, naho ku linde wundi?

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Vagalatia 4:4

navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga,

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

Vahebraina 1:6

Kandi lwa ya leta mu lirova wivulwa wokutanga ya vola, Tsingelosi va Nyasaye va msigamire.

Vahebraina 10:10

Kigira ubulaliri bwibwe kwinye ku takaseywi ku kihaanwa kyomubiri gwa Yesu Kristo inyinga indala eng'ine.

Vahebraina 10:7

Kunangwa nda vola, Henza, mmali kuudza (Mu tsikaratasi tsyekitabu ga ng'odwa ku inze) Kukola ubulaliri bubwo, O Nyasaye.

Vahebraina 10:8

Kuli a vola inyima, Visyuviriru nevihaanwa, nevihaanwa vigyima vyokusambwa, nevisyuviriru kigira ubwoni si wa vyenya, kandi si wa yanzidzwa navyo (vya haanwa kuli Iilaga),

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,

Vahebraina 8:3

Kigira musalisi munene sa mulala a vikangwa a twulidze vihaanwa halala nevisyuviriru: kunangwa ga dukiranga musalisi munene uyu kandi a ve nekindu kya a twulidza.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

2 Yohana 1:7

Kigira avagadi avanyingi va loleki mu lirova, ava vula kweyama Yesu Kristo u dukive mu mubiri. Uyu niye mugadi nohing'ana Kristo.