Vafeso 5:2 - KITABU KITAKATIFU

² kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Vafeso 5:2 ပူးပေါင်းရင်းမြစ်များ

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Kutwula 29:18

Na u la samba ligondi likole lyosi ku bwali: li veye kihaanwa kyokusambirwa Yahova: ki veye kyafunya mwayu, kihaanwa ki sambeywi nomuliru ki ve kya Yahova.

Kutwula 29:25

Na u la vi twulidza ku makono gavo, nokuvisamba isadaka iveye ku bwali bwokusamba vihaanwa, vi ve vifunya vilahi imbiri wa Yahova: ki veye kihaanwa kyokulombwa no muliru ku Yahova.

Kyavalevi 1:13

navutswa amala na virenge a la vyogidza namadzi. Na musalisi a la haana vyosi, nokuvisamba ku bwali: ki veye kihaanwa kyokusambwa, kihaanwa kyokuhaanwa nomuliru, kyokufunyira Yahova mwayu.

Kyavalevi 1:17

na a la li tandula netsimbaha tsyalyo, navutswa si a la lyavukanya vidonye viviri mba. Na musalisi a la li samba ku bwali, ku tsinku tsi veye ku muliru: ki veye kihaanwa kyokusambwa: kihaanwa kyokuhaanwa nomuliru, kyokufunyira Yahova mwayu.

Kyavalevi 1:9

navutswa amala gayo na virenge vyayo a la vyogidza: na musalisi a la samba vyosi ku bwali, kuva kihaanwa kyokusambwa, ki haanwa nomuliru, kyokufunyira Yahova mwayu.

Kyavalevi 3:16

Na musalisi a la vi samba ku bwali: ki veye kyokulia kyekihaanwa ki lombwa nomuliru, ki ve mwayu; itinya yosi i veye ya Yahova.

Amosi 5:21

Inze ndunyiranga, nokulega madiku gelilia lyenyu, si nda sangalira mavugano genyu gobutakatifu.

Livalidza 7:21

nekimoli kilala kigiriki, neligondi lilala likole, nomwana weligondi mulala mukole womuhiga mulala, kuva kihaanwa kyokusambwa;

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Yohana 13:34

Lilaga lihya mmu laga, nayo ni yili, Mu yanzane; kuli wa inze mmu yanza, kandi mwinye mu yanzane ndiyo.

Yohana 6:51

Inze nibwo ubukima bwelivamwoyo bwa twula migulu: mundu na a lagira ku bukima yibu, a la va mwoyo mihiga nemihiga: yee kandi ubukima bwa ndi haanira livamwoyo lyavomukivala ni nyama yomubiri gwange.

Varumi 15:16

nduke kuva mutumwa wa Kristo Yesu ntsie ku Tsihiri, mba kolere ivangeli ya Nyasaye, kihaanwa kye Tsihiri ki duke kubu girirwa, Roho Mutakatifu na a mali kukitakasa.

Varumi 4:25

wa haanwa kigira lihyola lyetu, kandi ya simugukidzwa kigira lilungekidzwa lyetu.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

Varumi 8:37

Navutswa ku vindu yivi vyosi ku kira kuva avaguuti, kigira uyu wa ku yanza.

1 Vakorintho 16:14

Gosi ga mu kolanga ga kolwe nobuyanzi.

1 Vakorintho 5:7

Mu twulidze mamera ga kale, mu duke kuva lihumbe lihya, kuli ava vula kuvikwa mamera. Kigira lipasaka lyetu li mali kwiitwa, nalyo ni Kristo:

2 Vakorintho 2:14

Navutswa lisantidza li ve ku Nyasaye, u kwimiriranga mu liguuta kazozo mu Kristo, kandi a lang'aminya mwayu gwelimanya lilye hosi ku kwinye.

2 Vakorintho 2:15

Kigira ku veye muhomo mulahi gwa Kristo ku Nyasaye, mu yava ava honyanngwa nomu va divanga;

2 Vakorintho 8:9

Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe.

Vagalatia 1:4

wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

Vagalatia 2:20

Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze.

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vafeso 3:17

Kristo a duke kumenya mu myoyo gyenyu kigira lisuuvira; kuduka mu mali kuva nemiri nomuse mu buyanzi,

Vafeso 3:19

nokumanya ubuyanzi bwa Kristo obu vita limanya, mu duke kwizulitswa kali kuduka ku lizula lyosi lya Nyasaye.

Vafeso 4:15

Navutswa mu livola ageligali mu buyanzi, mu du ke kuviruka mu uyu mu vindu vyosi, u veye mutwe, naye ni Kristo;

Vafeso 4:2

nobwegehidzu bwomwoyo bwosi nobuhooma, kandi nobwikudziri, mwikudzirane avene navene mu buyanzi;

Vafeso 5:15

Kigira yaga mu henze bulahi kuli mu genda, mu ta genda kuli ava ta li nobugeeri navutswa kuli avobugeeri;

Vafeso 5:25

Mwinye avasatsa, mu yanze avakali venyu kuli Kristo ya yanza livugana, ni yehaana kigira livugana;

Kwidzulitsa 27:6

Wombake ubwali bwa Yahova Nyasaye wowo namagina ga ta vadzwa; u haane ku Yahova Nyasaye wowo vihaanwa vyokusambwa kubwo:

Vafilipi 4:18

Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye.

Vakolosai 3:14

nokuvita vindu yivi vyosi mu ve nobuyanzi, bu veye kiboheru kyobudukiru.

1 Vatesalonike 4:9

Navutswa mu buyanzani bwavamwavo si mu veye nelyenya inze mmu ng'odere: kigira mwinye avene Nyasaye u mali kumwegidza kuyanzana avene navene;

1 Timoteo 2:6

wehaana a ve mutungu gwa vosi; lilolekidza li letangwa mu tsinyinga tsyalyo;

1 Timoteo 4:12

U ta leka mundu kali mulala a lege ubuyai bubwo; navutswa u ve kyokuhenzera ku kyavasuuviri, mu livola nomu ligenda, nomu liyanza, nomu lisuuvira, nomu lyetakasa.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 8:3

Kigira musalisi munene sa mulala a vikangwa a twulidze vihaanwa halala nevisyuviriru: kunangwa ga dukiranga musalisi munene uyu kandi a ve nekindu kya a twulidza.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

Vahebraina 9:23

Kunangwa lya li nelinigwa vifwananyi vyevindu vyomigulu vi takaswe nevisyuviriru yivi; navutswa vindu vyomigulu vyene vi takaswe nevisyuviriru vi vita yivi.

Vahebraina 9:26

kandi ga va ndiyo nkano ga mu dukira kusalira hali kanyingi kutwula inyinga lirova lya lombwa muse: navutswa kalunu u lang'aminyeywi inyinga indala, mu budukiru bwetsinyinga, kutwulidza ubwoni ku lyehaana mwene.

1 Petro 4:8

kuvita vindu vyosi mu ve neliyanzana ligali avene navene; kigira ubuyanzi bu kunika ubwoni bunyingi.

1 Yohana 3:16

Ku manya ndiyo ubuyanzi, kigira ya haana livamwoyo lilye kigira kwinye: nu bulahi kwinye ku haane livamwoyo lyetu kigira avamitu.

1 Yohana 3:23

Yili ni lilaga lilye, ku suuvire lieta lyo Mwana wewe Yesu Kristo, kandi ku yanzane kwinye avene, kuli ya ku ha munwa.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,