Vafilipi 3:17 - KITABU KITAKATIFU

¹⁷ Avamitu, mu ve avegi ku inze halala, kandi mu henze ligali yava ava gendanga kuli ku lugano lwa mweganga ku kwinye.

Vafilipi 3:17 ပူးပေါင်းရင်းမြစ်များ

Zaburi 37:37

U henze ligali mundu mudukiru, u lole mulungi; Kigira kiheri kyomundu uyu ki veye mirembe.

Varumi 16:17

Kalunu mmu goonya ligali avamitu, mu henze yava ava leta lyavukana nelyekigitala, vi hing'ana namegidzo ga mweyegidza: kandi mu girunkane mu va leke.

1 Vakorintho 10:32

Mu ta leta likigitala ku Vayuda kinga ku Vagreki, kinga ku livugana lya Nyasaye:

1 Vakorintho 11:1

Duke hiuhonnywa. Mu ve avegi ku inze kuli inze mbeye mwegi ku Kristo.

1 Vakorintho 4:16

Kigira yaga ngoonya mwinye, mwege ku inze.

Vafilipi 4:9

Vindu vya mwega ku inze nokuvugula kandi vya mwa hulira nokulola ku inze, mu kole vindu yivi: na Nyasaye wemirembe a la va halala nemwinye.

1 Vatesalonike 1:6

Kandi mwinye mwa gwa avegi ku kwinye noku Mwami, mu mali kunyola likuva mu busaliri bunyingi, halala nelisangala lya Roho Mutakatifu;

2 Vatesalonike 3:14

Niva mundu kali mulala na a sula kuhulira likuva lyetu mu ibaruwa yiyi, mu vike kuye kiloleru, mu ta va nelihambana naye, a duke kuva isoni.

2 Vatesalonike 3:7

Kigira mwinye avene mu manya kuli ga mu dukira kwega ku kwinye: kigira si kwa kola kivihiri mu mwinye;

2 Vatesalonike 3:9

Si ga li kigira kwa daka tsingulu, navutswa kwinye kwekolanga ku ve kiloleru kyenyu, mu duke kukola kuli kwinye ku kola.

1 Timoteo 4:12

U ta leka mundu kali mulala a lege ubuyai bubwo; navutswa u ve kyokuhenzera ku kyavasuuviri, mu livola nomu ligenda, nomu liyanza, nomu lisuuvira, nomu lyetakasa.

Vahebraina 13:7

Mwidzulitse yavo ava mwimiranga, ava mu volera likuva lya Nyasaye; nokuluta lihera lyeligenda lyavo, mwege ku lisuuvira lyavo.

1 Petro 5:3

kandi ga ta va kuli mwekola avanene ku va vikwa ku mwinye, navutswa mwekole kuva avokuhenzera ku vekyayo.