Vafeso 5:4 - KITABU KITAKATIFU

⁴ kandi kifwabwi, kinga kuvola vya vutswa, kinga kukupa tsimbaka tsindamano, vi ta li vilahi: navutswa nubulahi kusantidza.

Vafeso 5:4 ပူးပေါင်းရင်းမြစ်များ

Zaburi 33:1

Mu sangale mu Yahova, O mwinye avalungi: Lidzominya li dukiranga avemyoyo milungi.

Zaburi 92:1

Bu veye bulahi kusantidza Yahova, Nokwimba tsinyimbu tsyohlvidzominya lieta lilyo, O Weigulu Ligali;

Tsing'ano 12:23

Mundu wobugeeri a visanga limanya; Navutswa mwoyo gwavasiru gu lang'aminya ubusiru.

Tsing'ano 15:2

Ululimi lwomugeeri lu volanga limanya lilungi; Navutswa munwa gwomusiru gu sundulanga ubusiru.

Tsing'ano 26:19

Ni ndiyo uyu a gadanga mutende wewe, Na a vola, Nkupanga tsimbaka vutswa, si ga veye ndiyo?

Kohelethu 10:13

Litanga lyamakuva gomunwa gwigwe nobusiru; na kiheri kyelivola lilye nobulalu bwokwononya.

Danyeli 6:10

Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.

Marko 7:22

nokukayirwa vyavene, nekirage, nobugadi, nobuhuuvali, nemoni indamano, nokunyega, nokwigingira, nokusiruhala.

Yohana 6:23

(navutswa amato gandi ga twula Tiberia, gadza himbi na ha va lagirira ubukima inyima ya Mwami ya santidza):

Varumi 1:28

Kandi kuli va sula kuva na Nyasaye mu limanya lyavo, Nyasaye ya va leka nomwoyo gwokuvihiriridza, va kole vindu vi ta dukana.

2 Vakorintho 1:11

mwinye kandi mwa konyana halala mu lisaala lyenyu kigira kwinye; kigira vihaanwa vya kwa hebwa kigira vanyingi, avanyingi va ve nelisantidza kigira kwinye.

2 Vakorintho 9:15

Nyasaye a santidzwe kigira kihaanwa kikye ki vula kuvolwa kyosi.

Vafeso 1:16

si ndeki kusantidza kigira mwinye, kandi nokumutala mu lisaala lyange.

Vafeso 4:29

Likuva lidamano kali lilala li ta twula minwa gyenyu, navutswa yili li veye lilahi ku lyombaka, kuli lyenya li veye, kandi li duke kuha yava ava hulira liverererwa.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

Vakolosai 3:8

Navutswa kalunu mwinye kandi mu te vyosi ihale: ubutima, nelivihirirwa, nembodoka, namanyego, namakuva madamano mu minwa gyenyu:

1 Vatesalonike 3:9

Kigira lisantidza ki lya ku nyala kandi kuha Nyasaye kigira mwinye, ku lisangala lyosi lya ku sangalira mwinye imbiri wa Nyasaye wetu;

1 Vatesalonike 5:18

mu santidze ku vindu vyosi: kigira yibu bu veye ubulaliri bwa Nyasaye mu Kristo Yesu ku luvega lwenyu.

Filemona 1:8

Kunangwa kali ni mbeye nobu luviriri bwosi mu Kristo kulaga ive kindu ki dukana nive,

Vahebraina 13:15

Kunangwa ku hilire Nyasaye ku uyu, kisyuviriru kyelidzominya kazozo, livola li veye makuyu geminwa gyeyamanga lieta lilye.

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;

2 Petro 2:7

kandi ya honnya Loti wobulungi, wa vereridzwa ligali ku limenya lyekifwabwi lyavebaali

Yudasi 1:10

Navutswa yava va nyeganga vindu ku vyosi vya va ta manya: kandi yivyo vya va manyanga mu liva lyavo, kuli tsinyama tsi ta li nobugeeri, mu vindu yivi vononnyirangwa mu.

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.