Vahebraina 10:24 - KITABU KITAKATIFU

²⁴ Ku ganane avene navene kuduka kuvukidzana ku buyanzi noku miyinzi milahi;

Vahebraina 10:24 ပူးပေါင်းရင်းမြစ်များ

Zaburi 41:1

A veye nobugasu uyu widzuli tsanga avadaka: Yahova a la mu honnya mu lidiku lyekivi.

Tsing'ano 29:7

Mulungi a ganagana makuva ga avadaka; Mudamano si a veye nelimanya kugamanya.

Vikolwa 11:29

Navegidzwi sa mulala kuli va nyala va lalira kuhila ubukonyi ku vamwavo ava menya Ebuyuda:

Varumi 11:4

Navutswa litivula lya Nyasaye lya mbolera ki? Lya mu rolera, Ntigaye navandu tsieliu tsitano natsiviri ava vula kusigamira Baal.

Varumi 12:15

Mu sangale halala navasangala; mu lire halala navaliranga.

1 Vakorintho 10:33

ga ve kuli inze nyanzidza avandu vosi ku vindu vyosi, ni mbula kwenya vyambeti vyange mwene, navutswa vyambeti vyavanyingi, va.

1 Vakorintho 9:22

Ku vadedekere nda gwa mudedekere, nyole avadedekere: ku vandu vosi nda kolwa vyosi, ku vyosi nduke kuhonnya v alala.

2 Vakorintho 8:8

Si mbola kuhaana munwa, navutswa ku bugulu bwavandi ngeridza kandi ubulungi bwobuyanzi bwenyu.

2 Vakorintho 9:2

kigira mmanya lyetegeka lyenyu lya nziidzominyira ku Vamakedonia kigira mwinye, mba Dolera avandu va Akaiya vetegeki kutanga muhiga mulala; kandi ubugulu bwenyu bwa tsuuva avanyingi ligali kuvo.

Vagalatia 5:13

Kigira mwinye avamitu, mwa Iangwa mu nyole libohololwa; navutswa libohololwa lyenyu li ta va ubwiyangu bwomubiri, navutswa mu tumikirane avene navene nobuyanzi.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Vagalatia 6:1

Avamitu, mundu na a hyoye ku lihyola lyosi, mwinye ava veye va Roho mwirannye wa zana a ve mulahi, mu roho gwobuhooma; welinde mwene gase na ive u la geridzwa.

Vakolosai 3:16

Likuva lya Kristo li menye mu mwinye nobuhinda: mu bugeeri bwosi mwegidzane nokugerihidzana avene navene ku zaburi noku tsinyimbu noku tsinyimbu tsyomu roho, mwimbire Nyasaye nemyoyo milahi.

1 Vatesalonike 1:3

kwidzulitsanga kazozo miyinzi gyenyu gyelisuuvira, nelinyankana lyenyu lyobuyanzi, nobwikudziri bwenyu bwelisuuvira li veye mu Mwami wetu Yesu Kristo, imbiri wa Nyasaye wetu Dada.

1 Vatesalonike 5:11

Kunangwa mu tsuvane mwinye avene navene nokwombakirana mundu sa mulala nowakye, kuli mu kolanga.

2 Vatesalonike 3:9

Si ga li kigira kwa daka tsingulu, navutswa kwinye kwekolanga ku ve kiloleru kyenyu, mu duke kukola kuli kwinye ku kola.

1 Timoteo 6:18

kandi va kole bulahi, va ve avatugi ku miyinzi milahi, va ve avahaani vevindu, kandi va ve avasangi navandi mu vindu vyomwoyo;

Tito 2:4

va duke kugerehidza avakali vanyerere va yanze avasatsa vavo, na kandi va yanze avana vavo,

Tito 3:8

Livola yili li veye lyokusuuvirwa, kandi ku vindu yivi inze nyenya ive u luvirire kuvola, kuduka yava ava suuvira Nyasaye va guluhe kumenya mu miyinzi milahi. Vindu yivi vi veye vilahi kandi avandu va nyola vyambeti kuvyo:

Vahebraina 13:1

Livanzana lya avamitu li menye.

Vahebraina 13:3

Mwidzulitse avahambe kuii mu boheywi halala navo; kandi yavo ava kupidzeywi kivi, kuli mu veye mu mubiri.

Vahebraina 3:13

Navutswa mu tsuvane avene navene kazozo, inyinga yelilangwa Lero; gase mulala ku mwinye a la kolwa mudinyu nobugadi bwobwo ni.

1 Yohana 3:18

Avana vakekeke, ku ta yanza mu likuva, kinga nolulimi; navutswa mu likola nomu ageligali.