Vafeso 5:23 - KITABU KITAKATIFU

²³ Kigira musatsa a veye mutwe gwomukali kuli Kristo a veye mutwe gwelivugana, kandi mwene a veye muhonnyi womubiri.

Vafeso 5:23 ပူးပေါင်းရင်းမြစ်များ

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

1 Vakorintho 6:13

Vyokulia vi veye vyenda, na inda i veye yevyokulia: navutswa Nyasaye a lononnya vyombi. Navutswa mubiri si gu veye gwokutsia mbakana, navutswa gu beye gwo Mwami; kandi Mwami veye womubiri:

Vafeso 4:15

Navutswa mu livola ageligali mu buyanzi, mu du ke kuviruka mu uyu mu vindu vyosi, u veye mutwe, naye ni Kristo;

Vafeso 5:24

Navutswa kuli livugana lyegehidzira Kristo kandi ndiyo avakali vegehidze ku vasatsa vavo ku vyosi.

Vakolosai 1:18

Naye a veye mutwe gwomubiri, nomubiri zana ni livugana: u veye litanga kandi watangakwivulwa kutwula mu vakudzu; a duke kuva mwimiriri mu vindu vyosi.

1 Vatesalonike 1:10

no kulindirira Mwana wewe kutwula migulu wa ya simugukidza kutwula mu vakudzu naye ni Yesu, u honnya kwinye mu butima buudzanga.

Likunula 19:7

Ku yanze nokusangala ligali, kandi ku mu kuminye: kigira kiserero kyo Mwana Weligondi ki duki, kandi mukali wewe wetegeki.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,