Vafilipi 2:12 - KITABU KITAKATIFU

¹² Kunangwa, avayanze vange mu dukidze ubuhonnyi bwenyu avene nobutii nelidegera, kuli mwa hulira madiku gosi, si ya li inyinga ya nda li ho, navutswa kalunu kuvita ligali inyinga ya nta li ho.

Vafilipi 2:12 ပူးပေါင်းရင်းမြစ်များ

Ezara 10:3

Kunangwa kalunu ku lombe lilagana na Nyasaye wetu ku leke avakali yavo vosi, halala nevivulwa kuvo, kuli livola lilyo umunene wange, na lya yavo ava degeranga kigira amalago ga Nyasaye wetu; na inkuva yiyi i kolwe kuli lilaga.

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 2:11

Mu tumekire Yahova nobutii Mu sangale nelidegera.

Tsing'ano 10:16

Miyinzi gyavalungi gyi vekanoa ku livamwoyo; Limedeka lyavadamano li yekanga ku ubwoni.

Tsing'ano 13:4

Mwoyo gwomugata gu kayirangwa, na si gu veye nekindu; Navutswa mwoyo gwomugulu gu la komeridzwa.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Matayo 11:12

Kutwula ku madiku ga Yohana Mbatidzi kuduka lero ubwami bwomigulu bwingirangwa netsingulu, kandi avetsingulu va bu vugula netsingulu.

Matayo 11:29

Mu ginge inira yange, mwegire ku inze; kigira inze mbeye mhooma nomuhokya: mu la nyola lisosa mu myoyo gyenyu.

Vikolwa 16:29

Na ye yenya tsitaya ni yingira, na a degera nobutii bunene, na a gwa hasi imbiri wa Paulo na Sila,

Vikolwa 9:6

Navutswa vuka, wingire mu lidala, na ive u la volerwa amakuva ga ku dukira u kole.

Varumi 2:7

yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga:

1 Vakorintho 15:58

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

1 Vakorintho 2:3

Nda li nemwinye nobudedekere nobutii, nelidegera linene.

1 Vakorintho 4:14

Si ng'odi vindu yivi kumulegannya, navutswa kumweganehidza kuli avana avayanze vange.

2 Vakorintho 7:15

Kandi ubuyanzi bwibwe bwa kira ligali ku mwinye, lwa yidzulitsanga lihulira lyenyu mwosi, kuli mwa mu bugirira nobutii nelidegera.

Vafeso 6:5

Mwinye avatugwa mu hulire yava ava veye avami venyu ku lugano lwomubiri, nobutii nelidegera, nomwoyo gwenyu mulala kuli vi veye ku Kristo;

Vafilipi 1:27

Geng'ine limenya lyenyu li ve kuli wa li dukiranga ivangeli ya Kristo: ni mba ni nzidza kumulola naho ni mba ni nta va ho, mbulire amakuva genyu, mu singiranga nobuluviriri mu roho mulala, nomwoyo mulala mu lwana kigira lisuuvira lyevangeli;

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

Vafilipi 1:5

kigira lisanga lyenyu mu lilandidza ivangeli kutwula ku lidiku lyokutanga kuduka lero;

Vafilipi 1:6

nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo:

Vafilipi 2:19

Nawtswa nsuuvira Mwami Yesu kutuma Timoteo yadze ku mwinye bwangu, inze nduke kulema mwoyo lwa mmanya liva lyenyu.

Vafilipi 4:1

Kigira yaga, avamitu avayanze vange avenyangwa, ubusangali bwange, itaji yange, mwedinyiridze nu Mwami, avayanze vange.

Vafilipi 4:15

Kandi mwinye avene, Vafilipi, mu manyi mu litanga lyevangeli, lwa nda twula Makedonia, si ha li nelivugana lindi lya sanga halala ninze mu lihaana nomu livugula, ni mu ta li mwinye mweng'ine;

1 Vatesalonike 1:3

kwidzulitsanga kazozo miyinzi gyenyu gyelisuuvira, nelinyankana lyenyu lyobuyanzi, nobwikudziri bwenyu bwelisuuvira li veye mu Mwami wetu Yesu Kristo, imbiri wa Nyasaye wetu Dada.

2 Timoteo 2:10

Kigira yaga nzikudziranga ku vyosi kigira avatovole, navo kandi va duke kunyola ubuhonnyi bu veye mu Kristo Yesu halala nobukumi bu ta hera mba.

Vahebraina 12:1

Kunangwa kigira yaga, kwinye kandi kigira ku lola ku kumbiridzeywi nelilesi linene lyavalolekidzi, ku vike ha luvega imisigo gyosi miliduhu, nobwoni bu ku kumbiridza ligali, ku nyagule nobwikudziri ku ligerana li vikeywi imbiri wetu,

Vahebraina 4:1

Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

Vahebraina 4:11

Kunangwa kwidinnye kwingira mu bwelemeridzi zana, mundu ku vosi a ta gwa ku lugano lwelifwana zana.

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

1 Petro 2:11

Avayanze, ng'oonya mwinye avamenyi kandi avageni, mwiyahule ku likayirwa lyomubiri, li hing'ana nomwoyo;

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.