Vafeso 5:10 - KITABU KITAKATIFU

¹⁰ mu lungikidza ndiyo ki yanzekanga ku Mwami.

Vafeso 5:10 ပူးပေါင်းရင်းမြစ်များ

Zaburi 19:14

Makuva gomunwa gwange na tsiganagani tsyomwoyo gwange Tsi bugirirwe imbiri wowo, O Yahova, ulwanda lwange, na muhonnyi wange. Ku Munene

Tsing'ano 21:3

Kukola agobulungi na agelikalaga Ga yanzidza Yahova kuvita kihaanwa.

Isaya 58:5

Lihonga lilia kuli yili li veye kuli nda tovola? Iidiku lyomundu a dambidze mwoyo gwigwe? Yili nelinaminya mutwe gwigwe kuli lihunzu, nokuvika magunia neligoke isi wewe? U la langa yaga ga veye lihonga lilia, na lidiku lya Yahova a bugirira?

Jeremia 6:20

Kunangwa kimuli kya Sheba ki letangwa ku inze ki nkonyanga ki, kandi mukonye gu twulanga mu kivala kyehale? Vihaanwa vyenyu vyokusambwa si vi bugirirwa, si nyanzidzwa nevisyuviriru vyenyu.

Varumi 14:18

Kigira uyu u tumekira Kristo mu vindu yivi a yanzeka ku Nyasaye, kandi avandu va mu bugirira.

Vafilipi 1:10

mu duke kutovola vindu vi veye vilahi; mu ve aveligali kandi ava ta li nelikigitalidza kuduka ku lidiku lya Kristo;

Vafilipi 4:18

Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

1 Vatesalonike 5:21

mu henzeridze vindu vyosi; mu gumire ligali ki veye kilahi;

1 Timoteo 2:3

Yaga Ra veye malahi kandi agabugirirwa imbiri wa Nyasaye Muhonnyi wetu;

1 Timoteo 5:4

Navutswa ku vosi mukunzakali u veye navana kinga avisukulu, va tange kweyegidza litibwa lya Nyasaye ku venyumba vavo, nokugwuha avivuli vavo: kigira yili li yanzeka imbiri wa Nyasaye.

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

1 Petro 2:20

Kigira inyinga mu kola ubwoni, ni mu va ni mu kuywa ni mwikudzira, mu la nyola lidzominywa ki? Navutswa inyinga mu kola bulahi ni mu va ni mu nyola ubusaliri, ni mwikudzira, yaga ga veye malahi ku Nyasaye.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Samweli 17:39

Na Daudi yeboha kivavi ku vyuma igulu, na ya geridza kutsia; kigira ya li na a kikiri ku vi geridza. Na Daudi ya volera Saulo, Inze si nyala kutsia nevindu yivi, kigira nkikiri kuvigeridza. Ma Daudi ya vi navula.