Vahebraina 10:27 - KITABU KITAKATIFU

²⁷ navutswa li veye ho lihenzerera likalagirwa lyobutii nelyobululu bwomuliru gu li lia avahingi.

Vahebraina 10:27 ပူးပေါင်းရင်းမြစ်များ

Zaburi 21:9

U la va kola kuli kisambiru kyomuliru inyinga yobutima bu bwo: Yahova a la va mira mu butima bwibwe Na muliru gu la va lia.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Ezekieli 36:5

kigira yaga Mwami Nyasaye a vola ndi: Ligali mmali kuvola ku litigala lyetsihiri mu muliru gwelikendeka lyange, noku Edom, tsihiri tsyevuguliye tsyene kivala kyange va ve nakyo kuva miyandu gyavo ku buyanzi bwemyoyo gyavo gyosi, nomwoyo gwokulega, kukita kyova ki ve kilanye.

Ezekieli 38:19

Kigira mu likendeka lyange nomu muliru gwo butima bwange mboye, Ligali mu lidiku yilyo ha la va nelidegera linene mu kivala kya Israeli;

Danyeli 5:6

Hene yaho ligondo lyommoni mwomwami lya galula na tsiganagani tsitsye tsya mu hulula inkolo; na a kalika viyungu vyo mgongo, na amalu gege ga duyana.

Hosea 10:8

Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.

Joeli 2:30

Na nda leta vyokugenya migulu, na mu li rova: masahi, nomuliru, neminara gyomwoki.

Nahum 1:2

Yahova a veye Nyasaye welikendeka nowelivanza kisalya; Yahova a vanza kisalya nokwizula ubutima; Yahova a vanza kisalya ku avahing'ana naye, kandi a vikira avasigu veve ubulima.

Zefania 1:18

Ifetha yavo si i nyala kuvahonnya, kinga ithahabu yavo, mu lidiku lyobutima bwa Yahova; navutswa kivala kyosi ki la sambwa nomuliru gwelikendeka lilye: kigira a la heridza, yee, ha la va neliheridza lyokutihidza, ku vosi ava menyanga mu kivala yiki.

Zefania 3:8

Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Livalidza 16:35

Kandi muliru gwa twula ku Yahova, na gwa samba avandu tsimia tsiviri na makumi gatano ava vuvidza kimuli.

Matayo 13:42

va va te mu kisambiru: li la va ho lilira nokudyedyeidza amino.

Matayo 13:50

va va te mu kisambiru: li la va ho lilira nokudyedyeidza amino.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Matayo 3:10

Kandi kali kalunu imbadzi i vike ywi mvitinya vyemisala: ku misala gyosi gu tama makuyu malahi gu temagwa, gu tebwa mmuliru.

Matayo 3:12

Kiseseru kikye ki veye mmkono gwigwe, kandi a la lavidza ulodze lwilwe ligali; nengano yeye a la tera mkideera navutswa mkuudzi a la samba nomuiiru gu ta simika.

Matayo 8:29

Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

Luka 16:24

Ya hanzuka na a vola, Dada Abrahamu, u mbererere, u tume Lazaro, a duke kudira isonga yekidete kikye mu madzi a kindidze lulimi lwange; kigira nsalira mu lumemo yilu.

Luka 19:27

Navutswa avasigu vange yava ava ta yanza inze nzamihe kuvo, mu va lete hano, mu viitire imbiri wange.

Luka 21:26

avandu va kudza mu myoyo kigira ubutii nokulinda vindu vidzanga mu lirova: kigira tsingulu tsyomigulu tsi la sung'uswa.

Luka 23:30

Hene yaho va la tanga kuvolera vigulu, Mu ku gwire; no tugulu, Mu ku kunike.

Yohana 5:29

ma va twule mu, yavo va kola bulahi va duke ku lisimuguka lyelivamwoyo; navo ava kola ubudamano va duke ku lisimuguka lyelikalagirwa.

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.

Vahebraina 12:25

Mu henze bulahi mu tambakana u volanga. Kigira ni va vula kuhona avambakana uyu wa va mannya mu lirova, nasindi kwinye ku la vula kuhona ni kwiyahula kuye u ku mannyanga kutwula migulu:

Vahebraina 12:29

kigira Nyasaye wetu a veye muliru gu sambanga.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;

Yakobo 5:3

Ithahabu yenyu nefetha yenyu tsi kupi tsisisiniya; netsisisiniya tsyavyo tsi la va kilolekidzu ku mwinye, kandi tsi la lia tsinyama tsyenyu kuli muliru. Mwevikiye akiba mu madiku gekiheri.

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.

1 Samweli 2:25

Mundu na a va na a kola ubwoni ku wundi, Nyasaye a la mu kalagira; navutswa mundu na a va na a kola bwoni ku Yahova, bwaha a la mu saavira? Navutswa, si va hulira umwoyo gwa dnda wavo, kigira Yahova ya saavira kuviita.