Vafeso 5:6 - KITABU KITAKATIFU

⁶ Mu ta leka mundu kali mulala a mu gade namakuva ga vutswa: kigira kyamakuva yaga ubutima bwa Nyasaye bu dukanga ku vana vobutingu.

Vafeso 5:6 ပူးပေါင်းရင်းမြစ်များ

2 Avami 18:20

U vola, (navutswa ga veye makuva gokwevolera vutswa), Ga veye ho makuva netsingulu ku bulwani. Kunangwa u suuviranga bwaha, u duke kukola bwebaali ku inze?

Zaburi 78:31

Lwa ubutima bwa Nyasaye bwaaka kuvo, Na bwiita kuvo avakomera Na bwa tsoma hasi avasoieli va Israeli.

Jeremia 27:9

Navutswa ku makuva genyu, mu ta hulira avaprofeti venyu mba, kinga avasegetiri venyu, kinga amaloto genyu, kinga ava ng'oleranga ku malesi, kinga avakumu venyu, ava voleranga mwinye, kuvola, Mwinye si mu la tumekira mwami wa Babuloni mba:

Jeremia 29:31

U hile amakuva ku vosi avadikidzwa, kuvola, Yahova a vola ku makuva ga Shemaia Munehelami; kigira Shemaia ya profeta ku mwinye, na inze si nda mu laga mba, na ya mu suuviridza kuduka ni mu suuvira ku bubehi;

Jeremia 37:9

Yahova a vola, Mu tegadidza, kuvola, Avakalidei va la ku leka ligali, kigira si va la mu leka mba.

Mika 3:5

Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Matayo 24:4

Yesu ya tivula na a va volera, Mu gelihe avandu kali mulala va ta mu gotidza.

Marko 13:22

kigira vakristo vabehi va la twula, navaprofeti vabehi, va la leta vyokulolekidza nevyokugennya, va duke va gotidze avatovole, ni ga nyalika.

Marko 13:5

Yesu ya tanga kuvavolera, Mu gelihe, mundu a ta mu gotidza mba.

Varumi 1:18

Kigira ubutima bwa Nyasaye bu lang'aminyangwa kutwula migulu ku livula kutia Nyasaye lyosi noku budamano bwosi bwavandu avigaliranga ageligali mu budamano.

Vakolosai 2:18

Mu ta leka mundu kali mulala kumunyaga amadanyi genyu ku lyegehidza lyelyenya lilye mwene, nokusigamira tsingelosi, wiviki mu vindu vya malola, u vimbidzeywi mutwe vutswa mu tsiganagani tsitsye ku lugano lwomubiri,

Vakolosai 2:4

Mbola yaga ku vosi, mundu kali mulala a ta duka kumugada namakuva madoto.

Vakolosai 2:8

Mu henze bulahi gase mundu ku vosi a la mu lanyera ku ubugeeri bwomkivala nobugadi bwa vutswa, ku tsing'ano tsyavandu noku megidzo golugano lwelirova, ga ta li ku lugano lwa Kristo.

Vakolosai 3:6

Kigira vindu yivi ubutima bwa Nyasaye buudzanga ku vana vobutingu:

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

Vahebraina 13:9

Mu ta gotidzwa namegidzo tsing'ano tsindi megidzo mageni: kigira nu bulahi mwoyo gu dinyeridzwe netsimbabasi; si ku li ku vyokulia, vya yavo va genda navyo vya vula kuvaletera ubukonyi.

Vahebraina 3:19

Kandi ku lola si va nyala kwingira kigira livula kusuuvira.

1 Petro 2:8

Kandi, Ligina lyokwikigitalidza, nolwanda lwokwikigitalidza; Kigira vikigitala ku likuva kigira va vula kubugirira: ava vikwa va duke ku likuva yilyo.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.