Vahebraina 10:10 - KITABU KITAKATIFU

¹⁰ Kigira ubulaliri bwibwe kwinye ku takaseywi ku kihaanwa kyomubiri gwa Yesu Kristo inyinga indala eng'ine.

Vahebraina 10:10 ပူးပေါင်းရင်းမြစ်များ

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Yohana 17:19

Na inze nzetakase kigira kuvo, avene va duke kutakaswa mu ageligali.

Yohana 19:34

Navutswa mulala ku vasikari ya mu tumita mu tsi mbalu tsitsye nelitimu, nonoho masahi ga twula na madzi.

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Vafeso 5:26

a duke kulitakasa lwa a mali kula vidza nelyogidza lyamadzi mu likuva,

Vahebraina 10:12

navutswa uyu, inyinga ya mala kuhaana kisyuviriru kilala kigira ubwoni kuduka mihiga gvosi yikala ha mukono mulungi gwa Nyasaye;

Vahebraina 10:14

Kigira ku kisyuviriru kilala ya va kola avadukiru mihiga nemihiga yavo ava takaswa.

Vahebraina 10:20

ku inzira ya ya ku tangira, inzira impya neyelivamwoyo kuvitira ku kyokukinga, livola ii veye mubiri gwigwe,

Vahebraina 10:29

mu loli ndi, nasindi uyu u duvagi Mwana wa Nyasaye, nokuvola amasahi gelilaga na aga ya takaswa nago ga veye kindu kidamano, nokulega Roho wetsimbabasi, ga mu dukira kuhebwa amageli hali ganga?

Vahebraina 10:5

Kigira yaga inyinga yingira mu lirova, a vola, Visyuviriru nevihaanwa si wenya, Navutswa wa nombera mubiri;

Vahebraina 13:12

Kigira yaga Yesu kandi, a duke kutakasa avandu kigira masahi gege, ya salirira kyova wolugaga.

Vahebraina 2:11

Kigira uyu u takasanga kandi yava ava takasangwa va twula mu mulala: kigira yaga si a la v a isoni kuvalanga avamitu,

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,

Vahebraina 7:27

u ta li nelyenya kazozo, kuli avasalisi vanene yavo, va tange kwihaanira visyuviriru kigira ubwoni bwavo avene, na kandi kigira ubuoni bwavandu: kigira ya kola yili inyinga indala vutswa, lwa yehaana mwene.

Vahebraina 9:12

naho si li veye ku masahi getsimbuli nagevimoli, navutswa ku masahi gege mwene, yingira inyinga indala eng'ine hatakatifu, u nyoye ubutungiri bwemihiga nemihiga.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.

1 Petro 3:18

Kigira Kristo kandi ya salira kigira ubwoni inyinga indala, mulungi ya salirira ava ta li avalungi, a duke kukuleta ku Nyasaye; wiiteywi ku mubiri, nokukolwa mwoyo ku roho.

1 Yohana 5:6

Uyu niye uudzi ku inzira yamadzi namasahi, Yesu Kristo; si ga li amadzi geng'ine, navutswa namadzi namasahi. Kandi niye Roho u lolekidza, kigira Roho noweligali.