Vafeso 5:20 - KITABU KITAKATIFU

²⁰ madiku gosi mu santidze Nyasaye, naye ni Dada kigira vyosi mu lieta lyo Mwami wetu Yesu Kristo;

Vafeso 5:20 ပူးပေါင်းရင်းမြစ်များ

Ayubu 1:21

na ya vola, Inze nda twula munda mwa mama wange ni mbeye mwere, na kandi ndirana yo ndiyo mwere; Yahova ya haana, kandi Yahova u vuguye; Iieta lya Yahova li gasidzwe.

Zaburi 34:1

Nda gasidza Yahova tsinyinga tsyosi: Lidzominywa lilye li la va mmu nwa gwange kazozo.

Isaya 63:7

Nda vola tsimbabasi tsyobuyanzi bwa Yahova, na lidzominywa lya Yahova, kuli gosi ga Yahova ya ku kolera, nobunyingi bwobulahi bwibwe ku inyumba ya Israeli, bwa ya vika kuvo kuli tsimbabasi tsitsye, na kuli bunyingi bwetsimbabasi tsyobuyanzi bwibwe.

Yohana 15:16

Si mwa tovola inze, navutswa inze nda tovola mwinye, ni mmu vika mu tsie kwama makuyu, kandi makuyu genyu ga duke kumenya: kandi vyosi vya mu saala Dada ku lieta lyange a mu he.

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Varumi 1:8

Ntanga kusantidzira Nyasaye wange ku Yesu Kristo kigira mwinye mwosi, kigira lisuuvira lyenyu li lwadzangwa mu lirova lyosi.

1 Vakorintho 1:4

Nsantidzanga Nyasaye wange madiku gosi kigira mwinye, kigira tsimbabasi tsya Nyasaye tsya mwa hebwa mu Kristo Yesu;

1 Vakorintho 15:24

Hene yaho kiheri ki la duka, ma Kristo a la ha Nyasaye Dada ubwami, lwa a li mala kuheridza ubwamefu bwosi, nobugali bwo si, netsingulu tsyosi.

Vafeso 5:4

kandi kifwabwi, kinga kuvola vya vutswa, kinga kukupa tsimbaka tsindamano, vi ta li vilahi: navutswa nubulahi kusantidza.

Vafilipi 1:3

Nsantidza Nyasaye wange tsinyinga tsyosi lwa nzidzulitsa mwinye

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

Vakolosai 3:17

Kandi ku vyosi vya mu kolanga mu makuva nomu likola, mu kolere vyosi mu lieta lyo Mwami Yesu, mu santidzere Nyasaye Dada ku uyu.

1 Vatesalonike 3:9

Kigira lisantidza ki lya ku nyala kandi kuha Nyasaye kigira mwinye, ku lisangala lyosi lya ku sangalira mwinye imbiri wa Nyasaye wetu;

1 Vatesalonike 5:18

mu santidze ku vindu vyosi: kigira yibu bu veye ubulaliri bwa Nyasaye mu Kristo Yesu ku luvega lwenyu.

2 Vatesalonike 1:3

Ga ku dukira kusantidza Nyasaye madiku gosi kigira mwinye, avamitu, kuli wa ga dukanga, kigira lisuuvira lyenyu li medekanga ligali, kandi ubuyanzi bwomundu sa mulala ku mwinye mwosi bwa a veye nabwo ku wakye, bu kiranga;

2 Vatesalonike 2:13

Navutswa ga dukira kwinye kusantidza Nyasaye kazozo kigira mwinye, avamitu avo Mwami a yanza, kigira Nyasaye ya tovola mwinye kutwula invinga yelitanga, mu nyole ubuhonnyi mu litakaswa lya Roho nomu lisuuvira ageligali:

Vahebraina 13:15

Kunangwa ku hilire Nyasaye ku uyu, kisyuviriru kyelidzominya kazozo, livola li veye makuyu geminwa gyeyamanga lieta lilye.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Petro 4:11

Mundu na a va na a vola, a role kuli livola lya Nyasaye; mundu na a va na a tumeka a fumeke kuli mu tsingulu tsya Nyasaye a mu leteye: kuduka mu vindu vyosi Nyasaye yidzominyirwe ku Yesu Kristo, wobukumi bu veye bwibwe halala netsingulu mihiga nemihiga. Amini.