Vahebraina 10:39 - KITABU KITAKATIFU

³⁹ Navutswa kwinye si ku veye mu yavo avirana inyima kuduka mu budivi; navutswa ku veye mu yavo ava veye nelisuuvira kuduka mu buhonnyi bwomwoyo.

Vahebraina 10:39 ပူးပေါင်းရင်းမြစ်များ

Zaburi 44:18

Mwoyo gwetu si gwirani inyima mba, Kandi si ku girunkannyi ligenda lyetu kutwula ku inzira yoyo,

Tsing'ano 1:32

Kigira lirana inyima lyavasiru li la viita, Na ligadahala lyavasiru li la va dividza.

Tsing'ano 14:14

Uyu wirananga inyima mu mwoyo gwigwe, a lizula tsinzira tsitsye; Na mundu mulahi a liguta ubulahi bwomwoyo gwigwe mwene.

Marko 16:16

U suuvira na a batidzwe a la honnywa; u vula kusuuvira a la kyaywa.

Luka 11:26

Kunangwa gu tsia kuleta roho gyitanu na gyiviri gyindi midamano kusira gwene; ni gyingira ni gyi menya mu: vyanyima vyomundu uyu ni vidamano kusira vyambiri.

Yohana 17:12

Lwa nda li navo halala, nda va denda ku lieta lilyo va wa mpa: kandi nda va linda, kandi si ha veye nomulala kuvo wa gota, navutswa mwana wobudivi; amang'oda ga duke kudukidzwa.

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

1 Vatesalonike 5:9

Kigira Nyasaye si ya ku vika ku ve avobutima, navutswa ku nyole ubuhonnyi ku Mwami wetu Yesu Kristo,

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

1 Timoteo 6:9

Navutswa yavo ave nyanga kuva nobutugi va gwidzanga mu ligeridzwa nomu mitego, nomu likayirwa linyingi lyobusiru nelyo kwononnya, li hila avandu mu bukyamu nomu budivi.

Vahebraina 10:26

Kigira ni ku va ni ku kola ubwoni ne litovola inyima wa ku vuguye limanya lyageligali, si ha tigala kisyuviriru kyobwoni,

Vahebraina 10:38

Navutswa mulungi wange a la va mwoyo kigira lisuuvira: Kandi ni yirana inyima mwoyo gwange si gu la mu yanza.

Vahebraina 11:1

Kunangwa lisuuvira li veye ki dinnyanga vindu vi henzererangwa, kindu ki lungikidza vindu vi ta lolekanga.

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.

1 Yohana 5:16

Mundu na a lola amwavo wewe na a kola ubwoni bu ta li bwelikudza, a la saala, na Nyasaye a la mu heera livamwoyo kigira yava ava kola ubwoni bu ta li bwelikudza. Ubwoni bu veyo bwelikudza: si mbola a saale kubwo.

1 Yohana 5:5

Kandi ibwaha uyu u guuta vyomkivala navutswa u suuvira Yesu nu Mwana wa Nyasaye?

Likunula 17:11

Kandi inyama ya li ho, kandi si a veye ho, uyu niye wa vatano na vavaka, kandi a veye ku yava vatano na vaviri; kandi a tsitsanga mu lidiva.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.