Vafeso 6:4 - KITABU KITAKATIFU

⁴ Kandi mwinye avadada mu ta tindira avana venyu va ve nobutima: navutswa mu va linde bulahi mu lyegidza nomu ligerihidza lyo Mwami.

Vafeso 6:4 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

1 Kyetsinyinga 28:20

Na Daudi ya volera Solomoni mwana wewe, U ve mugulu nokwele minya, nokugakola; u ta tia mba kinga kukudza mwoyo; kigira Yahova Nyasaye, uyu Nyasaye wange, a veye halala nive, si a la geha ku ive mba, kandi si a la ku leka mba, kuduka miyinzi yigyi gyosi gyobu tumiki bwenyumba ya Yahova gyi tweki.

1 Kyetsinyinga 29:19

na u he Solomoni mwana wange mwoyo mudukiru, a duke kugumira lilagana lilyo, nelilolekidza lilyo, namalago gogo, nokukola vindu yivi vyosi, nokwombaka inyumba yobwami yiyi, ya nda vikira akiba yiyi.

Tsing'ano 19:18

U he mwana wowo amageli, kigira lisuuviridza li veye ho; Na u ta vika mwoyo gugwo ku lyoneka lilye.

Tsing'ano 22:15

Ubusiru bu boheywi mu mwoyo gwomwana; Navutsua impimbo yokumwegidza i la bu twulidza kuye.

Tsing'ano 22:6

Wegidze umwana ku inzira i mu dukira kugenda ku, Naye lwa a li va musakulu a la vula kugileka.

Tsing'ano 29:15

Impimbo na lyegidza vi vikanga ubugeeri; Navutswa mwana wa lekwa kulonda tsinzira tsitsye, a la legannya mama wewe.

Tsing'ano 29:17

U he mwana wowo amageli, naye a la ku sosidza; Yee, a la sangalidza mwoyo gugwo.

Isaya 38:19

Welivamwoyo, welivamwoyo a la kwidzominya, kuli nkolanga lero: Avadada va legidza avana geligali gogo.

Vafeso 6:3

bu duke kuva bulahi ku ive, kandi u duke kuhindira mu lirova.

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Kwidzulitsa 6:7

na u legidza avana vovo kugo nobugulu, mu la volerana kugo lwa wikala mu inyumba yoyo, na lwa u gendanga ku inzira, na lwa u gonanga, na lwa u vukanga.

Vakolosai 3:21

Mwinye vadada, mu ta vihiriridza avana venyu, va vule kwoneka mu myoyo.

2 Timoteo 1:5

lwa nduka kwidzulidzwa lisuuvira lilyo lya u veye nalyo li ta li lyobugadi; lya li ho ku matsyambiri mu guuku wowo Lois nomu mama wowo Eunike; kandi nduki kulola ligali ive u veye nalyo.

2 Timoteo 3:15

kandi kutwula bwana bwoke wa manya mang'oda matakatifu, aga nyala kukugerihidza kuduka ku buhonnyi bwelisuuvira li veye mu Kristo Yesu.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.

Vakalagi 13:12

Na Manoa ya vola, Kalunu makuva gogo ga duke: miima gyomwana uyu gyi la va ki, ku la mu kola ndi?