Vafeso 6:5 - KITABU KITAKATIFU

⁵ Mwinye avatugwa mu hulire yava ava veye avami venyu ku lugano lwomubiri, nobutii nelidegera, nomwoyo gwenyu mulala kuli vi veye ku Kristo;

Vafeso 6:5 ပူးပေါင်းရင်းမြစ်များ

Litanga 16:9

Na ingelosi wa Yahova ya mu volera, Yirana ku munene wowo, wegehidze mmakono gege.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

Zaburi 123:2

Henza, kuli tsimoni tsyavatugwa tsi yekanya ku mukono gwava nene wavo Na kuli tsimoni tsyomukana mutugwa tsi yekanga ku mukono gwa munene wewe wekikali; Ni ndiyo tsimoni tsyetu tsi yekanga ku Yahova Nyasaye wetu, A luhe a ku vere tsimbabasi

Zaburi 86:11

U nzegidze inzira yoyo, O Yahova; nda genda mu ageligali gogo: U kole mwoyo gwange kuva mulala kutia lieta lilyo.

Malaki 1:6

Mwana muyai yidzominyanga dada wewe, na mutumekiri yidzominyanga wa mu tuga: kunangwa ni mba ni mbeye dada, lidzominywa lyange li veye haliha? Ni mba ni mbeye munene, litibwa lyange li veye haliha? Yahova wa mahe a tevanga mwinye, O avasalisi, ava leganga lieta lyange. Na mu vola, Kwinye ku legeye lieta lilyo ku kindu ki?

Matayo 6:22

Itaya yomubiri ni imoni: imoni yoyo ni i veye ing'ima, mubiri gugwo gwosi gu lizula bulavu.

Matayo 6:24

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Matayo 8:9

Kigira inze mbeye mundu mkekeke ku sirikali, kandi mbeve navasikari vake keke ku inze: ni mbolera uyu, Tsia ma a tsia; na uyu, Hamba, ma yadza, na mutugwa wange, Kola yaga, ma a kola.

Vikolwa 2:46

Kandi madiku gosi va hongera mu litempeli, nomwoyo mulala nokumegannya ubukima hango, ni va vugula vyokulia vyavo nobuyanzi kandi nemyoyo gyi ta li nobugadi,

Varumi 9:3

Kigira nyala kuyanza inze mwene mbe wa laamwa kutwulidzwa ku Kristo kigira avamwavo vange, avika ku lugano lwomubiri;

1 Vakorintho 2:3

Nda li nemwinye nobudedekere nobutii, nelidegera linene.

1 Vakorintho 7:22

Kigira uyu mutugwa wa langwa mu Mwami a veye muboholole wo Mwami: kandi ndiyo uyu wa langwa a veye muboholole, a veye mutugwa wa Kristo.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

2 Vakorintho 7:15

Kandi ubuyanzi bwibwe bwa kira ligali ku mwinye, lwa yidzulitsanga lihulira lyenyu mwosi, kuli mwa mu bugirira nobutii nelidegera.

Vafeso 5:22

Mwinye avakali mwegehidze ku vasatsa venyu, kuli wa ga veye ku Mwami.

Vafeso 6:24

Tsimba basi tsi ve navo vosi ava yanzanga Mwami wetu Yesu Kristo, neliyanza li ta li nobwoneku.

Vafilipi 2:12

Kunangwa, avayanze vange mu dukidze ubuhonnyi bwenyu avene nobutii nelidegera, kuli mwa hulira madiku gosi, si ya li inyinga ya nda li ho, navutswa kalunu kuvita ligali inyinga ya nta li ho.

Filemona 1:16

inyinga ya kalunu si ya li mutugwa, navutswa u viti mutugwa, amitu muyanze, ligali ku inze kuvita, navutswa ku ive ga kiri ligali mu mubiri nomu Mwami.

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

1 Petro 3:2

va lolanga ligenda lyenyu lilahi halala nobutii.