Vahebraina 1:2 - KITABU KITAKATIFU

² kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Vahebraina 1:2 ပူးပေါင်းရင်းမြစ်များ

Litanga 49:1

Kandi Yakobo ya langa avana veve, na a vola: Mu vugane halala nduke kumuvolera aga li mu gwira mu madiku gadzanga.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Isaya 45:12

Nda lomba lirova, nokulomba mundu kulyo: inze, yee, makono gange gaali ligulu; namahe galyo gosi ndagi.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Jeremia 30:24

Ubutima bululu bwa Yahova bu la vula kwirana, kuduka lwa a mala likola, kuduka lwa a twekidza lisaavira lyomwoyo gwigwe: mu madiku gekiheri mu la manya yaga.

Jeremia 48:47

Kandi ndirannya lyadikidzwa lya Moabu mu madiku gekiheri, Yahova a vola. Likalagirwa lya Moabu li duki hano.

Ezekieli 38:16

u lanegira uudze ku ava ndu vange Israeli kulwana navo, kuli lilesi kukunika kivala; ga la va mu madiku gekiheri nda leta ive uudze kulwana nekivala kyange, tsihiri tsi duke kumanya inze, lwa ntakaswa mu ive, O Goga, imbiri wetsimoni tsyavo.

Danyeli 10:14

Kalunu nduki ku kumannya aga li gwira avandu vovo mu madiku gekiheri; kigira madiku ge lilola ga kikiri amanyingi.

Danyeli 2:28

navutswa ha veye ho na Nyasaye migulu u vuulanga vi viseywi, uyu u mannyi mwami Nebukadinezaru, makuva aga li va ho mu madiku gekiheri. Liloto lilyo, na malola gomutwe gugwo ku kitali kikyo, ga veye yaga:

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Mika 4:1

Navutswa mu madiku gekiheri ga la va, kigulu kyenyumba ya Yahova ki la dinyeridzwa ku isonga yevigulu, na ki la nenehidzwa kuvita tugulu; navandu va la ng'unyana mukyo.

Livalidza 24:14

Na kalunu, henza, ntsitsa ku avandu vange: hamba, nku mannye aga avandu yava va la kolera avandu vovo ku madiku gekiheri.

Matayo 13:39

na musigu wa ga midza ni Setani: na ligesa ni kiheri kyenyinga; na vagesi ni tsingelosi.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 21:38

Navutswa avalimi lwa va lola mwana wewe va volerana, Uyu nu mhili womwandu, hambi, ku mwiite, ku hile vindu vivye.

Matayo 26:63

Navutswa Yesu ya kiring'ana. Musalisi munene ya mu volera, Nkwisuhidza Nyasaye weliva mwoyo u ku volere ive niye Kristo, Mwana wa Nyasaye.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Marko 1:1

Litanga lya ivangeli ya Yesu Kristo, Mwana wa Nyasaye.

Marko 12:6

Ya tigala naye mulala, naye nu mwana wewe, muyanzi wewe: lwanyima ya mu tuma kuvo na a vola va la tia mwana.

Marko 12:7

Navutswa valimi yavo va volerana, Uyu a veye mwene miyandu; gendi, ku mwiite, na miyandu gyosi gyi la va gyetu.

Yohana 1:10

Ya li mu lirova, kandi lirova lya lombeka kuye, kandi lirova si lya mu manya mba.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 1:3

Vindu vyosi vya lombeka ku uyu; kandi bugira uyu si vya lombeka kali kilala ku vyosi vya lombeka.

Yohana 13:3

Yesu ya li na a manya Dada wewe u mali kumuha vindu vyosi mu makono gege, kandi ya twula ku Nyasaye kandi a tsia ku Nyasaye,

Yohana 13:32

Nyasaye na a va na a kuminywe muye, kandi Nyasaye a la mu kuminya muye mwene, kandi a la mu kuminya bwangu ndi.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Yohana 16:15

Vindu vyosi vya Dada a veye navyo vi veye vyange: yiki ni kigira nda vola a vugula ku vyange yilwadze ku mwinye.

Yohana 17:2

kuli ive wa mu ha tsingulu ku inyama yemibiri gyosi, vosi va wa mu ha a va he livamwoyo li ta hera mba.

Yohana 3:16

Nyasaye ya yanza avomkivala ndi, ya va ha Mwana wewe muderwa, ku vosi u mu suuvira a ta diva mba, navutswa a ve nelivamwoyo li ta hera mba.

Yohana 3:25

Ni ga duka amahangali gavegidzwi va Yohana no Muyuda ku makuva gokweyogidza.

Yohana 5:26

Kigira kuli Dada a veye neliva mwoyo muye mwene, kandi ndiyo ya ha Mwana a ve neliva mwoyo muye mwene:

Yohana 5:27

kandi ya mu ha tsingulu kukola likalaga, kigira a veye Mwana wa Adamu.

Yohana 9:29

Ku manya Nyasaye ya volera Musa amakuva: navutswa mundu uyu si ku manya wa a twula.

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Vikolwa 2:17

Nyasaye a vola, ku madiku gekiheri, Nda tsuka Roho wange ku vandu vosi: Navayai navakana venyu va la profeta Navasoleii venyu va la lola malola Navasakulu venyu va la lota maloto:

Varumi 1:4

kandi wa lang aminywa kuva Mwana wa Nyasaye netsingulu, ku lugano lwa roho wobutakatifu, nelisimuguka kutwula mu vakudzu; Yesu Kristo Mwami wetu.

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

1 Vakorintho 2:7

Navutswa kwinye ku vola ubugeeri bwa Nyasaye mu gaviswa, ubugeeri bwa viswa, bwa Nyasaye ya singeridza imbiri wetsinyinga yitsi ku lidzominywa lyetu.

1 Vakorintho 8:6

navutswa ku kwinye a veye ho Nyasaye mulala, Dada, wevindu vyosi vi twula kuye, kandi kwinye ku veye aveve; kandi Mwami a veye mulala yeng'ine, Yesu Kristo, wevindu vyosi vi twula kuye, halala nekuinye.

Vagalatia 4:4

navutswa liduka lyenyinga lwa lya duka, Nyasaye ya tuma Mwana wewe, yivulwa mu wekikali, yivulwa na a bofwa mu lilaga,

Vafeso 1:10

kuduka lilohidza lyetsinyinga tsyobudukiru, kuvungidza vindu vyosi mu Kristo, vindu vyomigulu, kandi vya hasi; ryosi muye, mbola.

Vafeso 3:9

nokukola vosi va duke kulola lugano lwobulindi bwagaviswa kutwula tsinyinga tsinyingi bwa viswa mu Nyasaye wa lomba vindu vyosi;

Kwidzulitsa 18:15

Yahova Nyasaye wowo a la ku singeridzira mprofeti hagati hoho, ku vamwavo vovo, u veye kuli inze; mu hulire uyu;

Kwidzulitsa 31:29

Kigira mmanya inyima welikudza lyange mu leyononya ligali, nokugirunkana ku inzira ya nda mu laga; mmadiku gekiheri ubudamano bu la mu nyola, kigira mu la kola budamano mumoni mwa Yahova, kumuvukidza ubutima kigira miyinzi gyamakono genyu.

Kwidzulitsa 4:30

Inyinga u veye mu kivi, nevindu yivi vyosi vi duka ku ive, mmadiku gekiheri u lirana ku Yahova Nyasaye wowo, nokuhulira mwoyo gwigwe:

Vahebraina 1:5

Kigira ya volera ingelosi u li ha tsinyinga tsyosi, Ive u veye Mwana wange, Inze lero nkwivuye? Kandi, Inze nda va Dada wewe Naye a la va Mwana wange?

Vahebraina 1:8

Navutswa ku Mwana a vola, Intebe yoyo, O Nyasaye, i veye yemihiga nemihiga; Kandi impimbo yobulungi nempimbo yobwami bubwo.

Vahebraina 11:3

Ku lisuuvira ku manya vindu vyosi vya lombwa nelikuva lya Nyasaye, kuduka vindu vi loleka si vya lombwa nevindu vi loleka.

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Vahebraina 4:14

Kunangwa kigira ku veye nomusalisi munene wetsingulu wingira na a vita mu ligulu, Yesu Mwana wa Nyasaye, ku gumire ligali lyeyama lyetu.

Vahebraina 5:8

kali ya li Mwana, navutswa yeyegidza kuhulira ku vindu vyobusaliri bwa mu gwira,

Vahebraina 7:28

Kigira lilaga li viki avandu ava veye nobudedekere va ve avasalisi avanene: navutswa likuva lyelyesuha lya duka inyima welilaga, li tovola Mwana u veye mudukiru mihiga nemihiga.

Vahebraina 7:3

si a veye na ise, si a veye na mama, si a veye nameta gavaguga, si a veye nelitanga lyamadiku gege, si a veye nekiheri kyelivamwoyo lilye, nawtswa ya fwananywa no Mwana wa Nyasaye), ya hindira kuva musalisi mihiga nemihiga.

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

1 Petro 1:20

wa tanga kumanyekana ligali inyinga lirova lya li li kikiri kutemwa muse, navutswa ya lang'aminywa ku kiheri kyetsinyinga kigira mwinye,

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,

Yudasi 1:18

va volera mwinye amakuva yaga, mu tsinyinga tsyekiheri va la va ho avekihenyahenye ava gendanga kuli likayirwa lyobwebaali bwavo avene.