Vahebraina 10:22 - KITABU KITAKATIFU

²² kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

Vahebraina 10:22 ပူးပေါင်းရင်းမြစ်များ

1 Avami 15:3

Ya genda mu ubwoni bwosi bwa dada wewe, ya tanga kukola imbiri wewe; mwoyo gwigwe si gwa li mudukiru halala na Yahova Nyasaye wewe, kuli mwoyo gwa dada wewe Daudi.

1 Kyetsinyinga 12:33

Ku Zebuloni yavo ava nyala kutsia mu lihe, nokulohidza ubulwani nevindu tsing'uno tsyosi tsyobulwana, tsielfu makumi gatano ava nyala kulwana nava ta li nemyoyo gyiviri.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Zaburi 111:1

Mwidzominye Yahova. Inze nda santidza Yahova nomwoyo gwange gwosi Mu kyina kya valungi, na mu livugana.

Zaburi 119:10

Nkwenyi nomwoyo gwange gwosi: U ta ndeka ngendagende ihale ku malago gogo.

Zaburi 119:145

Nzaniye ive nomwoyo gwange gwosi; u ntivulire, O Yahova: Nda gumira amalago gogo.

Zaburi 119:2

Va veye nobugasu yavo ava gumiranga lilolekidza lilye, Yavo ava mwenyanga nomwoyo gwosi.

Zaburi 119:34

U mbe limanya, na nda gumira itorati yoyo Yee, nda gi gumira nomwoyo gwange gwosi.

Zaburi 119:58

Nsalanga tsimbabasi tsitsyo nomwoyo gwange gwosi: U mbere tsimbabasi kuli likuva lilyo.

Zaburi 119:69

Avoluyai va ng'inanga: Nomwoyo gwange gwosi nda gu mira megidzo gogo.

Zaburi 119:7

Nda ku santidza nomwoyo mulungi, Lwa nzegidza likalaga lilyo lyo bulungi.

Zaburi 119:80

Mwoyo gwange gu ve mudukanu mu malago gogo, Mbule kuvikwa mu tsisoni.

Zaburi 32:11

Mu sangale mu Yahova, nokutsantsalika, mwinve avalungi; Kandi mu kupe isango, mwinye vosi avemyoyo milungi.

Zaburi 51:10

U nombere mwoyo mulavu, O Nyasaye; Kandi u nzirannyire roho muhya mugati mwange.

Zaburi 73:28

Navutswa nubulahi ku inze kwisunda himbi ku Nyasaye: Nkoli Mwami Yahova kuva kyokwivisa mu kyange, Nduke kuvola miyinzi gyigyo gyosi.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 9:1

Ndidzominya Yahova na mwoyo gwange gwosi Nda lang'aminnya vikolwa vivyo vyosi vyokugenya.

Zaburi 94:15

Kigira likalaga li lirana ku ubulungi; Na avemyoyo milungi va la bu londa.

Kutwula 29:4

Na u la leta Haruni na avana veve ha kiliango kyelihema lyokuvuganira mu, na u la va singa mmadzi.

Tsing'ano 23:26

Mwana wange, mpe mwoyo gugwo; Na tsimoni tsitsye tsi sangale mu tsinzira tsyange.

Isaya 29:13

Na Yahova ya vola, Kigira avandu yava visundi ku inze, na va nzidzominya nomunwa gwavo neminya gyavo, navutswa myoyo gyavo va gyi sundi ihale kutwula ku inze, nelitia lyavo lya va tidzanga inze li veye lilaga lyavandu lya vegidzwa:

Isaya 52:15

ni ndiyo a la sama tsihiri tsinyingi; avami va la kunika minwa gyavo kuye: kigira vindu vya va vula kuvolerwa va la vi lola; na ga va vula kuhulira va la ga manya.

Jeremia 24:7

Nda va ha myoyo gyokumanya inze, mbeye Yahova: va la va avandu vange, na inze nda va Nyasaye wavo; kigira va lirana ku inze nemyoyo gyavo gyosi.

Jeremia 3:10

Kandi kali ku yaga gosi, amwavo wewe Yuda wobugadi si yirani ku inze nomwoyo gwigwe gwosi, navutswa nobubehi, Yahova a vola.

Jeremia 30:21

Na munene wavo a la va mundu wavo mwene, na mwamehi wavo a la va mulala wa hagati havo; nda mwingeridza ku inze, naye a lesunda himbi ku inze: kigira ni bwaha u veye nobuluviriri kwesunda himbi ku inze? Yahova a vola.

Ezekieli 16:9

Hene yaho nda ku singa na madzi; yee, nda ku singa ligali, amasahi gogo gosi ga twule ku ive, na nda ku vaka maguta.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Kyavalevi 14:7

na a la guuha hali gatano na gaviri ku uyu wa li kutakaswa ku bugere, na a la vola a veye mulahi, na a la lakula linyonyi li veye mwoyo, li tsie.

Kyavalevi 16:4

Na a livika likoti litakatifu lyekatani, na a livika isiruali yekatani ku nnbiri gwigwe, na a leboha musipi gwekatani na a la vikwa igudwa yekatani: yitsi ni tsingubo tsintakatifu; na a lisinga mbiri gwigwe mu madzi, na a la tsyevika.

Kyavalevi 8:6

Na Musa ya leta Haruni na avana veve, na a va singa na amadzi.

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Livalidza 8:7

Na u la va kolera yaga mu litakaswa lyavo: wuhe kuvo amadzi aga takasanga ubwoni, ma va v ege mubiri gwavo gwosi, na vogidze tsingubo tsvavo, nokwetakasa avene.

Matayo 3:11

Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Luka 1:1

Kigira vanyingi va gumira miyinzi gyokung'oda amakuva gevindu vya kolwa mu kwinye,

Yohana 3:5

Yesu ya tivula, Ligali, ligali, nku volera, Mundu na a tivulwa livulwa lyamadzi nelya Roho si a nyala kwingira mu bwami bwa Nyasaye.

Yohana 8:9

Kandi yavo lwa va ga hulira, va tsia sa mulala sa mulala, va tanga avakulundu, kuduka ku vahereridzi: na Yesu ya tigala yeng'ine nomukali ha ya li hagati.

Vikolwa 22:16

Kalunu u linda ki? Singira u batidzwe, wisinge ubwoni bubwo, wanire lieta lilye.

Vikolwa 8:21

Ive si u veye nelisanga kinga ikura ku likuva yili, kigira mwoyo gugwo si gu veye mulahi imbiri wa Nyasaye.

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

2 Vakorintho 7:1

Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

Vafeso 3:12

wa ku veye nobuluviriri nobwiyangu bwokuduka mu kilema mwoyo kigira lisuuvira kuye.

Vafeso 5:26

a duke kulitakasa lwa a mali kula vidza nelyogidza lyamadzi mu likuva,

Vafeso 6:5

Mwinye avatugwa mu hulire yava ava veye avami venyu ku lugano lwomubiri, nobutii nelidegera, nomwoyo gwenyu mulala kuli vi veye ku Kristo;

1 Timoteo 4:2

ku bugadi bwavandu ava volanga ububehi, ava sambwa mu myoyo gyavo avene kuli lisamba lyekivya ki twula mu muliru;

Tito 3:5

si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

Vahebraina 10:1

Kigira lilaga li veye nekiriri kyevindu vilahi vidzanga, i vuli kuva nelifwana lyavyo, visyuviriru vi haanangwa ku muhiga nomuhiga, si vi nyala mihiga gyosi kukola avisunda himbi, avadukiru.

Vahebraina 10:19

Kunangwa, avamitu, kigira ku veye nobuluviriri bwokwingira hatakatifu ku masahi ga Yesu,

Vahebraina 11:28

Ku lisuuvira ya kola lipasaka, nokwuha masahi, uyu wa dividza ava tanga kwivulwa a ta va dira.

Vahebraina 12:24

noku Yesu mudukidzi welilagana lihya, noku masahi gufwa aga vola vilahi kuvita ga Habili.

Vahebraina 4:16

Kunangwa kwisunde himbi ku intebe yetsimbabasi nobuluviriri, ku duke kuvugula liverererwa nokunyola tsimbabasi tsyokukukonya mu inyinga i li duka.

Vahebraina 6:11

Kandi kwenya mwinye sa mulala a lang'aminye ubugulu zana kuduka ku budukiru bwelisuuvira kuduka ku kiheri:

Vahebraina 7:19

(kigira lilaga si lya dukidza kindu ku vyosi), kandi liletwa kulyo lisuuviridza li veye lilahi kuvita lyagira kwisunda himbi ku Nyasaye.

Vahebraina 9:10

kigira vi veye mu butumwa bwoku lugano lwomubiri vutswa (mu vyokulia nomu vyokunwa nomu lisava luganolugano), vi nigangwa kuduka inyinga yeligiru nkanywa kuva vihya.

Vahebraina 9:19

Kigira inyinga Musa ya mala kuvolera avandu vosi amalago gosi, kuli lilaga, ya vugula masahi gevimoli nagetsimbuli, halala namadzi, bwoya bwakanyu, nehusupo, ni yuha ku kitabu kyene noku vandu vosi,

Yakobo 1:6

Navutswa a saale mu Iisuuvira, a ta hayahayidza ku gosi: kigira u hayahayidzanga a veye kuli kiguvuli kyenyanza kye-rnbuudza i hunzulanga nokusikiswa.

Yakobo 4:8

Mwisunde himbi ku Nyasaye, naye a lisunda himbi ku mwinye. Mu lavidze makono genyu, mwinye avoni; mu takase myoyo gyenyu, mwinye avemyoyo gyiviri.

1 Petro 1:2

kuli litanga kumanya lya Nyasaye Dada, mu litakasa lya Roho, ku lihulira noku Iyuhirwa masahi ga Yesu Kristo: Tsimbabasi tsi ve ku mwinye, nemirembe gyi medeke.

1 Petro 3:21

aga honnya mwinye kalunu ku lugano zana libatidza, si ga li kya twulidza liko lyomubiri, navutswa ga veye ku lyenya litivula lyomwoyo mulahi ku Nyasaye, kigira lisimugukidzwa lya Yesu Kristo;

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,