Vafilipi 4:7 - KITABU KITAKATIFU

⁷ Nemirembe gya Nyasaye, gyi vitanga limanya lyosi, gyi la linda myoyo gyenyu netsiganagani tsyenyu mu Kristo Yesu.

Vafilipi 4:7 ပူးပေါင်းရင်းမြစ်များ

Nehemia 8:10

Hene yaho ya va volera Mu tsie, mu lie kyenetu, munwe kinolu, na mu hile vidieli ku uyu wa vula kusundirwa kindu; kigira lidiku lya lero yili li veye lidiku litakatifu ku Yahova wetu: kandi mu ta vererera mba, kigira ubusangali bwa Ya hova bu veye tsingulu tsyenyu.

Ayubu 22:21

U mu mannye ligali kalunu, u ve nemirembe: Na ndiyo ubulahi bu la ku dukira.

Ayubu 34:29

Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

Zaburi 29:11

Yahova a la ha avandu veve tsingulu; Yahova a la gasidza avandu veve nemirembe.

Zaburi 85:8

Nda hulira aga Nyasaye Yahova a la vola Kigira a la volera avandu veve mirembe, kandi avatakatifu veve: Nawtswa va wle kwirana ku vyawtswa.

Tsing'ano 2:11

Tsiganagani tsinungi tii la ku linda; Limanya li la ku linda:

Tsing'ano 4:6

U ta bu leka, nabwo bu la ku linda bulahi; U bu yanze, nabwo bu la ku linda.

Tsing'ano 6:22

Lwa u genda ga la kwimirira; Na lwa u gona tsindolo ga la ku linda; Na lwa u vuka ga la volerana na ive.

Isaya 26:12

Yahova, ive u la laga mirembe ku kwinye; kigira ni ive wa ku kolera miyinzi gyetu gyosi.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 48:22

Yahova a vola, Si ha veye nemirembe ku vadamano.

Jeremia 32:16

Ma ga duka inyima wa inze nda ha Baruku mwana wa Neria ibaruwa yobuguli, nda saala Yahova, ni mbola,

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Livalidza 6:26

Yahova a ku gingire mumoni mwimwe, nokukuha mirembe.

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Varumi 1:7

Ibaruwa yange yiyi i dukire vosi ava veye mu lidala lya Romi, avayanze va Nyasaye, ava langwa va ve avatakatifu. Tsimbabasi tsi ve ku mwinye, nemirembe gyi twulanga ku Dada wetu kandi ku Mwami Yesu Kristo.

Varumi 14:17

kigira ubwami bwa Nyasaye si bu veye kulia nokunwa, navutswa bu veye ubulungi nemirembe nobuyanzi mu Roho Mutakatifu.

Varumi 15:13

Kalunu Nyasaye welisuuviridzwa a mwizulitse ubuyanzi bwosi nemirembe mu lisuuvira, mu duke kukira lisuuviridzwa, mu tsingulu tsya Roho Mutakatifu.

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

Varumi 8:6

Kigira liganagana lyomubiri li yeye likudza; navutswa liganagana lya Roho li veye livamwoyo, kandi ii veye mirembe.

2 Vakorintho 10:5

kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo;

2 Vakorintho 13:11

Inyima, avamitu, mu gase. Mu dukire; mu leme mwoyo; mu ve nomwoyo mulala; mu menye mu mirembe: kandi Nyasaye wobuyanzi nemirembe a la va nemwinye halala.

Vagalatia 5:22

Navutswa likuyu lya Roho li veye ubuyanzi, nobusangali, nemirembe, nobwikudziri, netsimbabasi, nobulungi, nobusuuvirifu,

Vafeso 3:19

nokumanya ubuyanzi bwa Kristo obu vita limanya, mu duke kwizulitswa kali kuduka ku lizula lyosi lya Nyasaye.

Vafilipi 1:1

Paulo na Timoteo avatugwa va Kristo Yesu, ibaruua yiyi i duke ku vatakatifu vosi mu Kristo Yesu ava veye ha Filipi, halala navahenzi navatumwa:

Vafilipi 1:2

Tsimbabasi nemirembe gyi twulanga ku Nyasaye Dada wetu noku Mwami Yesu Kristo, gyi ve ku mwinye.

Vafilipi 4:19

Nyasaye wange a lizulitsa ubu daka bwenyu bwosi ku lugano lwobutugi bwibwe mu bukumi mu Kristo Yesu.

Vafilipi 4:21

Mu chelidze avatakatifu vosi va veye mu Kristo Yesu. Avamitu vetu ava veye halala na inze va mu chelidza.

Vafilipi 4:9

Vindu vya mwega ku inze nokuvugula kandi vya mwa hulira nokulola ku inze, mu kole vindu yivi: na Nyasaye wemirembe a la va halala nemwinye.

Vakolosai 3:15

Kandi mu leke mirembe gya Kristo gyamehe mu myoyo gyenyu, mwinye mwa langirwa mu mubiri mulala mu duke kugyinyola, kandi mu ve nelisantidza.

2 Vatesalonike 3:16

Kalunu Mwami wemirembe a mu he mirembe kazozo ku vindu vyosi. Mwami a ve nemwinye vosi halala.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Yudasi 1:1

Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo:

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 2:17

Uyu u veye nogutu, a hulire likuva lya Roho a voleranga mavugano. Uyu u guutanga nda mu ha mana i viseywi, kandi nda mu ha ligina lilavu, li ng'odeywi ku lieta lihya, lya u vula ho mundu u manyi, na a ta li uyu u hebeywi.