Vahebraina 1:9 - KITABU KITAKATIFU

⁹ U yanzi ubulungi, kandi u vihireywi ubwebaali; Kigira yaga Nyasaye, Nyasaye wowo, u ku vaki Maguta gobusangali kuvita avakyo.

Vahebraina 1:9 ပူးပေါင်းရင်းမြစ်များ

Zaburi 11:5

Yahova a geridza avalungi; Navutswa mwoyo gwigwe gu dunyira mudamano, na uyu u yanza kirage.

Zaburi 119:104

Nyola limanya mu megidzo gogo: Kunangwa mbihirirwa tsinzira tsyosi tsyobubehi.

Zaburi 119:128

Kunangwa mbugirira amegidzo gogo gosi ku ryosi kuva ma lungi Kandi ndunyira tsinzira tsyositsyobugadi.

Zaburi 2:2

Avami velirova va tsuvana avene, Na avamehi va volerana avene na avene Kwambakana Yahova, no mbake wewe, va vola

Zaburi 2:6

Navutswa mbiki mwami wange ku Zioni Kigulu kyange kitakatifu.

Zaburi 23:5

Ive u nombera vyokulia imbiri wavasigu vange: U mbaki mutwe gwange na maguta; Kisanda kyange ki zuye du.

Zaburi 33:5

A yanzanga ubulungi na likalaga lidukiru: Lirova lizuye tsimbabasi tsyobuyanzi tsya Yahova.

Zaburi 37:28

Kigira Yahova a yanza likalaga lilungi, Na si a lekanga avatakatifu veve; Va lindangwa mihiga nemihiga: Navutswa visukululwi vyavadamano vi la temagwa.

Zaburi 40:8

Inze nyanza kukola ubulaliri bubwo, O Nyasaye wange; Yee, amalago gogo ga veye mu mwoyo gwange.

Zaburi 45:6

Intebe yoyo yobwami, O Nyasaye, i hindiraga mihiga nemihiga: Impimbo yobulungi i veye impimbo yobwami bubwo.

Zaburi 45:7

Ive u yanzi ubulungi, nokudunyira ubudamano: Kigira yaga, Nyasaye, Nyasaye wowo, u ku vaki Maguta gobuyanzi kuvita avakye vovo.

Zaburi 89:20

Nyoye Daudi mutumekiri wange; Mmu vaki namaguta gange matakatifu:

Zaburi 89:26

A lanira ku inze, Ive u veye dada wange, Nyasaye wange, na ulwanda lwobuhonyi bwange.

Tsing'ano 8:13

Litia Yahova li veye kudunyira ubudamano: Luyai, na lyegingira, na inzira indamano, Na umunwa gwobukyamu, ndunyiranga yivi.

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Zekaria 8:17

kandi a ta va ho mundu hagati henyu u saavira ubudamano mu mwoyo gwigwe ku mutende wewe; mu ta yanza lyesuha lyobubehi kali hakuzu: kigira vindu yivi vyosi vi veye vya ndunyira, Yahova a vola.

Livalidza 7:43

kihaanwa kikiye kya li isahani yefetha, na ligerwa lyayo lya duka tsishekeli mia na makumi gavaka, na ibakuli indala yefetha yeligerwa lyetsishekeli makumi gatano na gaviri, kuli ishekeli ya hatakatifu; viju vyombi vizula busie bunyuki bwa tsukanywa na maguta kuva kihaanwa kyobusie;

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Yohana 1:41

Ya tanga kunyola amwavo wewe mwene, Simoni, na a mu volera, Ku nyoye Mesia (litivula li veye Kristo).

Yohana 10:17

Yiki ni kigira Dada a nyanza, kigira inze mbaana livamwoyo lyange nduke kuligumira kandi.

Yohana 20:17

Yesu ya mu volera, U ta ngumira, kigira nkikiri kwanegira kutsia wa Dada wange: navutswa u tsie ku vamwavo vange, u va volere, Inze nzanegira kutsia wa Dada wange, kandi Dada wenyu, kandi wa Nyasaye wange, kandi Nyhsaye wenyu.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Vikolwa 10:38

Yesu wa Nazareti kuli Nyasaye ya mu vaka Roho Mutakatifu netsingulu: wa vodonkana na a kola bulahi, na a honnya vosi ava Setani a legerera, kigira Nyasaye ya li halala naye.

Vikolwa 4:26

Avami velirova vetegeki, Navanene va vugana halala, Kuhing'ana no Mwami kandi na Kristo wewe.

Vikolwa 4:27

Kigira ligali Herodi na Pontio Pilatu, halala ne Tsihiri navandu va Israeli, va vugana halala mu lidala yili kuhing'ana na Yesu Mutumekiri wowo mutakatifu, wa wa vaka maguta.

Varumi 12:9

Ubuyanzi bu ta va nobugadi. Mu dunyire ubwoni; mu hambane nekyo bulahi.

Varumi 15:13

Kalunu Nyasaye welisuuviridzwa a mwizulitse ubuyanzi bwosi nemirembe mu lisuuvira, mu duke kukira lisuuviridzwa, mu tsingulu tsya Roho Mutakatifu.

1 Vakorintho 1:9

Nyasaye a veye musuuvirifu, wagyira ni mu Iangwa nokuvikwa mu lisanga lyo Mwana wewe Yesu Kristo Mwami wetu.

2 Vakorintho 11:31

Nyasaye Dada wo Mwami Yesu, uyu u veye nobugasu mihiga nemihiga, a manyi si mbola ububehi.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vafeso 1:3

Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo:

Vafilipi 2:9

Kigira yaga Nyasaye ya mu kuminya ligali, na a mu ha lieta li veye igulu wameta gosi;

Vahebraina 2:11

Kigira uyu u takasanga kandi yava ava takasangwa va twula mu mulala: kigira yaga si a la v a isoni kuvalanga avamitu,

Vahebraina 2:9

Navutswa ku lola Yesu, uyu w a kolwa mugeheru inyinga inkekeke ku tsingelosi, kigira ubusaliri bwelikudza, u vikeywi itaji yobukumi neyelidzominywa, ku tsimbabasi tsya Nyasaye a duke kutsatsama likudza kigira avandu vosi.

Vahebraina 7:26

Kigira musalisi kuli uyu a duka kwinye, mutakatifu, u ta li nobudamano, u ta veye nekigugunyu, wahulwa ku voni, wa vikwa weligulu;

1 Petro 1:3

A gasidzwe Nyasaye Dada wo Mwami wetu Yesu Kristo, u kwivuye hali kaviri, kuli tsimbabasi tsitsye tsinene, ku duke ku lisuuviridzwa li veye mwoyo, ku lisimugukidzwa lya Yesu Kristo kutwula mu vakudzu,

1 Yohana 1:3

lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

Likunula 2:15

Kandi ndiyo u veye navandi ava gumiranga megidzo aga Vanikolai ku lugano zana.