Vafeso 5:8 - KITABU KITAKATIFU

⁸ kigira kale mwa li kisundi, navutswa kalunu mu veye ubulavu mu Mwami; mu gende kuli avana vobulavu

Vafeso 5:8 ပူးပေါင်းရင်းမြစ်များ

Zaburi 74:20

U henzeridze lilagana; Kigira liva lyekisundi kyelirova lizuye bumenyo bwekirage.

Isaya 2:5

O inyumba ya Yakobo, hambi, ku gende mu bulavu bwa Yahova.

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 49:9

kuvolera avahambe, Hambi kyova; kuvolera ava veye mkisundi, Mwelangaminve. Va laya ku tsinzira, nobwayiru bwavo bu la va hadiguluku hosi ha veye.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Isaya 9:2

Avandu va genda mu kisundi va loli ubulavu bunene: yavo va menya mkivala kvekiriri kyelikudza, ubulavu bu ng'e ring'ani kuvo.

Jeremia 13:16

Mu kuminye Yahova Nyasaye wenyu, na a kikiri kuleta kisundi, virenge venyu ni vi kikiri kwikigitala mu vigulu vyekisundi; kandi, inyinga mwenyanga ubulavu, a bu girunkanyanga kuva kiriri kyelikudza, nokubukola kuva kisundi kinene.

Matayo 3:8

Mwame makuyu ga dukana nelyeganira:

Matayo 4:16

Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Luka 16:8

Mwami wewe yidzominya mulindi muganga, kigira ya kola nobugeeri: kigira avana avomulirova ku likula lyavo va veye nobugeeri kuvita avana avobulavu.

Yohana 1:9

Bwa li ho ubulavu bweligali, bwingira mu lirova ni bu ha avandu vosi ubulavu.

Yohana 12:35

Kunangwa Yesu ya va volera, Ha tigaye hakekeke ubulavu bu veye ku mwinye. Gendi lwa mu veye nobulavu, kisundi ki ta mu nyola: kandi uyu u genda mu kisundi si a manya wa a tsitsa.

Yohana 12:36

Lwa mu kikiri nobulavu, mu suuvire ubulavu, mu duke kuva avana vobulavu. Vindu yivi Yesu ya vola, kandi ya tsia ni yivisa.

Yohana 12:46

Inze ntsitsi kuva ubulavu bwavomkivala, ku vosi u suuvira inze a ta menya mu kisundi.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Vikolwa 17:30

Tsinyinga tsyobusiru Nyasaye si ya tsi henza; navutswa kalunu u mali kulaga avandu vosi, hosi ha va veye, veganire:

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Varumi 1:21

Kigira kali va manya Nyasaye, si va mwidzominya kuli a veye Nyasaye, kandi va msantidza; navutswa va girunkanywa kuva vutswa mu tsiganagani tsyavo, nemyoyo gyavo gyobusiru gya gwa kisundi.

Varumi 13:12

Ubudiku bu vitanga ligali, kandi mbasu gu veye himbi: kunangwa ku twulidza miyinzi gyekisundi, na kwivike vyuma vyobulavu.

Varumi 2:19

nokumanya ligali ive mwene u veye mwimiriri wavaboku, nobulavu bwa va veye mu kisundi,

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

2 Vakorintho 6:14

Mu ta bofwa inira indala nava ta suuvira: kigira ha veye nelisanga ki hagati hobulungi nelihyola? Kinga ha veye nelisanga ki hagati hobulavu nekisundi?

Vagalatia 5:25

Ni ku va ni ku veye mwoyo ku Roho, kandi ku gende netsingulu tsya Roho.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vafeso 4:18

limanya lyavo li koleywi kisundi, va sundeywi hale nelivamwoyo lya Nyasaye, kigira livula kumanya li veye muvo, kigira myoyo gyavo gyi koleywi midinyu;

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Vafeso 6:12

Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu.

Vakolosai 1:12

nokusantidza Dada, wa ku kola ava dukana kunyola kidieli kyemiyandu gyavatakatifu mu bu lavu.

Vakolosai 1:13

Wa ku honnya nokukutwulidza mu tsingulu tsyekisundi nokukwidikiridza mu bwami bwo Mwana wobuyanzi bwibwe;

Tito 3:3

Kigira kwinye kandi ku matsyambiri kwa li bugira limanya, kwa vula kuhulira, kwa gadwa, kwa tumekira likayirwa lidamano nelyeyanzidza lidamano tsing'ano netsing'ano, kwa menya mu imbodoka nomu likendeka, avavihiriridzi, avavihiriranwi avene navene.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.