Vafeso 5:14 - KITABU KITAKATIFU

¹⁴ Kigira yaga a vola, Vuka, ive u gonanga, simuguka u twule mu vakudzu, na Kristo a la ku letera ubulavu.

Vafeso 5:14 ပူးပေါင်းရင်းမြစ်များ

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Isaya 51:17

Vuka, vuka, singira, O Yerusa lemi, ive u nweye mmukono gwa Yahova kikombe kyobutima bwibweive u nweye amaseke gekikombe kyokukudegeridza, nokukikamulula.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Luka 1:78

Kigira tsimbabasi tsinene tsya Nyasaye wetu, Kutsyo ubulavu bu twula igulu bu la ku dukira,

Luka 15:24

kigira mwana uyu ya li ya kudza, a veye mwoyo kandi; kandi ya li ya gota, u nyoleki. Navo va tanga kusangala.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Yohana 9:5

Lwa mbeye mu kivala, mbeye ubulavu bwavomkivala.

Vikolwa 13:47

Kigira Mwami ya ku laga ndiyo, na a vola, Mmali kukuvika u ve ubulavu bwe Tsihiri, U ve nobuhonnyi kuduka ku kiheri kyelirova.

Varumi 6:13

Kandi mu ta hila vivero vyenyu mu bwoni, kuli viju vyobwoneku; navutswa mwihile ku Nyasaye, kuli ava veye mwoyo kutwula mu vakudzu, ne vivero vyenyu vi ve kuli viju vyobulungi ku Nyasaye.

1 Vakorintho 15:34

Vuki bulahi, mu ta va mu lihambika, mu ta kola ubwoni; kigira avandi si va veye nelimanya Nyasaye: mbola yaga kumulegannya.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Vafeso 2:1

Kandi mwinye, lwa mwa li avakudzu kigira lihyola lyenyu nobwoni bwenyu,

Vafeso 2:5

kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi),

Vakolosai 3:1

Kunangwa ni mu va ni mwa simugukidzwa halala na Kristo mwenye vindu vi veye igulu, ha Kristo a veye, wikaye ha mukono mulungi gwa Nyasaye.

1 Vatesalonike 5:6

kunangwa ku ta gona kuli avandi, navutswa ku linde ku ve nobugeeri.

2 Timoteo 1:10

na vutswa kalunu li lang'aminyeywi ku liloleka lyo Muhonnyi wetu Kristo Yesu, wa goyanya likudza, na a leta livamwoyo nelivula kukudza li ve ha bulavu kigira ivangeli.

2 Timoteo 2:26

va duke kwitwulidza mu buginga bwa Setani, ava lanywa kukola ubulaliri bwibwe.