Vahebraina 10:31 - KITABU KITAKATIFU

³¹ Li veye likuva lyokutihidza kugwa mu makono ga Nyasaye welivamwoyo.

Vahebraina 10:31 ပူးပေါင်းရင်းမြစ်များ

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Zaburi 76:7

Ive, na ive weng'ine, u veye we] itibwa; Na ibwaha u nyala kusingira imbiri wowo lwa u vihirirwa?

Zaburi 90:11

Ibwaha u manya tsingulu tsyobutima bubwo Kandi ubutima bubwo kuli litibwa li dukana nive?

Isaya 19:16

Mu lidiku yilyo Avaegepeti va la fwanana navakali; na va la degera nokutia kigira lisung'usa lyomukono gwa Yahova wa mahe, gwa a sung'usanga kuvo.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Luka 21:11

kandi li la va lidegera linene lyelirova, kandi tsitodzo netsinkudzo ihale ne hale; kandi ubutihidzi nevilolekidzu vi la twula migulu.

Vikolwa 13:11

Kalunu henza mukono gwo Mwami gu veye ku ive na ive u la vakula, u ta lola liuva inyinga i duki. Nonoho amatsengeri nekisundi kya duka kuye, ni yenya avandu kumugumira mukono kumwimirira.

2 Vakorintho 5:11

Kunangwa kigira ku manya litibwa lyo Mwami, ku girunkannya myoyo gyavandu, navutswa ku lang'aminyeywi ku Nyasaye; na inze nsuuvira ku lang'aminyeywi mu myoyo gyenyu kandi.

Vahebraina 10:27

navutswa li veye ho lihenzerera likalagirwa lyobutii nelyobululu bwomuliru gu li lia avahingi.

Vahebraina 12:29

kigira Nyasaye wetu a veye muliru gu sambanga.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.